අයි ෆෝනයක් මිලදී ගැනීමට අවශ්‍ය මුදල් සොයාගැනීමට තම අලූත උපන් දියණිය විකිණූ යුවළක් ගැන චීනයෙන් වාර්තා වේ.

හෙළිව තිබෙන ආකාරයට දරුවා කුසයේ සිටින කාලයේදීත් මෙම යුවළ පුවත්පත් හා අන්තර්ජාලය පුරා නොයෙකුත් දැන්වීම් පල කරමින් අලූත උපන් බිළිදෙකු විකිණීමට සිටින්නේයැයි ප‍්‍රචාරය කර තිබේ.

බිළිදා උපන් විගසම ගැනුම්කරුවෙකුට පවුම් 5000 කට විකුණා ඇති මෙම යුවළ එම මුදලින් අයිෆෝනයක් ඇතුලූ වෙනත් විච්චූරණ රාශියක්ද මිලයට ගෙන ඇති බව පොලිස් පරීක්ෂණ වලින් සොයාගෙන ඇත.

යුවළගේ සැකකටයුතු හැසිරීම සම්බන්ධයෙන් අසල්වාසීන් විමසිලිමත්වීම නිසාවෙන් පරීක්ෂණ කටයුතු දියත් කර මෙම යුවළ අත්අඩංගුවට ගැනීමට හැකිවූ බව පොලිසිය කියයි.

අත්අඩංගුවට ගෙන සිදුකළ ප‍්‍රශ්න කිරීම් වලදී අලූත උපන් දියණිය විකිණූ බව පිළිගෙන ඇති යුවළ තමන් එසේ කළේ දැනටත් දරුවන් දෙදෙනෙකු සිටින බැවින් ඇයට මදිපාඩුකම් වේ යැයි සිතා බව පවසා ඇත.නමුත් විකුණා ලබාගත් මුදල් විච්චූරණ මිලදී ගැනීම සදහා යෙදවුයේ ඇයිදැයි පොලිසිය විමසූ විට එයට දීමට පිළිතුරක් ඔවුනට තිබී නොමැත.

මිනිස් ජාවාරමේ යෙදුණේයැයි චෝදනා ලබා ඇති මෙම යුවළ වරදට වසර ගණනකට සිරගෙදරට යැවෙනු ඇති බව සදහන්ය.