(එම් .සුසිල් ප්‍රියන්ත )

කැස්බැ බිත්තර 109 ක් සමග අයෙක් අද(12 ) දවල් ඌරගස්මංහන්දිය මීගස්පිටිය ප්‍රදේශයේදී සැකපිට ප්‍රශ්න කිරීම සදහා අත් අඩංගුවටගත් බව ඌරගස්මංහන්දිය පොලීසිය කියයි .

සැකකරු ඌරගස්මංහන්දිය කිරිමැටියාව ප්‍රදේශයේ පදිංචි අයෙක් බවද පොලිසිය කියයි.

ඔහු මේ බිත්තර තොගය ඉදුරුව ප්‍රදේශයෙන් අලෙවි කිරීමට රැගෙනවිත් ඇති බවත් තමන් අත් අඩංගුවට ගන්නා අවස්ථාවේදි සැකකරු බිත්තර දොලහක් විකුනා ඇති බවත් පොලීසිය කියයි .

සැකකරු අද(12 ) පස්වරුවේ අධිකරණයට ඉදිරිපත් කරන බවත් කැස්බැ බිත්තර තොගය හික්කඩුව වනජීවි කාර්‍යාලයට භාර දීමට කටයුතු කරන බවත් පොලීසිය කියයි.

ඌරගස්මංහන්දිය පොලිසියේ අපරාධ අංශයේ ස්ථානාධිපති පොලිස් ප්‍රධාන පරික්ෂක විජිත් ජයන්ත පොලිස් සැරයන් සිල්වා (2789) පොලිස් කොස්තාපල් අසංක(66638 ) යන නිලධාරිහු මේ පිලිබදව පරික්ෂණ පවත්වයි.