(නිමල් අල්ගෙවත්ත)

‘සිල් රෙදි බෙදලා මෙහෙම නම්  මහ බැංකුව කොල්ලකාපු අය අවුරුදු 300 ක් වත් හිරේ යැවිය යුතුයි‘ යැයි ගාල්ල දිස්ත්‍රික් පාර්ලිමේන්තු මන්ත්‍රී රමේෂ් පතිරණ  මහතා පවසයි.

අද (07) පැවති මාධ්‍ය හමුවක් අමතමින් ඒ මහතා මේ බව පැවසීය.

“අධිකරණය ලබා දුන් තීන්දුවට අපි හිස නමා ආචාරශීලීව අධිකරණයට ගෞරව කරමින් පිළිගන්නවා. කිසිම ආකාරයකින් ඒ සදහා අභියෝගයක් නෑ. ජනාධිපති ලේකම් විදියට සද්භාවයකින් තමයි එතුමා මේ සිල් රෙදි බෙදුවේ. ඒකත් බෙදීමක්.

මහබැංකුව කොල්ලකාලා ගෙදර ගෙනිහිල්ලා ඒකෙන් අරක්කු කොම්පැනි දාලා, පත්තර ගහලා, ඇමතිවරුන්ට ගෙවල් දීලා. ෆුට් නෝට් කල්ලියට වරදාන දීලා,  තවත් මාධ්‍ය ආයතන දාපු අයට දෙන්න ඕන රජකාලේ දඩුවම්. නමුත් ඒවා ගැන පැමිණිලි කරන්නේ නෑ. මහබැංකු වංචාව සම්බන්ධයෙනුත් මේ ආකාරයෙන්ම කරුණු කාරණා සිදුවෙයි කියලා අපි බලාපොරොත්තු වෙනවා.“යැයි ඒ මහතා ප්‍රකාශ කරයි.