IMG-LOGO

කටුනායක ගුවන්තොට අගෝස්තු මුල විවෘත නොවෙයි

 

(අජන්ත කුමාර අගලකඩ)  

කටුනායක ජාත්‍යන්තර ගුවන්තොටුපොළ විදේශීය සංචාරකයන්ට ලබන අගෝස්තු මස 1 වැනිදා සිට යළි විවෘත කිරීමට කලින් සැලසුම් කර තිබුණ ද එය තවදුරටත් කල් යනු ඇතැයි රජයේ ආරංචිමාර්ග සඳහන් කරයි.  

මෙරටට ඒමට සූදානමින් සිටින විදේශගත ශ්‍රී ලාංකිකයන් ලබන අගෝස්තු 1 වැනිදා වනවිට ගෙන්වා අවසන් කිරීමට නොහැකි වීම නිසා ගුවන් තොටුපළ සංචාරකයන්ට විවෘත කිරීම මෙසේ කල්යනු ඇතැයි වාර්තා වේ.  


විදේශගත ශ්‍රී ලාංකිකයන් මෙරටට ගෙන්වීමේදී කටුනායක ගුවන්තොටු පොළේදීම පී.සී.ආර්. පරීක්ෂණයට ලක් කෙරෙන බැවින් දැනට තිබෙන පහසුකම් අනුව දිනකට මෙහෙයුම් සිදුකළ හැක්කේ ගුවන් යානා තුනක් පමණක් බව සංචාරක ගුවන් සේවා හා ආයෝජන ප්‍රවර්ධන අමාත්‍යාංශයේ උසස් නිලධාරියෙක් ඉරිදා ලංකාදීපයට පැවැසීය.  


විදේශගත ශ්‍රී ලාංකිකයන් 52,401 දෙනකු පමණ මෙරටට ඒමට සූදානමින් සිටින බවත් දැනටමත් ගෙන්වා ගෙන ඇත්තේ 12,000 ක පමණ පිරිසක් බවත් ඔහු සඳහන් කළේය.  
මේ අතර ගුවන් තොටුපළ විවෘත කිරීම හා සංචාරකයන්ට රට විවෘත කිරීම සම්බන්ධයෙන් සෞඛ්‍ය නිර්දේශ සකස් කිරීම සඳහා සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා විසින් තාක්ෂණික කමිටුවක් පත්කරනු ලැබ ඇතැයි වාර්තාවේ.  


සෞඛ්‍ය අමාත්‍යාංශයේ විශේෂඥ වෛද්‍යවරුන් හා ශ්‍රීලංකන් ගුවන් සමාගම, ගුවන් තොටුපළ අධිකාරිය, සිවිල් ගුවන් සේවා අධිකාරිය, සංචාරක මණ්ඩලය යන ආයතනවල නිලධාරීන් ද එම කමිටුවට ඇතුළත්ව සිටින බව දැනගන්නට ඇත.

  
තාක්ෂණික කමිටුව එම වාර්තාව සකස් කර සෞඛ්‍ය සේවා අධ්‍යක්ෂ ජනරාල්වරයාට ඉදිරිපත් කිරීමෙන් අනතුරුව ඔහු එය ජනාධිපතිවරයාට බාරදීමට නියමිතය. 

 



අදහස් (1)

කටුනායක ගුවන්තොට අගෝස්තු මුල විවෘත නොවෙයි

DD Tuesday, 30 June 2020 08:43 PM

නුසුදුසු දත්ත විශ්ලේෂණය සහ පුරෝකථනය කිරීම මෙම තත්වයට හේතු වන්නට ඇත. කෙසේ වෙතත්, විශ්ලේෂණයට දොස් පැවරිය නොහැක්කේ කොවිඩ්ට මෙම අවස්ථාවෙහිදී අනාවැකි කිව නොහැකි බැවිනි. මෙම අවස්ථාවෙහිදී ශ්‍රී ලංකාවට පැමිණ ශ්‍රී ලංකාව දේශ සීමාව විවෘත කරන තෙක් බලා සිටින බොහෝ දෙනෙක් සිටිති ..

:       6       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 68 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 277 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site