IMG-LOGO

රාජ්‍ය දේපල දේශපාලනයට යොදා ගන්නා බව පැෆරල් කියයි

(විනීතා එම් ගමගේ)

ප‍්‍රධාන දේශපාලන පක්ෂවලට අයත් අපේක්ෂකයන් විසින් නෛතික තත්ත්වයන් නොතකා රාජ්‍ය දේපල දේශපාලන ව්‍යාපාරය වෙනුවෙන් යොදා ගන්නා බව නිරික්ෂණය වන බව පැෆරල් සංවිධානය පවසයි.

ආණ්ඩුක‍්‍රම ව්‍යවස්ථාවේ මෙන්ම 1981 අංක 15 දරණ ජනාධිපතිරණ පනතේත්, එයට අනුශංගිකව මැතිවරණ කොමසාරිස් විසින් නිකුත් කරන ලද ගැසට් නිවේදන මගින් ද පැහැදිලි කර තිබියදීත් බොහෝ අපේක්ෂකයෝ ඒවා නොසළකා හැර රාජ්‍ය දේපල තම දේශපාලන ව්‍යාපාරයට යොදා ගන්නේ යැයි නිරික්ෂණය කළ බවත් ඒ පිළිබඳව මැතිවරණ කොමසාරිස්වරයාට සිද්ධීන් ලෙස පැමිණිලි කළ බවත් පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පැවසීය.

තම සංවිධානය වෙත වාර්තා වන සිද්ධීන් අතරින් 48% ක් මෙසේ මහජන දේපල සහ දේශපාන බලය පක්ෂ හෝ අපේක්ෂකයන් ප‍්‍රවර්ධනය කිරීම සම්බන්ධව කොමසාරිස්වරයා පවා මැදිහත්වූ අවස්ථා ඇති බවත් හෙට්ටිආරච්චි මහතා කීය.

මේ වනවිට රාජ්‍ය බලය හිමි එක්සත් ජාතික පක්ෂය  ප‍්‍රමුඛ ශ්‍රී ලංකා නිදහස්  පක්ෂයට හිමිව ඇති අතර මධ්‍යම ආණ්ඩුවේ අමාත්‍යවරුවන් තම අපේක්ෂකයා මෙම මැතිවරණ තුළ දී දේශපාලනිකව ප‍්‍රවර්ධනය කිරීමට මහජන දේපල සහ මහජන මුදල් භාවිතා කරමින් සිටිනු නිරික්ෂණය වූ බව ද හෙතෙම සඳහන් කළේය.

පළාත් සභා නියෝජනය කරන ආණ්ඩුකාරවරුන් දෙදෙනකු මේ වනවිට ආණ්ඩු පක්ෂයේ ජනාධිපති අපේක්ෂකයාගේ දේශපාන ව්‍යාපාරය ප්‍රවර්ධනය කිරීමට කැපවී සිටින බව කී හෙට්ටිආරච්චි මහතා මේ සියල්ලෙහි දී භාවිතා වන්නේ පොදු දේපල බව ද පෙන්වා දුන්නේය.

මෙයින් ඇතිවන්නේ අසමමිතික ඡන්ද ව්‍යාපාරයක් බැවින් මෙම තත්ත්වය පාලනය කිරීමට මැතිවරණ කොමිසම ගන්නා ක‍්‍රියාමාර්ගවලට සියලූ පක්ෂවල අපේක්ෂකයන් සහය දිය යුතු යැයි ද හෙතෙම සඳහන් කළේය.



අදහස් (3)

රාජ්‍ය දේපල දේශපාලනයට යොදා ගන්නා බව පැෆරල් කියයි

Mahee Monday, 21 October 2019 01:17 PM

ඔන්න අපේ ඡන්ද දායකයන්ට නුවණින් හිතා බලන්න දෙයක්. මොවුන් දෙගොල්ලම බලයට එන්න හදන්නේ සාධාරණ මැතිවරණ නීතියත් කඩලා නම් බලය ලැබුණට පස්සේ මොවුන් රටේ ඕනෑම නීතියක් කඩන්න සූදානම් බව නේද මේ කියැවෙන්නේ? දෙවියන්ගේ නාමයෙන් මේ පාරවත් මේ රටේ නීතියට ගරු නොකරන මේ දෙගොල්ලම එලවා දමන්න හිතට ගන්න...

:       0       3

kamal koyrala Monday, 21 October 2019 02:03 PM

මේ තාක් කාලයක් සෑම මැතිවරණවලදීම දූෂණ, අවභාවිතා වුණා... පැෆරල් ගත්තු ක්‍රියාමාර්ගයක් හෝ දඬුවම් කළ ධුරයන් අහෝසි කරපු එකක් තියෙනවා නම් කියන්න නොදන්නා කමට අහන්නේ..!!!

:       0       0

Bandara Monday, 21 October 2019 08:13 PM

මේක පැෆරල් කියන්න ඕනේ නැහැ, හැම ආණ්ඩුවක්ම වගේ කරා

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 246 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 775 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1198 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site