(හර්ෂණ තුෂාර සිල්වා)
‘ලෝක විවාහක රූ රැජින 2021 තරගාවලිය’ ශ්රී ලංකාවේ දී පැවැත්වෙන බව කොළඹ කිංග්ස්බරි හෝටලයේ දී අද (03) නිවේදනය කළේය.
ඒ අනුව වෝග් ජුවෙලර්ස්, කිංග්ස්බරි හෝටලය සහ ජීෆ්ලොක් යන සමාගම්වල ප්රධාන අනුග්රාහකත්වයෙන් මේ වසරේ නොවැම්බර් 12 වැනිදා සිට 21 වැනිදා දක්වා ‘ලෝක විවාහක රූ රැජින 2021 තරගාවලිය’ කොළඹ දී පැවැත්වීමට කටයුතු යොදා ඇත.
‘ලෝක විවාහක රූ රැජින-ශ්රී ලංකා’හි ජාතික අධ්යක්ෂ චන්දිමාල් ජයසිංහ සහ ‘ද කලම්බු ලයිෆ්ස්ටයිල්’ සමාගම ‘ලෝක විවාහක රූ රැජින 2021’ තරගාවලියේ සම සංවිධායකත්ය හොබවති.
‘ලෝක විවාහක රූ රැජින 2021 තරගාවලිය’ ශ්රී ලංකාවේදී පැවැත්වෙන බව නිල වශයෙන් නිවේදනය කළේ වසර 35කට පසු ‘ලෝක විවාහක රූ රැජින’ කිරුළ ශ්රී ලංකාවට දිනා දුන් කැරෝලයින් ජූරිය. ඉකුත් වසරේදී ඇමෙරිකා එක්සත් ජනපදයේ ලාස් වේගාස් හි පැවැති ලෝක විවාහක රූ රැජින 2020 තරගාවලියේදී කිරුළු පැළැඳීමට සමත් වූවාය. ඒ බව නිවේදනය කිරීමේ අවස්ථාවට ‘ලෝක විවාහක රූ රැජින 2018 තරගාවලියේ’ කිරුළ දිනූ ඇලිස් ජී ජෙනාටා ද එක්ව සිටියාය. ‘ලෝක විවාහක රූ රැජින’ සංවිධානය නියෝජනය කරමින් ඇය මෙම අවස්ථාවට එක්ව සිටියාය.
1984 වසරේදී කොළඹ නගරාධිපතිනි රෝසි සේනානායක මහත්මිය පළමු වරට ලෝක විවාහක රූ රැජින කිරුළ ශ්රී ලංකාවට දිනා දීමට සමත්වූවාය. ලෝක විවාහක රූ රැජින තරගාවලියක් පැවැත්වුණු පළමු අවස්ථාව එය වූ අතර ඔස්ට්රේලියාවේ ක්වීන්ස්ලන්ඩ්හිදී එම තරාගවලිය පැවැත්විණි.
පසුගිය වසර කිහිපයේදී ඔස්ට්රේලියාව, ඊශ්රායලය, හවායි, ඇමෙරිකා එක්සත් ජනපදය, ඉන්දියාව, රුසියාව, වියට්නාමය, චීනය, දකුණු කොරියාව සහ දකුණු අප්රිකාව යන රටවලදී ලෝක විවාහක රූ රැජින තරගාවලි පවත්වා ඇත.
ලොව පුරා රටවල් 80ක ලෝක විවාහක රූ රැජින සංවිධානයේ අධ්යක්ෂවරු සිටිති. ඒ අනුව කොළඹ දී පැවැත්වෙන ‘ලෝක විවාහක රූ රැජින 2021 තරගාවලියට’ රටවල් 80ක් නියෝජනය කරමින් තරගකාරියන් සහභාගී වනු ඇත.
‘ද ලයිට්හවුස් ඕඩියෝ විෂුවල්’ සමාගම මෙම තරගාවලියේ අලෝක හා ශබ්ද අනුග්රාහකත්වය සපයයි.
කොළඹ කිංග්ස්බරි හෝටලයේ පැවැති මාධ්ය හමුවට ‘වෝග් ජුවෙලර්ස්’ හි ප්රධාන විධායක අධ්යක්ෂ උදාර කරුණාතිලක, ‘කිංග්ස්බරි හෝටලයේ’ අධ්යක්ෂ - මහජන සබඳතා අමන්දා ප්රනාන්දු, ‘ලෝක රූ රැජින- ශ්රී ලංකා ජාතික සංවිධායක’ චන්දිමාල් ජයසිංහ, ‘ජීෆ්ලොක් ක්ලෝතින්’ සමාගමේ ප්රධාන විධායක නිලධාරී රනිල් විල්ලදරගේ, ‘ද කලම්බු ලයිෆ්ස්ටයිල්’ සමාගමේ ඉසව්-අධ්යක්ෂ රිෂිනි වීරරත්න සහ ‘ද කලම්බු ලයිෆ්ස්ටයිල්’ සමාගමේ අධ්යක්ෂ - මහජන සබඳතා මිනෝලි රත්නායක යන මහත්ම මහත්මීහු සහභාගී වී සිටියහ.
(ඡායාරූප - ජයමාල් චන්ද්රසිරි)
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
2021 ලෝක විවාහක රූ රැජින තරගාවලිය ලංකාවේදී
menna Tuesday, 03 March 2020 02:03 PM
ලංකාවට හරියන්නේ විවාහක රූ රැජින තරගාවලි විතරයි.
Nuwan Tuesday, 03 March 2020 02:39 PM
පින්තුර දැක්කම වෙන මොකක් හරි සම්මේලනයක් කියලා හිතෙනවා!
Pradeep Tuesday, 03 March 2020 05:04 PM
එච්චරයි රටට අඩුවෙලා තිබුනේ.. දැන් එකත් හරි..
Chica vipula Tuesday, 03 March 2020 11:54 PM
ජේවීපී එකෙන් ඇහුවේ නැද්ද?
sharm warn Wednesday, 04 March 2020 04:41 AM
කොරෝනා වලට බයේ වෙන්න ඇති … කමක් නැහැ අපේ සංචාරක කර්මාන්තෙට වත් උදව්වක් වෙන්නේ නැතැයි ..