විපක්ෂ නායක කාර්යාලය තාවකාලිකව වහයි

(නිමල කොඩිතුවක්කු)

විපක්ෂ නායක සජිත් ප්‍රේමදාස මහතාට කොරෝනා ආසාදනය වීම හේතුවෙන් කොළඹ මාක්ස් ප්‍රනාන්දු මාවතේ පිහිටි විපක්ෂ නායක කාර්යාලය අද (24) සිට තාවකාලිකව වසා දැමීමට කටයුතු කළ බව සමගි ජන බලවේගය මහලේකම් රංජිත් මද්දුමබණ්ඩාර මහතා පවසයි.

විපක්ෂ නායක කාර්යාලයේ සිටි කාර්ය මණ්ඩලය සෞඛ්‍ය උපදෙස් මත නිරෝධායන කටයුතු සඳහා යොමු කර සිටින බවද මහ ලේකම්වරයා සඳහන් කරයි

විපක්ෂ නායක කාර්යාලය විසබීජහරණය කර සෞඛ්‍ය උපදෙස් මත කඩිනමින් ජනතාව වෙනුවෙන් විවෘත කිරීමට කටයුතු කරන බවත් ඔහු කියයි.

මේ අතර ඇතුල්කෝට්ටේ පිහිටි සමගි ජන බලවේගය ප්‍රධාන කාර්යාලයේ කටයුතු සීමා කිරීමට පියවර ගෙන ඇති බවත් මහලේකම්වරයා වැඩිදුරටත් සඳහන් කළේය.

අදහස් (4)

විපක්ෂ නායක කාර්යාලය තාවකාලිකව වහයි

ප්‍රියන්ත Monday, 24 May 2021 09:35 AM

එන්නත විදින්න බයේ.. එපා කියලා කිව්වට සාමාන්‍ය මිනිස්සුන්ට ලාබෙට වාහනයක් ගන්න නෑ කියලා... මෙයාලා කවදාවත් තීරුබදු රහිත වාහන නම් එපා කියලා තියෙනවද ?

: 2 7

RaveendraMonday, 24 May 2021 11:20 AM

සහතික ඇත්ත මේ ඔක්කොම එක එක කාලකන්නි පාටවලට බෙදිලා කෑමරා ගත්තට මොවුන්ගේ සුඛවිහරණයට ඉතාමත් අඩු මුදලට ලබා දීලා තියෙන කිසිඳු දෙයක් අවශ්‍ය නැහැ කියලා නම් නෑ කිසිඳු දවසක. අඩු තරමින් (ඉතාම සුළු මුදලකට) ඉතාම සහනදායි මුදලට ලබාගන්න අධි පෝෂ්‍යදායි කෑම ටිකවත් එපා කියලා නැහැනේ... එකඳු බූරුවෙක් 225 න්...

: 2 1

Lelwala Monday, 24 May 2021 11:18 AM

මේ ටිකම ඇති රටේ ජනතාවට කොරෝනා වෛරස් බෝ කරන්න.

: 1 1

Sri Lanka Monday, 24 May 2021 03:49 PM

කීයක් හම්බ වුණාද දන්නේ නැහැ කොරෝනා අරමුදලින්?

: 1 0