2025 ජනවාරි මස 18 වන සෙනසුරාදා
හම්බන්තොට වරාය 99 අවුරුද්දකට චීනයට බදු දීම පසුගිය ආණ්ඩුව කළ වරදක් යැයි ගෝඨාභය රාජපක්ෂ මහතා පවසා ඇත
ඉන්දියාවේ ප්රකට ආරක්ෂක විශ්ලේෂකයකු වන නිතින් ඒ. ගෝකලේ මහතා සමඟ සම්මුඛ සාකච්ඡාවකට එක්වෙමින් ජනාධිපති ගෝඨාභය රාජපක්ෂ මහතා ඒ බව සඳහන් කර තිබේ.
අදාළ ගිවිසුම නැවත සාකච්ඡා කළ යුතු යැයි ද ගෝඨාභය රාජපක්ෂ මහතා පවසා ඇත.
නිතින් ඒ. ගෝකලේ මහතා හවායිහි ආරක්ෂක අධ්යයන මධ්යස්ථානයේ ආදි විද්යාර්ථියෙක්, මාධ්යවේදියෙක්, ව්යවසායකයෙක්, හමුදා ඉතිහාසය පිළිබඳ ග්රන්ථ රචකයෙක් සහ උපායමාර්ගික කටයුතු පිළිබඳ විශ්ලේෂකයෙක් ද වේ.
එහිදී තවදුරටත් අදහස් දැක්වූ ගෝඨාභය රාජපක්ෂ මහතා මෙසේ ද පවසා ඇත.
“චීනය අපේ හොඳ මිත්රයෙක්. ඒ වගේම සංවර්ධනය සඳහා අපට චීනයේ සහාය අවශ්යයි. එහෙත් හම්බන්තොට වරාය 99 අවුරුද්දකට බදු දීම පසුගිය ආණ්ඩුව කළ වරදක්. ඒ ගැන කියන්න මා බිය වෙන්නේ නැහැ. ඒ වගේම ඒ පිළිබඳ නැවත සාකච්ඡා කර අපට සහාය වන නව ගිවිසුමකට එමු යැයි මා යෝජනා කරනවා. මිනිස්සු ඒ ගැන ගිවිසුම ගැන සතුටු නැහැ. අපිට අවුරුද්දක්, දෙකක්, අවුරුදු පහක් ගැන හිතන්න පුළුවන්. එහෙත් අපි අනාගතය ගැන හිතන්න ඕනේ. අනාගතයේ මොකද වෙන්නේ? ආයෝජනය සඳහා පොඩි ඉඩමක් දීම වෙනත් දෙයක්.
හෝටලයක් හෝ වාණිජ දේපළක් සංවර්ධනය කිරීම ප්රශ්නයක් නොවෙයි. උපායමාර්ගික ලෙස වැදගත්, ආර්ථික ලෙස වැදගත් වරායක් එලෙස ලබාදීම පිළිගන්න බැහැ. අපි ඒ ගැන නැවත සාකච්ඡා කරන්න අවශ්යයි.
මෙහෙයුම් කටයුතු සඳහා පර්යන්තයක් ලබා දීම වෙනස් දෙයක්. හෝටලයක් ඉදිකරන්න යම් තැනක් දීම වෙනත් දෙයක්. එහෙත් වැදගත් තැනක පාලනය ලබාදීම පිළිගන්න බැහැ. එය තමයි මගේ මතය. ඒ වගේම අපි ඉන්දියාව සමඟත් සමීපව වැඩ කරන්න ඕනෑ. ඒ වගේම අපි චීනය සමඟත් වැඩ කරන්න ඕනෑ.
රාජ්ය තාන්ත්රික සහ ආර්ථික සබඳතා හැමතැනම තියෙනවා. ඉන්දියාව චීනය සමඟ ඉතා සමීපව වැඩ කරනවා. ඉන්දියාවේ ආයෝජන චීනයට යනවා, චීනයේ ආයෝජන ඉන්දියාවට යනවා. ඒ වගේම අපටත් ආයෝජන අවශ්යයි. ඒ වගේම අපටත් සහාය අවශ්යයි. එහෙත් ඒ වෙනුවෙන් අපි ඕනෑම දෙයක් කරන්න සූදානම් නැහැ. ඒ වගේම හමුදා සහ භූ දේශපාලනික තරගයට සම්බන්ධ වෙන්න අපට වුවමනාවක් නැහැ.
ඉන්දියාව, සිංගප්පූරුව, ජපානය, ඕස්ටේ්රලියාව ආදී ලෝක බලවතුන්ට මම තව දෙයක් කියන්න කැමැතියි. ඔබ දන්නවා, ඔවුන් චීන මැදිහත්වීමට බයයි. ඒක තමයි ඇත්ත. චීන මැතිහත්වීම වාණිජ එකක්.
අපි පුංචි රටක්. අපේ ආර්ථිකය දියුණු කරන්න විදෙස් ආයෝජන අවශ්යයි. ඒ නිසා ඉන්දියාවට, ජපානයට, සිංගප්පූරුවට සහ ඕස්ටේ්රලියාවට ලංකාවට ඇවිත් ආයෝජනය කරන්නැයි මා ආරාධනා කරනවා. චීනයට විතරක් ආයෝජනය කරන්න ඉඩ දෙන්න එපා යැයි මා කියනවා.
ලංකාවට ඇවිත් ආයෝජනය කර අපට උදව් කිරීමට ඒ රටවල පෞද්ගලික සමාගම් දිරිගන්වන ලෙස මම ඉල්ලා සිටිනවා. ඒක රටකට විතරක් ඉතුරු කරලා පස්සේ කෙඳිරි ගාන්න එපා.
මා විවෘතව කියනවා. ඒ නිසා අපේ රටට ඇවිත් ආයෝජනය කරන්න. එය අපට වුවමනායි. අපි පුංචි රටක්, අපි ලොකු අයගේ ප්රශ්නවලට සම්බන්ධ වෙන්න ඕනෑ නැහැ. එය තේරුම් ගන්න. අපට පීඩනය එල්ල නොකර අප තේරුම් අරගෙන මේ රටේ ආර්ථික සංවර්ධනය හා සම්බන්ධ වෙන්න.
බොහෝ ක්රම තිබෙනවා. සල්ලි විතරක් නොවෙයි, අපේ නිෂ්පාදන ගන්න. අපට තේ, කුරුඳු, ගම්මිරිස්, පොල් තිබෙනවා. ඔබ අපේ කෘෂිකර්මාන්තයට, අපේ අධ්යාපන ක්ෂේත්රයට උපකාර කරන්න. උසස් තාක්ෂණික සමාගම්වල ආයෝජනය කරන්න. බොහෝ අවස්ථා තිබෙනවා. නිලධාරීවාදය කැපිය යුතුයි. රටේ උන්නතිය උදෙසා පැරැණි නීති රෙගුලාසි ඉවත් කරන්න මට ඕනෑ. මම ආයෝජනවලට හිතකර පරිසරයක් නිර්මාණය කරනවා.” යැයි ද ඔහු සිය සම්මුඛ සාකච්ඡාවේදී පවසා ඇත.
ඡායාරූප නිතින් ඒ ගෝකලේ මහතාගේ ට්විටර් ගිණුමෙනි
055
මෙරටට අවශ්ය ඖෂධ නිෂ්පාදන ධාරිතාවය ශීඝ්රයෙන් වර්ධනය කිරීමට අවශ්ය කඩිනම් පියවර ගන්නා ලෙස සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා රාජ
දුම්රිය ඊ ප්රවේශපත්ර ජාවාරමට සම්බන්ධ යයි චෝදනා එල්ල වී සිටින මාකුඹුර දුම්රිය ස්ථානයේ සේවයේ නිරතව සිටි පොලිස්මන්වරයාගේ සේවය අත්හිටුවීමට පියවර ගත්
වියදම් වාර්තා බාර නොදුන් පසුගිය මහ මැතිවරණයේ දේශපාලන පක්ෂවල ජාතික ලැයිස්තුවල සිටි අපේක්ෂකයන් 74 දෙනෙකුටද නඩු පැවරීමට තීරණය කර ඇතැයි මැතිවරණ කොමිෂන්
මස්කෙළිය, මාවුස්සාකැලේ තේ වතුයායේ, 05 වන කොටසේ වතු කම්කරු නිවාස පේළියක ඊයේ (17) දා රාත්රී 11.45 ට පමණ හටගත් හදිසි ගින්නකින් නිවාස 08 ක් දැවී විනාශයට පත්ව ඇති බව
දුම්රිය රියදූරන්ගේ ශ්රේණි උසස් කිරීමේ විභාගයට සූදානම්වීම හේතුවෙන් අද (18) උදේ වරුවේ කෙටි දුම්රිය ගමන් වාර 08ක් පමණ දැනට අවලංගු කිරීමට සිදුවී ඇතැයි දුම්
උතුර,උතුරු මැද,නැගෙනහිර,ඌව සහ මධ්යම පළාත්වල වැසි තත්වයේ වැඩි වීමක් බලාපොරොත්තුවන බව කාලගුණ විද්යා දෙපාර්තමේන්තුව පවසයි.
2025 ජනවාරි මස 08
339
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
2024 දෙසැම්බර් මස 24
589
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
324
0
දශක 3කට අධික කාලයක් තිස්සේ ශ්රී ලාංකිකයින්ගේ මුඛ සෞඛ්යය වෙනුවෙන් කැපවන ප්රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
හම්බන්තොට වරාය චීනයට බදු දීම ගැන ජනපති අප්රසාදය
ලියනගේ Monday, 25 November 2019 07:24 PM
ඔබගේ කතාව අලුත් කතාවක් නොවේ. නැවත කියවීමක් පමණි.
රජින්ද Monday, 25 November 2019 07:29 PM
මෙහෙම කෙලින් කතා කරපු, ජනතාවගේ පැත්තෙන්ම හැමදෙයක්ම හිතන නායකයෙක් මීට කලින් මේ රටේ දැකලා තියෙනවද. අපේ රටේ ජනාධිපති කියලා කියන්න පුළුවන් මනුස්සයෙක් පත්වෙලා ඉන්නකොට තව මොනවද. මෙහෙම නායකයෙක්ට හැර මේ රට හදන්න වෙන නායකයෙක්ට පුලුවන්ද. මෙතුමාට ශක්තිමත් ආණ්ඩුවක් හදලා දෙන්න මහා සංඝරත්නය මේ වෙනකොටත් විශාල මෙහෙවරක් ඉටු කරමින් සිටිනවා. මෙදා පාර මැති-ඇමතීන්ට නටන්න නොලැබෙන විදිහට ඔවුන්ව හිරකරගෙන ඉන්න නිසා ජනතාවගේ විශාල ජනවරමකින් සුළු ජාතීන්ගේ පදේට නටන්නේ නැති, ශක්තිමත් ආණ්ඩුවක් හදන්න මගේ රටට මගේ මිනිස්සු උදව් කරනු ඇතැයි බලාපොරොත්තු වෙනවා..
priyathaTuesday, 26 November 2019 02:13 AM
සිහින දකින්න. ඔහොම යමු.
සමන්ත Tuesday, 26 November 2019 04:45 AM
ඔව්, මෙහෙම නායකයෙක් කවදාවත් බිහිවෙලා නැහැ. 1956 බණ්ඩාරනායක උන්නැහේ පන්සල් දේශපාලනය කරද්දීවත් රට මෙහෙම බෙදුනේ නැහැ. මැරයෝ බලවත් උනේ නැහැ. නීතිය වල් වැදුනේ නැහැ. ව්යවස්ථාවට පිටින් ගියේ නැහැ. පොලිසිය කුණු අදින තැනට පත් කරේ නැහැ. රහස් පොලිස් නිලධාරින් රටෙන් පැනලා ගියේ නැහැ. මිනිමරුවෝ නැවත සේවයේ පිහිටෙව්වේ නැහැ. ඔහෙලගෙ නායකයා ජාතිවාදෙන් බලේට ඇවිත් පිස්සු කෙලින කොට ඔහෙලට ලොකු වුනාට අපිට පිස්සු නැහැ. එත් රට දියුණු වෙනවා නම් අපි ෆුල් සපෝර්ට්. ව්යවස්ථාවට අනුව කිසිම ඇමතිකමක් එයාට තියාගන්න බෑ. ඒත් එයා ආරක්ෂක අමාත්යවරයා වගේ හැසිරෙනවා. දෙන නියෝග නීති විරෝධියි. ඇත්තටම ටිකක් බලය තිබිලා මෙහෙම නම් එදා බලය යටතේ මොනවා වෙන්න නොතිබුනාද? ඔහොම යමු. රටට ඇත්තටම ආදරේ මිනිස්සු බලාගෙන ඉන්නවා.
vipulaTuesday, 26 November 2019 06:58 AM
මහ බැංකුව කඩන වෙලාවේ ඔයා කොහෙද හිටියේ? වරාය විකුණන වෙලාවේ එහෙම. රටට අගතිගාමී මොනදෙයක් තමන්ගේ ආණ්ඩුව විසින් කරනකොට සද්ද නැහැ.
RuwanTuesday, 26 November 2019 06:05 AM
කෙලින් කතා කලාට වැඩ කරලා තියෙන්නේ ඇදේට නේද? එයාට මතක නෑ පොර්ට් සිටි, ශැන්ග්රීලා දුන්නේ කවුද කියලා. ඒවත් වැරදි කියල කිව්වනම් තමා හොද.
Kalu Monday, 25 November 2019 09:28 PM
නැවත නැවතත් මට කියන්න තියෙන්නේ ගෝඨාභයට ඡන්දය දුන් සියලුම දෑහිතකාමී ජනතාව සතුටු විය යුතුයි, ආඩම්බර විය යුතුයි. ඔබ පත්කරගත්තේ පිටකොන්දක් තියෙන, බය නැති රටට අවංකව සේවයක් කරන්න පුළුවන්, පිටරටවල් සමග හරියාකාරයෙන් ගණුදෙනු කළහැකි, සතවර්ෂයට උචිත නායකයෙකි.
චන්නTuesday, 26 November 2019 02:07 AM
අපේ සහ රටේ වාසනාව.
sirisenaTuesday, 26 November 2019 02:19 AM
ගියවර ඇන ගත්තේ පිටරටවල් සමග ඉතා හොදින් ගනුදෙනු කිරීමෙන්.
Cisco Monday, 25 November 2019 10:33 PM
නිර්භය අදහස් දැක්වීමක්. නිවැරදි ඉලක්කයක්. තව වෙන මොනවද?
රණවක Tuesday, 26 November 2019 12:18 AM
ඉදිරියේදී ලංකාවට විදේශ ණය ආධාර ලබාදීමට ලෝකයේ ආසියානු බලවත් රටවල් මෙන්ම ලෝකයේ ආධාර දෙන ප්රධාන ආයතන ශ්රී ලංකාවේ වර්තමාන ආර්ථික ක්රමවේදයන් පිළිබද නැවත පුළුල් සහ ගැඹුරින් සොයා බැලීමක් කිරීමට තීරණය කර ඇත. සමහර රටවල් ණය දීමෙන් වැලකි සිටීමට පවා පෙලබෙනු ඇති බව කියා සිටි. ලංකාව විශාල වශයෙන් ණය ලබාගෙන ඇති නිසා මෙවන් තත්වයක් උදාවනු ඇතිබව පෙන්වාදී තිබේ
Buwa Tuesday, 26 November 2019 12:21 AM
එනකල් ඔය වගේ වැඩ තමා කරේ
maalaka Tuesday, 26 November 2019 01:11 AM
ඇමෙරිකාවට දුන්නොත් හොඳද ?
Nishan Tuesday, 26 November 2019 02:04 AM
එතුමා කියනවා ඇත්තේ සින්නක්කරව දුන්නා නම් හොඳයි කියන එක වෙන්න ඇති.
manilaTuesday, 26 November 2019 03:13 AM
සින්නක්කරව දෙනවට ඔයා කැමතිද?
MaheeTuesday, 26 November 2019 03:26 AM
අන්න එක නම් වෙන්න පුළුවන්. ඒ මොකද අපි දැනටමත් දන්නවනේ ෂැංග්රිලා හෝටල් ප්රදේශය චීනෙට බදු නෙමෙයි, සින්නක්කරේටම ලියලා දුන්න කියලා මහින්දගේ කාලේ. රනිල්ගේ දාහක් වැරදි අතරේ කරපු එක හොඳක් තමයි එක ආපහු අරන් අඩුගානේ 99 අවුරුදු බද්දක් බවට පත්කරපු එක. ඒකත් හරි විසඳුම නෙමෙයි. නමුත් මොකවත් නැතුවට වඩා මොකක් හරි තියෙන එක හොඳයි කියනවනේ. දැන් මේ කියන්නෙත් "පොඩි ඉඩමක් දුන්නට කමක් නැහැ" කියලා නේ. ගොනා හැරෙන්නේ පොල් පැලේටයි.
nalinTuesday, 26 November 2019 03:31 AM
දේශපාලන කුහක කමක මහත.
MaheeTuesday, 26 November 2019 07:44 AM
නලින්, පාට කණ්ණාඩියෙන් බලලා පමණක් වැඩකරන අය නිසා තමයි රටක් වලපල්ලට යන්නේ. තමන්ගේ පක්ෂෙට කලින් රට ගැන හිතන්න පුළුවන් නම්, සත්යය දකින්න පුළුවන් නම්, ඒ රට වලපල්ලට යවන්න දේශපාලුවන්ට ලේසි නෑ. ඔබට අවශ්ය කොයි එකද?
Kamal S Tuesday, 26 November 2019 04:25 AM
ඔයවගේම කතාවක් ශැන්ග්රීලා, පොර්ට් සිටි ගැන අසන්නට ලැබේවා !
සමන්ත Tuesday, 26 November 2019 04:37 AM
හම්බන්තොට වරාය රට විකුණලා චීනෙන් ණය අරගෙන හැදුවේ පහුගිය ආණ්ඩුව කියලා නෙමේනේ. ඒ කරලා අති දැවැන්ත මුදල් කන්දරාවක් කොමිස් ගැහුවේ, විශාල සල්ලි කන්දරාවක් වියදම් කරලා බාල නැටුවේ කලින් ආණ්ඩුවෙන් නෙමේනේ. කොළඹ වරායේ ආදායමෙන් හම්බන්තොට ණය ගෙවලා රට බංකොලොත් වෙන එක නවත්තගන්න කරේ කියලා, මේ වගේ අය දේශපාලනේට ආවට තේරෙන්නේ නැහැනේ. හොඳම දේ තමයි ඒ දේ වැරදි නම් ඒ සල්ලි හොයලා දීලා ඉවරවෙලා , ණයත් ගෙවන අතරම වරාය ආපහු ඉල්ලගෙන ඔහෙලා කරගෙන යන එක. එතකොට ඉන්දියාවත් සතුටු කරන්න පුළුවන්නේ. ඒවා හරි. මේවා වැරදි. හම්බන්තොට තියා මොකක් දුන්නත් වැරදි. ඒත් අපිට ආදායමක් නැත්නම් ඒවා ගෙවන්න, නව එන්නෙත් නැත්නම් වෙන මොනවා කරන්නද? කන්නද?
යාපාTuesday, 26 November 2019 07:31 AM
ඔබලා වැනි වහල්ලු තවත් මේ රටේ ඉන්නවාද ? හම්බන්තොට වරාය නිකන් අපරාධ ඉදිකිරීමක් නම් චීනේ සල්ලි දීලා ගත්තේ පාඩු ගන්න වෙන්න ඇති නේද ? කොමිස් ගහපුවා අවුරුදු 5ක් ආණ්ඩු කරලත් අල්ලන්න බැරි වුනා නේද? අවසානෙට ඒ පට්ටපල් බොරුවලට රැවටුන මිනිසුන් මෙවර රැවටුනේ නෑ නේද ? ඔබ වැනි වහල්ලු පිරිසක් ඇරෙන්න. ආදායමක් එන්න ඒවා දියුණු කරන්න ඕන බවවත් නොදන්න මනුස්සයෙක්. දේශපාලන කුහකකමට අවුරුදු 5ක් තිස්සේ ඒවා ජරාජීර්ණ වීමට ඉඩහැරියම ආදායමක් නෑ තමයි. ලැජ්ජයි තමන්ගෙ රටේ සම්පත් ඒවා හදපු මිනිහට හොද නම යනවා කියලා නිකන් වල්වදින්න දීපු මිනිස්සුන්ගෙ වහල්ලු ගැන.
Nimal Tuesday, 26 November 2019 05:56 AM
99 අවුරුද්දක් කියන්නේ ජීවිත කාලයක්. ඊටත් වඩා දිගු කාලෙකට නේද ගාලු මුවදොර ඉඩම චීනෙට සින්නක්කර වික්කේ? මේවා ආපහු පවරා ගෙන රටේ ජනතාවට හිමි කර දිය යුතු වෙනවා.
sam Tuesday, 26 November 2019 07:33 AM
ඕස්ට්රේලියානු ආයෝජකයන්ට ආරාධනා කරන කොට මතක ඇතිව ගම්මන්පිල මහත්තයාව ඒ ළඟ පාත තියා ගන්න එපා .
sandy123 Tuesday, 26 November 2019 08:32 AM
හැම රටක්ම තමන්ගේ වාසියට යම් ගිවිසුමක් ගහන්නේ... නැතුව කවුරුවත් පිනට දෙන්නේ නැහැ. එහෙම උණුවෙන හිත් දේශපාලනයේදී නැහැ... තමන්ගේ රටේ කොයිතරම් ප්රශ්න තියාගෙනද තව රටක ප්රශ්නයකට මැදිවෙන්නේ... නමුත් අපේ කරුමෙක මහත.. අපේ කියන අය මේ ගිවිසුම්වලට එළැඹෙන්නේ තමන්ගේ රට ගැන නොහිතා. පුද්ගලික වාසි පතා, අපේ බැංකුවකින් අපිට සල්ලි ණයට දෙන්නේ නිකන් සල්ලි විසි කරන්නද? ඕනෙම මෝඩයෙක් දන්නවා ණයක් ගත්තොත් පොලියත් සමග ගෙවන්න වෙන විත්තිය. එක ණයක් පියවන්න තව ණයක් ගන්නවා. ඒක පියවන්න තවත් එකක්... දම්වැල වගේ යනවා. අනවශ්ය වියදම් කපා හැර ණය පියවන්න බලන්නේ නැහැ... ඒවා තව තව වැඩියෙන් කරනවා. හැම රකියාවකටම අධ්යාපන සුදුසුකම් ඕනේ. වයස් සීමාවක් තියෙනවා. රැකියා ප්රතිලාභ ලැබෙන්නේ ඒ අනුව. නමුත් දේශපාලකයින්ට? කිසිම දෙයක් අවශ්ය නැත. දේශපාලනයේදී ඉන්න කම් පගාව, කොමිස් එකී මෙකී හැමදේම ගන්නවා වරප්රසාද සමග...? ඒ මදිවට අවුරුදු 5ක් හිටියම විශ්රාම වැටුප්... අපේ රට කවම කවදාකවත් හැදෙන්නේ නැත. අපි තව ටික දවසකින් පොළොවට පස්වෙයි.
kamal Tuesday, 26 November 2019 09:29 AM
ලංකාව වාගේ දේශපාලන අස්ථීර රටවල් වලට තමන්ගේ වටිනා මුදල් ආයෝජන කරන්න ජපානයට, සිංගප්පූරුවට සහ ඕස්ට්රේලියාවට ඇති කැක්කුම මොකද්ද? සැලකිය යුතු ආයෝජකන්ට එන්න කිව්වට මදි. අවශ්යය දේශපාලන පසුබිම සැලසීම රටේ දේශපාලකයන්ගේ වගකීමක්.
විජිත් Tuesday, 26 November 2019 09:55 AM
"ෂැංග්රිලා හෝටලය හදන්න හමුදා මුලස්ථානය ඇතුළු ගෝල්ෆේස් එකේ අක්කර ගණනාවක් සමග සින්නක්කරව චිනාට විකිණීම හොඳයි" නේද.
liyanage Tuesday, 26 November 2019 11:05 AM
නැවත වාරයක් ලංකා ආණ්ඩුවට පවරා ගෙන ඊට අදාල ආයෝජන කරන්න ඕනේනේ. ලංකාවේ බොහෝ අය හිතන විදිය නොවේ ඇත්ත තත්වය. පසුගිය වසර 25ක් වගේ කාලයක් සිට අපගේ නිෂ්පාදන / සේවා ආර්ථිකය ඉතා බොහෝ ලෙස අඩුවෙලා තියෙන වෙලාවක ඔයවගේ විශාල යෝජන වලට තවත් විදේශ මුදල් ආයෝජන කරන්න පවතින කිසිම රජයකට කරන්න පුලුවන්ද කියන එක ප්රශ්නයක්. තෙල් ගබඩා පහසුකම් නැහැනේ. තාමත් දොඹකර පහසුකම් අතිනුත් අපි බලන්න ඕන. ඒකට නැවත විදේශ ණය ගෙන ඒවා ගෙවන්න. ඊට පසු තමා විදේශ නැව් එන්නේ සේවාවන් ලබා ගන්න. මත්තලත් ඒ වගේනේ. මේ මම කිවේ පොඩි දෙයක්. කොලේ වහල කතා කරලා වැඩක් නැහැ. හිතන්න එපා. කොළඹ වරාය වගේ ගත්ත ගමන් සල්ලි උපයන්න පුළුවන් කියලා...
sandy123 Wednesday, 27 November 2019 05:03 AM
හැම රටක්ම තමන්ගේ වාසියට යම් ගිවිසුමක් ගහන්නේ. නැතුව කව්රුවත් පිනට දෙන්නේ නැහැ. එහෙම උණුවෙන හිත් දේශපාලනයේදී නැහැ. තමන්ගේ රටේ කොයිතරම් ප්රශ්න තියාගෙනද තව රටක ප්රශ්නයකට මැදිවෙන්නේ. නමුත් අපේ කරුමෙක මහත අපේ කියන අය මේ ගිවිසුම් වලට එලබෙන්නේ තමන්ගේ රට ගැන නොහිතා. පුද්ගලික වාසි පතා. අපේ බැංකුවකින් අපිට සල්ලි ණයට දෙන්නේ නිකන් සල්ලි විසි කරන්නද? ඕනෙම මෝඩයෙක් දන්නවා ණයක් ගත්තොත් පොලියත් සමග ගෙවන්න වෙන විත්තිය. ඒක ණයක් පියවන්න තව ණයක් ගන්නවා. ඒක පියවන්න තවත් එකක්. දම්වැල වගේ යනවා. අනවශ්ය වියදම් කපා හැර ණය පියවන්න බලන්නේ නැහැ. ඒවා තව තව වැඩියෙන් කරනවා. හැම රැකියාවකටම අධ්යාපන සුදුසුකම් ඕනේ. වයස් සීමාවක් තියෙනවා. රැකියා ප්රතිලාභ ලැබෙන්නේ ඒ අනුව. නමුත් දේශපාලකයින්ට? කිසිම දෙයක් අවශ්ය නැත. දේශපාලනයේදී ඉන්නකම් පගාව, කොමිස් එකී මෙකි හැමදේම ගන්නවා වරප්රසාද සමග. ඒ මදිවට අවරුදු 5ක් හිටියම විශ්රාම වැටුප්. අපේ රට කවම කවදාකවත් හැදෙන්නේ නැත. අපි තව ටික දවසකින් පොළොවට පස් වෙයි. නමුත් අපේ දරුවෝ?