IMG-LOGO

රුපියල් කෝටියක් අවභාවිතා කළැයි කී නඩුව ජුලි 6 දා

(මනෝප්‍රිය ගුණසේකර)

මීගමු කලපු සංවර්ධනයට මහා භාණ්ඩාගාරයෙන් ලබා දුන් රුපියල් කෝටියකට අධික මුදලක් අවභාවිත කරමින් පසුගිය ජනාධිපතිවරණයේදී හිටපු ජනාධිපති මහින්ද රාජපක්‍ෂ මහතාගේ අවසන් රැළිය මීගමු නගර සභා ක්‍රීඩාංගනයේ පැවැත්වු බවට චෝදනා ලැබ සිටින හිටපු ධීවර කටයුතු නියෝජ්‍ය ඇමති සරත් කුමාර ගුණරත්න මහතා ඇතුළු විත්තිකරුවන් 6දෙනෙකුට එරෙහිව පවරා ඇති නඩුව ලබන ජුලි 06 වැනදා කැඳවීමට කොළඹ මහාධිකරණ විනිසුරු මොහොමඩ් ඉර්ෂඩීන් මහතා අද (19) නියම කළේය.

පුත්‍රයාගේ රෝගයකට ප්‍රතිකාර ගැනීම සඳහා අධිකරණයේ අවසර මත විදේශ ගතවු, නඩුවේ 06 වැනි විත්තිකාර ධීවර සංස්ථාවේ හිටපු සභාපතිවරයකු වන ලක්මිණ මුනිදාස මහතාට කොරෝනා වයිරස තත්වය හේතූවෙන් යළි ලංකාවට පැමිණීමට නොහැකිව සිටින බව පවසමින් නීතීඥ අසිත විපුලනායක මහතා කළ ඉල්ලීමක් පිළිගනිමින් විනිසුරුවරයා එලෙස නියම කළේය.


2014 නොවැම්බර් 20 වැනිදාත් 2015 ජනවාරී 07 වැනිදාත් අතර කාලය තුළ කොළඹ හා මීගමුවේදී ලංකා ධීවර වරාය නීතීගත සංස්ථාව බාරයේ තිබු රජයට අයත් රුපියල් 112,78,000ක මුදලක් වංක ලෙස සිය ප්‍රයෝජනයට ගැනීම සඳහා කුමන්ත්‍රණය කළ බව සියලුම විත්තිකරුවන්ට  එරෙහිව  නීතීපතිවරයා විසින් චෝදනා නඟා ඇත.
 
මෙලෙස චෝදනා ලැබ සිටින්නේ චන්දන පැල්පිට, පියල් අබේසේකර, හිටපු ධීවර කටයුතු නියෝජ්‍ය ඇමති සරත් කුමාර ගුණරත්න, ඔහුගේ බෑණා වන උපුල් චමින්ද පෙරේරා කුමාරසිංහ, ධීවර සංස්ථාවේ හිටපු සභාපති උපාලි ලියනගේ සහ ලක්මිණ මුනිදාස නමැත්තන්ය.
 
බරපතල වංචා සහ දුෂණ විමර්ශන කොමිසම හමුවේ මුලින්ම මේ පිළිබඳ තොරතුරු හෙළි වු අතර එහි නිර්දේශ මත රහස් පොලිසිය විසින් සිදු කරන ලද විමර්ශනයකින් අනතුරුව නිතීපතිවරයා විසින් විත්තිකරුවන්ට එරෙහිව මෙලෙස අධිචෝදනා ගොනු කොට ඇත.
 
බරපතල වංචා සහ දුෂණ සිද්ධීන් සෙවීම සඳහා පත් කරන ලද ජනාධිපති විමර්ශන කොමිසමේ නිර්දේශ මත පවරන ලද මුල්ම නඩුව වන්නේ මෙයයි.
 
නඩුව කැඳවනු ලැබු අවස්ථාවේදී නඩුවේ 06 වැනි විත්තිකාර ලක්මිණ මුනිදාස මහතා වෙනුවෙන් පෙනී සිටි නීතීඥ අසිත විපුලනායක මහතා කළ ඉල්ලීමක් පිළිගනිමින් නඩු විභාගය කල් තැබු විනිසුරුවරයා නඩුව ලබන ජුලි 06 වැනිදා යළි කැඳවීමට වැඩිදුරටත් නියම කළේය.
 
පැමිණිල්ල වෙනුවෙන් ජ්‍යෙෂ්ඨ රජයේ නීතීඥ සුදර්ශන පෙරේරා මහතා පෙනී සිටියේය. විත්තිකරුවන් වෙනුවෙන් නීතීඥ අසිත විපුලනායක, නීතීඥ ගනේෂ් ධර්මවර්ධන මහතා ඇතුළු නීතීඥවරුන් කණ්ඩායමක් සමඟ ජනාධිපති නීතීඥ සම්පත් මෙන්ඩිස් මහතා පෙනී සිටියේය.



අදහස් (4)

රුපියල් කෝටියක් අවභාවිතා කළැයි කී නඩුව ජුලි 6 දා

sachith Friday, 19 February 2021 11:35 AM

රුපියල් 2500ක් විතර දඩයක් ගහලා එළියට දානවා....

:       2       8

chandana Friday, 19 February 2021 05:29 PM

නිදොස් කොට නිදහස් .. එහෙම නොවුණොත් මේක පොහොට්ටු අණ්ඩුව නොවේ.

:       2       7

සිසිල් සුදේශ් Saturday, 20 February 2021 07:50 AM

අපරාදෙ, අර මොකක්ද කොමිසමට දැම්මා නම් නිදහස් විතරක් නෙවෙයි, විභාග කරපු පොලිස් නිලධාරින් අත්අඩංගුවට ගන්නවානේ...

:       1       4

Rata Perata Saturday, 20 February 2021 09:06 AM

ඕක කාටවත් දැනගන්න තියන්න එපා.. මිනිහා නඩුව අයින් කරගෙන සියලු දෙනා නිදොස් කොට නිදහස් කරයි.

:       1       4

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 205 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 710 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1120 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site