රංජිත් රාජපක්ෂ

මධ්‍යම කදුකරයේ බටහිර බැවුම් ප්‍රදේශවලට ඇද හැලෙන අධික වර්ෂාව සමග වටවල දියගල ප්‍රදේශයේ නිවසක් මතට විශාල ගලක් පෙරැලිමෙන් නිවසට දැඩි අලාභ හානි සිදු වි ඇති බව වටවල පොලිසිය පැවසිය.

අද(16) දින අලුයම 2 ට පමණ නිවසට ඉහලින් පිහිටි විශාල ගලක් ගැලවි නිවසේ නිදන කාමරයක් මතට වැටි එම කාමරයට දැඩි අලාභ හානි සිදු වි ඇත.

ගල පෙරලෙන අවස්ථාවේ නිවසේ පදිංචිකරුවන් එම නිවසේම වෙනත් නිදන කාමරයක නිදා සිටි නිසා ඔහුන්ට අනතුරක් සිදු වි නොමැත.

පවතින අවදානම මත එම නිවසේ පදිංචිකරුවන් තාවකාලිකව ඔහුන්ගේ ඥාති නිවාස වල පදිංචිකල බව වටවල පොලිසිය පැවසිය.

මේ අතර වටවල ප්‍රදේශයට ඇද හැලුණු අධික වර්ෂාවත් සමග මහවැලි ගගට ජලය ගලා බසිනා හැටන් ඔයේ ජල මට්ටම ඉහල යාමත් සමග වටවල දොතුළුඇල්ලේ ජල පහර වැඩි වි ඇත.

පවතින අධික වැසි සහිත කාලගුණයත් සමග හැටන් නුවරඑලිය , හැටන් කොළඹ ප්‍රධාන මාර්ග වලට සහ අතුරු ප්‍රධාන මාර්ගවලට පස් කදු කඩා වැටිමේ අවදානමක් පවතින නිසා මාර්ග වල රථ වාහන ධාවනය කිරිමේදි සැලකිලිමත් ලෙස රිය ධාවනය කරවන ලෙස හැටන් පොලිසිය රියදුන්ගෙන් ඉල්ලා සිටියි.