IMG-LOGO

2024 පෙබරවාරි මස 21 වන බදාදා


හිටපු නාවික හමුදාපති කරන්නාගොඩ 25ට පෙර අල්ලන තැතක් තිබෙනවා

රණවිරුවන් බිලිදී මානව හිමිකම් කොමිසම සතුටු කරන්න ඉඩ නොදෙමු

ජානිපෙ මන්ත්‍රී ජයන්ත සමරවීර කියයි

(ඩයනා උදයංගනී)

හිටපු නාවික හමුදාපති වසන්ත කරන්නාගොඩ මහතා, ජිනීවා මානව හිමිකම් කොමිසමේ 40 වැනි සැසිවාරය ආරම්භ වන මෙම මස 25 වැනිදාට පෙර අත්අඩංගුවට ගැනීමේ උත්සාහයක් තිබෙන බව ජාතික නිදහස් පෙරමුණේ නියෝජ්‍ය නායක, පාර්ලිමේන්තු මන්ත්‍රී ජයන්ත සමරවීර මහතා ඊයේ (12) පැවසීය.

මේ ආකාරයෙන් රණවිරුවන් බිලිදී ජිනීවා මානව හිමිකම් කොමිසම සතුටු කිරීමට රජය ගන්නා උත්සාහයට ඉඩ නොදිය යුතු බව ද මන්ත්‍රීවරයා සඳහන් කළේය. ජයන්ත සමරවීර මහතා මේ බව පැවසුවේ ජාතික නිදහස් පෙරමුණු මූලස්ථානයේදී ඊයේ (12) පැවති මාධ්‍ය හමුවක් අමතමිනි. එහිදී අදහස් දැක්වූ මන්ත්‍රීවරයා මෙසේ ද කියා සිටියේය. “අප මේ ගෙවන්නේ කොටි ත්‍රස්තවාදය පැරදවීමෙන් පසු දසවන වර්ෂයයි. මැයි මස 19 වැනිදාට වසර 10ක් සම්පූර්ණ වෙනවා. ඒ විජයග්‍රාහී සමරුව වෙනුවෙන් රට සූදානම් වෙන වෙලාවේත් ඒ ජයග්‍රහණය රටට අත්පත් කර දී සියලු ජනතාවට සාමයෙන් හුස්ම ගැනීමේ අවස්ථාව ලබාදුන් රණවිරුවන්ගෙන් පලිගැනීම සිදුවෙමින් තිබෙනවා. මානව හිමිකම් කොමිසමේ එවක කොමසාරිස්වරයා වූ සෙයිඞ් අල් හුසේන් කුමාරයා 2015 වසරේ අපේ රණවිරුවන් යුද අපරාධ කළ බව සඳහන් කරමින් සකස් කළ අභූත වාර්තාව පිළිගෙන රනිල් වික්‍රමසිංහ ආණ්ඩුවේ විදේශ අමාත්‍ය මංගල සමරවීර මහතා ඒ යෝජනාවට සම අනුග්‍රහය දැක්වීමට එකඟ වී තිබෙනවා. පෙබරවාරි 25 වැනිදා ජාත්‍යන්තර මානව හිමිකම් කවුන්සිලයේ 40 වැනි සැසිවාරය ජිනීවාවලදී ආරම්භ වෙනවා. මාර්තු 21 දක්වා මෙය පැවැත්වෙනවා.

 

ශ්‍රී ලංකාවේ යුද අපරාධවලට වගකිව යුතු රණවිරුවන්ට දඬුවම්දීමට ඔවුන් ලබාදී ඇත්තේ මෙම වසර අවසානය තෙක් පමණයි. මේ කාලය අවසන් වන විට රණවිරුවන්ට දඬුවම් ලබාදෙමින් බටහිර රටවල විශ්වාසය දිනාගැනීමට රනිල් වික්‍රමසිංහ මහතාගේ ආණ්ඩුව කටයුතු කළ යුතුව තිබෙනවා. මේ වනවිටත් බුද්ධි අංශ රණවිරුවන් රක්ෂිත බන්ධනාගාරගත කරමින් ඔවුන් එම කාර්ය ආරම්භ කර තිබෙනවා. මානව හිමිකම් සමුළුවේ යෝජනාවට අනුකූලව කටයුතු කරමින් යුද්ධයට දායකත්වය දුන් ඒ රණවිරුවන් මෙන්ම නාවික හමුදා කොමදෝරු ඩී.කේ.පී දසනායක, සුමිත් රණසිංහ වැනි රණවිරුවන් ද සිරගත කර තිබෙනවා. නාවික හමුදා කොමදෝරු ඩී.කේ.පී දසනායක මහතා අත්අඩංගුවට ගත්තේ වෙන් එමර්සන් නැමති එක්සත් ජාතීන්ගේ මානව හිමිකම් කොමිසමේ නියෝජිතයා ලංකාවට ආ වෙලාවේයි. එක්සත් ජාතීන්ගේ මානව හිමිකම් කොමිසමේ නව කොමසාරිස් මිචෙල් බැචලට් මහත්මිය මෙවර සමුළුව අවසානයට පෙර ශ්‍රී ලංකාව සම්බන්ධයෙන් වාර්තාවක් ලබාදීමට නියමිතයි. මේ වන විට රාජ්‍ය නොවන සංවිධාන 30ක් ලංකාවේ යුද අපරාධ සිදුවීම සම්බන්ධයෙන් එම කොමිසමට වාර්තා 30ක් ඉදිරිපත් කර ඇති බව වාර්තා වී තිබෙනවා.

එමෙන්ම යුද හමුදා මාණ්ඩලික ප්‍රධානී මේජර් ජනරාල් ශවේන්ද්‍ර සිල්වා මහතාගේ ජාත්‍යන්තර ගමන් තහනම් කරන ලෙසත්, ඔහු හමුදාවෙන් ඉවත් කරන ලෙසත් ඉල්ලමින් එක්සත් ජාතීන්ගේ උපදේශිකා යාශ්වින් සූකා පිටු 157ක වාර්තාවක් මානව හිමිකම් කොමිසමට ඉදිරිපත් කර තිබෙනවා. යාශ්වින් සූකා විසින්ම ගෝඨාභය රාජපක්‍ෂ මහතා සහ යුද හමුදා රණවිරුවන් 59 දෙනෙකු යුද අපරාධවලට සම්බන්ධ බවට වාර්තාවක් ඉදිරිපත් කර තිබෙනවා. රනිල් වික්‍රමසිංහ, මංගල සමරවීර මහත්වරුන්ගේ එකඟතාව පරිදි එක්සත් ජාතීන්ගේ මානව හිමිකම් කොමිසම ශ්‍රී ලංකාව වටකර රණවිරුවන්ට පහරදීමට සූදානම් වෙනවා. රණවිරුවන් 59 දෙනකුට එරෙහිව ඔවුන් කටයුතු කරන වෙලාවේ, රජය උත්සාහ කරන්නේ පෙබරවාරි 25ට පෙර හිටපු නාවික හමුදාපති වසන්ත කරන්නාගොඩ මහතාත් අත්අඩංගුවට ගන්නයි. මේ වන විටත් ඔහුට එරෙහි නඩුවක් විභාග වෙනවා.

වසන්ත කරන්නාගොඩ මහතාට විරුද්ධව සාක්‍ෂි දෙන අයට ඕස්ටේ්‍රලියාවේ රැකවරණ පවා දී තිබෙනවා. හිටපු හමුදාපති සින්නයියා මහතාත් එම ධූරයට පත්වීමට පෙර වසන්ත කරන්නාගොඩ මහතාට විරුද්ධව අපරාධ පරීක්‍ෂණ දෙපාර්තමේන්තුවට ප්‍රකාශයක් දී තිබෙනවා. පසුගිය දිනක රේගු අධ්‍යක්‍ෂ ජනරාල් ධූරයට පත්කිරීමට උත්සාහ කළ ශාමල් ප්‍රනාන්දු නමැති නාවික හමුදා නිලධාරියාත් කරන්නාගොඩ මහතාට විරුද්ධව සාක්‍ෂි දුන් අයෙක්. මේ අයුරින් එවැනි අයට වරප්‍රසාද දී තමයි කරන්නාගොඩ මහතා දංගෙඩියට ගෙනියන්න හදන්නේ. ආරක්‍ෂක ලේකම් හේමසිරි ප්‍රනාන්දු මහතා යුද අපරාධ කළ අයට දඬුවම්දීමට කැමති බව ප්‍රසිද්ධියේම කියා තිබෙනවා. එවැනි පැමිණිලි තිබෙනවා නම් එවන්න කියා දෙමළ ඩයස්පෝරාවට ආරාධනයක්ද කර තිබෙනවා. පුද්ගලයන් 11 දෙනෙක් අතුරුදන් වූ බවට අභූත චෝදනා නගා කරන්නාගොඩ මහතා රක්‍ෂිත බන්ධනාගාරගත කර දංගෙඩියට දක්කන්නයි දැන් සැරසෙන්නේ.



අදහස් (2)

හිටපු නාවික හමුදාපති කරන්නාගොඩ 25ට පෙර අල්ලන තැතක් තිබෙනවා

Chanak Los angeles Tuesday, 26 February 2019 03:39 AM

රණවිරුවන්ට මුවා වෙලා ලකුණු පුවරුව උඩ දාගන්න වගෙයි කල්පනාව.. එත් කමක් නැහැ නියම රණවිරුවන්ට මුවා වෙලා එහෙම කරගන්නවානම් .

:       1007       1

පිටිගල මිලානෝ Wednesday, 13 March 2019 10:33 AM

කරන්නාගොඩ මහතාගෙන් ප්‍රශ්න කරන්නේ යුද්ධය සම්බන්ධව යමක් හෝ යුධ අපරාධ සම්බන්ධ යමක් නොවේ. අසරණ ළමුන් කිහිපදෙනෙක් කප්පම් ගැනීම සඳහා පැහැරගැනීමක් සහ මරා දැමීමක් පිළිබඳවයි. මෙවැනි මහා පරිමාණයේ චෝදනා නිර්දෝෂී මිනිසෙකුට කිරීම අමාරු කාර්යයක් වන බැවින් එතුමා එයට උදව් දී නැත්නම් ඉතාමත්ම ලේසියෙන් බේරෙන්න පුළුවන්. ඒ නිසා මේවාට ජිනීවා පටලවා ගන්න එපා...

:       11       0

ඔබේ අදහස් එවන්න

දියත

රජරට දරුවන් සියයට 60කගේ පෙනීම දුර්වලලු
2024 පෙබරවාරි මස 21 279 1

අනුරාධපුර දිස්ත්‍රික්කයේ පාසල් යන දරුවන්ගෙන් 60% කට පමණ ඇස් පෙනීමේ දුර්වලතා මතුව ඇති බව අක්ෂි සායන කඳවුරු දොළහක දත්ත පදනම් කරගනිමින් අනාවරණය කරගත් බව ඇ


මල්වානේ නිවස සංවර්ධන ව්‍යාපෘතියකට
2024 පෙබරවාරි මස 21 1271 3

මල්වානේ පිහිටි හිමිකරුවෙක් නොමැති සුඛෝපභෝගී නිවස සහ අක්කර 15 ක් පමණ ඉඩම පිළිබදව සවිස්තරාත්මක යෝජනාවක් අමාත්‍ය මණ්ඩලයට ඉදිරිපත් කොට එය ඵලදායී සංවර්ධන


උද්ධමනය තවත් ඉහළට
2024 පෙබරවාරි මස 21 394 2

ජාතික පාරිභෝගික මිල දර්ශකයට අනුව ජනවාරි මස උද්ධමනය සියයට 6.5 දක්වා ඉහළ ගොස් ඇති බව ජන හා සංඛ්‍යා ලේඛන දෙපාර්තමේන්තුව ප්‍රකාශ කළේය.


පුංචි දියණියක් ජර්සි 45ක් ඇඳ ලෝක වාර්තාවක් තබයි
2024 පෙබරවාරි මස 21 648 0

ඇමෙරිකාවේ වොෂින්ටන් නුවර සෝෆියා හේඩ්න් නම් දියණියක් එකවර ජර්සි 45 ක් ඇඳගනිමින් ගිනස් ලෝක වාර්තාවක් තබා ඇත. ලෝක වාර්තාව තැබීමේදී සෝෆියාට ඇය ඇඳගන්නා සෑම


ශානි ගැන වාර්ථාවක් අධිකරණයෙන් ඉල්ලයි
2024 පෙබරවාරි මස 21 757 1

රහස් පොලිසියේ හිටපු ප්‍රධානී ශානි අබේසේකර මහතාට විශේෂ පොලිස් බළකා ආරක්ෂාව ලබාදීම පිළිබඳව ප්‍රගති වාර්තාවක් අධිකරණයට ඉදිරිපත් කරන ලෙස අභියාචනාධිකර


ශ්‍රී ලාංකික සංකල්පයෙන් එකමුතුව ගොඩ නගමු
2024 පෙබරවාරි මස 21 348 4

ශ්‍රී ලාංකිකයන් ලෙස සියලුදෙනා එකට එක්වුවහොත් රට ශීඝ්‍ර සංවර්ධනයක් කරා ගෙන යමින් වඩා සුරක්ෂිත රටක් මතු පරපුරට ගොඩනඟා දිය හැකි බව ජනාධිපති රනිල් වික්‍


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 151 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 222 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 249 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site