IMG-LOGO

2024 පෙබරවාරි මස 29 වන බ්‍රහස්පතින්දා


“රට වසා නොදැමීමට තීරණය කළ අවස්ථාවේ විමල්, ගම්මන්පිල, වාසු එහි සිටියේ නැහැ’’

(ඩයනා උදයංගනී)

රට වසාදැමීමක් නොකළ යුතු බවට කැබිනට් මණ්ඩලය තීරණය කළ අවස්ථාවේ විමල් වීරවංශ, වාසුදේව නානායක්කාර සහ උදය ගම්මන්පිල යන අමාත්‍යවරුන් එහි නොසිටි බව කැබිනට් ප්‍රකාශක, ජනමාධ්‍ය අමාත්‍ය, ඩලස් අලහප්පෙරුම මහතා පැවසීය.

මෙම තීරණය ගනු ලැබූ පසුගිය සතියේ කැබිනට් රැස්වීමට මෙම අමාත්‍යවරුන් පැමිණ සිටියත් ඔවුන් එය අවසන්වීමට පෙර පක්ෂනායක රැස්වීමක් සඳහා පිටව ගිය බව ද අලහප්පෙරුම මහතා සඳහන් කළේය.

එදින කැබිනට් මණ්ඩල රැස්වීම රාත්‍රී 10.10 පමණ වන තුරු පැවති බවත්, ශ්‍රී ලංකා පොදුජන පෙරමුණට සම්බන්ධ පක්‍ෂ නායක රැස්වීමක් එදින රාත්‍රී 8.00ට කැඳවා තිබූ නිසා පක්ෂ නායකයින් ද වන මෙම අමාත්‍යවරු රාත්‍රී 9.00ට පමණ ඉන් පිටව ගිය බවත් ඇමතිවරයා කීවේය.

අමාත්‍ය ඩලස් අලහප්පෙරුම මහතා මේ බව පැවසුවේ රජයේ ප්‍රවෘත්ති දෙපාර්තමේන්තුවේදී අද (24) පැවති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියකු නැගූ පැනයකට පිළිතුරු දෙමිනි.

රට වසා නොදැමීමට අමාත්‍ය මණ්ඩලය ඒකමතික තීරණයක් ගන්නා විට ඔවුන් ඉන් පිටව ගොස් සිටි අතර රාත්‍රී කාලයේ දී අදාළ තීන්දුව එම තිදෙනාට දැනුම්දීමට හැකියාවක් නොතිබූ බව ද සඳහන් කළේය.

ඔවුන් එදින පැවති පක්‍ෂ නායක රැස්වීමේදී ගත් තීරණයකට අනුව රට වසා දමන්නැයයි ඉල්ලා ජනාධිපතිවරයාට ලිපියක් යොමුකර තිබූ බවද ඇමතිවරයා කීවේය.

ලෝකයේ ඕනෑම සන්ධාන දේශපාලනයක් තුළ විවිධ මතගැටුම්, යෝජනා, අදහස් ක්‍රියාත්මක පවතින බව කී ඩලස් අලහප්පෙරුම මහතා වත්මන් ආණ්ඩුව අභ්‍යන්තර අර්බුදයක් ගැන කතා කිරීමට තරම් ආණ්ඩුව රෝගී වී නැති බවත් එය නිරෝගී ආණ්ඩුවක් බවත් ප්‍රකාශ කළේය.

 



අදහස් (11)

“රට වසා නොදැමීමට තීරණය කළ අවස්ථාවේ විමල්, ගම්මන්පිල, වාසු එහි සිටියේ නැහැ’’

lelwala Tuesday, 24 August 2021 05:52 PM

එකට වැඩ කරන්න බැරිනම් තවත් පක්ෂයේ තියාගන්නේ නැතිව බෙරකාරයයි, නැට්ටුවෝ ටිකයි එළවා දමන්න...

:       12       20

naleen Tuesday, 24 August 2021 06:01 PM

පොහොට්ටු මාධ්‍ය ප්‍රකාශක එක සැරයක් තෙල් මිල ගැන කියල නෑවා. මේ සැරේ ලොක් ඩවුන් ගැන කියල නෑවා...

:       4       27

fairoosTuesday, 24 August 2021 08:26 PM

මේ ආණ්ඩුව ආපු දා ඉඳන් නාන එක තමයි කළේ. වහල්ලුන්ට මේවා තේරෙන්නේ නැහැ..

:       0       2

chandana Tuesday, 24 August 2021 07:55 PM

කාවවත් එළවලා නෙවෙයි, තව තවත් අවබෝධයෙන්, ශක්තිමත්ව මේ ගමන යායුතුයි. මේ ආණ්ඩුව පත්කරගත්ත ඡන්ද දායකයින් විසින්ම රැකගත යුතුයි. විරුද්ධ සුළුතරයකට නොරැවටිය යුතුයි. ශක්තිමත් ආණ්ඩු දුර්වල කරන්න බලවේග ක්‍රියාත්මක වෙන බව ජනතාව තේරුම් ගතයුතුයි. හැබැයි සාගර මැතිතුමා දැන හෝ නොදැන කරන්නේ මහජන මතය බිඳීමක්. ඒතුමා තවමත් පරිණත නැතුව ඇති. ඒ්ත් හානිය වෙන්නේ එතුමාගේ ක්‍රියාකලාපයෙන්ම තමයි. කවුරුත් නොහිතන වෙලාවට විපක්ෂයට හොඳ ඩෑෂ් පාරක් ගහන්න එතුමා බෝලය උස්සලා දෙනවා. මේවාට රැවටිලා මේ ආණ්ඩුවට පාඩමක් උගන්වන්න කිසියම් හෝ ඡන්ද දායකයකු සිතනවා නම් එය තමන්ගේ ගෙල තමන්ම කපා ගන්නවා වගේ වැඩක්. මතකයිනේ, සමහරු රැවටිලා පාඩම් උගන්වන්න ගෙනාපු යහපාලනේ තරම... අදටත් ඒ්වයේ විපාක නැති කරන්න බැහැ. මූණත් එක්ක තරහ වෙලා නහය කපා ගන්න උත්සාහ කරන්න එපා. ඩලස් මැතිතුමා නියම පරිණත පිළිතුරක් දීලා තියෙන්නේ.

:       43       14

සෙනෙවිරත්න Wednesday, 25 August 2021 07:09 AM

පිළිතුරු පරිනතයි. වැඩ බිංදුවයි. රජය පත්කරගත් ඔබ ඒ ගැන සෑහෙනවද? ඔබ නොබියව කියන්න රාජපක්ෂ පවුලෙ අය, ගෑවිච්ච අය විතරද දක්ෂක? එයාලගෙන් සියලුම තනතුරු පුරවල, වෙනත් අමාත්‍යාංශ වල බල තල පවුලෙ අයට දීම හරිද කියල? ව්‍යාපාරිකකයො කීප දෙනෙකුට ඕන විදියට සියලුම දෙය සිදුවීම, රටේ වටිනා ඉඩම් විදෙස් රටවලට විකිණිම ,ඔබ පත්කරගත් රජය කරාවි කියල හිතුවද? මේ රටේ ප්‍රශ්න යට ගහන නාට්‍යයක් බව තේරෙන්නෙ නැද්ද? ඔබ තවමත් මේ පවුල ලෝකෙට ණය වෙලා නිස්කාර ව්‍යාපෘති වලට මුදල් යෙදවීමෙන් මෙම ව්‍යසනය උදාවූ බව පිළිගන්නෙ නැද්ද?

:       0       5

naushiWednesday, 25 August 2021 10:46 AM

චන්දන මහත්මයා උපරිම ලෙස කඩේ යන බවක් පෙනෙයි

:       0       1

Sri Lanka Tuesday, 24 August 2021 08:05 PM

කවුරු කවුරුත් දැන් තීරණ ගන්නේ ඉදිරි මැතිවරණය ඉලක්ක කරලා. රට බල්ලට ගියත් වැඩක් නැහැ... ඒකයි කොරෝනා ඉවර කරන්නේ නැත්තේ?

:       4       30

Dharmatileke Wednesday, 25 August 2021 09:18 AM

බල්ලන්ට නිග්‍රහ කරන්න එපා.

:       0       5

de silva Tuesday, 24 August 2021 11:56 PM

සාගර කියනවා අත ඉස්සුවා කියලා ඩලස් කියනවා හිටියේ නැහැ කියලා කවුද බොරු කියන්නේ.?

:       0       5

kamal Wednesday, 25 August 2021 08:31 AM

ඒකනේ කියන්නේ. ඒගොල්ලෝ හිටියේ නැහැනේ. හිටියනම් අත උස්සන්නේ නැහැනේ.

:       0       5

රඟහල Wednesday, 25 August 2021 09:01 PM

මොන තරම් පැනි බිව්වත්, මුට්ටි දැම්මත්, රටට විකාරයක් වුනත් සර් තරහ ගන්නෙ නෑ, විරුද්ධ මත ප්‍රකාශ නොකරන තාක්. මහින්ද මහත්තයගෙ පැසුනු බුද්ධිය නැත්තං මේවගෙ ප්‍රශ්නවලට උත්තර හොයන්න අමාරු වෙනවා. ඉක්මන් කොටයි කියන්නෙ ඒකයි.

:       0       6

ඔබේ අදහස් එවන්න

දියත

එච්.අයි.වී ආසාදිතයින් ඉහළට
2024 පෙබරවාරි මස 29 85 0

එච්. අයි. වී. නව ආසාදිතයින් වාර්තා වීම සියයට 14කින් පමණ ඉහළ ගොස් ඇතැයි ජාතික ලිංගාශ්‍රිත රෝග හා ඒඩ්ස් මර්දන වැඩසටහන පවසයි.


රටපුරා විශ්වවිද්‍යාල අනධ්‍යයන සේවයෝ කොළඹට එති
2024 පෙබරවාරි මස 29 146 0

විශ්වවිද්‍යාල අනධ්‍යයන කාර්යමණ්ඩ සාමාජිකයෝ ඉල්ලීම් කීපයක් මුල්කරගනිමින් ක්‍රියාත්මක කරන වෘත්තීය ක්‍රියාමාර්ගවල තවත් පියරවක් ලෙස රට පුරා විහ්වවිද


රථ වාහන සේවාවලට වෙලාවක් වෙන්කිරීම අනිවාර්යයි
2024 පෙබරවාරි මස 29 346 0

මෝටර් රථ ප්‍රවාහන දෙපාර්තමේන්තුවේ සේවා ගැනීමට ලබන සඳුදා (4 වැනිදා) සිට දිනයක් සහ වේලාවක් වෙන්කරගැනීම අනිවාර්ය බව මෝටර් රථ ප්‍රවාහන කොමසාරිස් ජනරාල් නි


නාගානන්ද නීතිඥ වෘත්තියෙන් නෙරපයි
2024 පෙබරවාරි මස 29 873 0

නීතීඥ නාගානන්ද කොඩිතුවක්කු නීතිඥ වෘත්තියෙන් ඉවත්කරමින් ශ්‍රේෂ්ඨාධිකරණය අද නියෝගයක් ලබාදුන්නේය.


නව පොලිස්පති ජනපති හමුවෙයි
2024 පෙබරවාරි මස 29 819 0

නව පොලිස්පති දේශබන්දු ටී.එම්.ඩබ්ලිව්.ඩී. තෙන්නකෝන් මහතා අද (29) පෙරවරුවේ ජනාධිපති කාර්යාලයේ දී ජනාධිපති රනිල් වික්‍රමසිංහ මහතා හමු විය.


පොලිස් නිලධාරීන්ට නීතී සහන යෝජනා ක්‍රමයක්
2024 පෙබරවාරි මස 29 321 0

පොලිස් නිලධරියෙකු රාජකාරි විෂය පථය තුළ සිදුකරන ලද ක්‍රියාදාමයන් සම්බන්ධයෙන් යම් නීතිමය රාමුවකට කොටුවුව හොත් ඒ සදහා නීති ආධාර ලබාදීම සදහා නීති සහන යෝ


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 406 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 345 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 335 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site