IMG-LOGO

2025 ජුලි මස 19 වන සෙනසුරාදා


රාවණා ඇල්ල ගල්තලාවේ ගල්කුළු පුපුරා යාමේ අවදානමක්

(නිශාන්ත කුමාර)

ඇල්ල -  වැල්ලවාය  ප්‍රධාන මාර්ගය අතරතුර පිහිටි දෙස් විදෙස් සංචාරක ආකර්ෂණය දිනු රාවණා  ඇල්ල පිහිටි ස්ථානයට ඉහළින් පිහිටි  ගල්තලාවේ ගල්කුළු කීපයක් පුපුරා ගොස් ඇති අතර ඒවා පහළට කඩා වැටීමේ අවදානමක් පවතින බව ප්‍රදේශවාසීහු පවසති.

රාවණා ඇල්ල පිහිටි ප්‍රදේශයේ සිට මීටර් 300 ක් පමණ ඉහළට වන්නට පිහිටි මෙම ගල්තලාවේ ඇතැම් ස්ථාන පුපුරා ගොස් ඇති අතර එම පුපුරා ගිය කොටස් වලින් ගැලවුණු ඇතැම් ගල් පතුරු වැසි පවතින අවස්ථා කීපයකදී පහළට කඩා වැටුණු බවද ඔවුහු පවසති.

වැසි පවත්නා අවස්ථාවන් හිදී මෙම මාර්ගයේ ස්ථාන රැසකම පසුගිය කාලය තුළ මෙවැනි ගල් කුලු කඩා වැටීම් වාර්තා වී ඇතැයි ද ජනතාව පවසති.

සංචාරකයින්ට අවදානමක් විය හැකි මෙම ගල් කුලු ඉවත් කිරීමට කටයුතු කළ යුතු යැයිද ඔවුන් පෙන්වා දෙති.

මේ  සම්බන්ධයෙන් අප ඇල්ල ප්‍රාදේශීය සභාවේ සභාපති අමිල බස්නායක මහතා මෙසේ කීය.

‘ දිය  ඇල්ලට ඉහළින් පිහිටා තිබෙන්නේ  ස්වභාවික ගල් තලාවක්. ස්වභාවික ගල් තලාව තුළ විවිධ ස්වභාවික සංසිද්ධීන් සිදු වනවා.  මෙම ගල් පතුරු ගැලවීමත් එවැනි තත්වයක්. නමුත් එය සංචාරකයින්ගේ ආරක්ෂාවට තර්ජනයක් නොවෙයි. ඒ නිසා මේ ස්වාභාවික පරිසර තත්ව වෙනස් කළ යුත්තේ ඒ පිළිබඳ යම් විමර්ශනයකින් පසුවයි. අනෙක  ස්වභාවික පරිසරය දකින්න කැමැති බහුතරයක් සංචාරකයින් එම තත්වයන් වෙනස් කරනවාට  කැමැත්තක් දක්වන්නේ නැහැ. ඒ වගේම මෙම ගල් කුළු  කඩාවැටීමෙන් මේ වනතුරුත් කිසිදු අනතුරක් වාර්තාවී නැහැ.

නමුත් යම් අවදානමක් තිබිය හැකි නිසා දියඇල්ල නැරඹීමේ දී ඒ ආසන්නයට නොගොස් ඒ සඳහා වෙන්කර ඇති නැරඹුම් මැදිරිය හා මාර්ගයේ සිට දිය ඇල්ල නරඹන ලෙස අපි සංචාරකයින්ගෙන්  ඉල්ලා සිටිනවා.

ඒ වගේම මෙම ගල්කුළු වලින් සංචාරකයින්ට කිසිදු අවහිරයක් නොවන බවත් ප්‍රකාශ කරනවා. කෙසේ වෙතත් මේ සම්බන්ධයෙන් අවධානය යොමුකර අවශ්‍ය  පියවර ගැනීමට බලාපොරොත්තු වෙනවා.



අදහස් (1)

රාවණා ඇල්ල ගල්තලාවේ ගල්කුළු පුපුරා යාමේ අවදානමක්

Perera Wednesday, 18 September 2019 07:41 AM

වේදිකාවල් වල කියන ගල් පැලෙන බොරුවල තරම තමා ඔය.

:       0       4

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 409 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 569 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 234 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site