(ඉන්දිකා රාමනායක)

උතුරු නැගෙනහිර ප‍්‍රදේශ වල 2009 වසරේ සිට මේ දක්වා යුද හමුදා පරිහරණය කළ  ඉඩම් අක්කර 69754.59 ක ප‍්‍රමාණයක් මේ වනවිට නිදහස් කර ඇති බව යුද හමුදාව පවසයි.

2009 වසරේ  මැයි මස 18 වැනි දින  සිට  යුද හමුදාව විසින්  ඉඩම් අක්කර 84523.84 ක  පරිහරණය කර  තිබූ බවත් ජාතික ආරක්ෂාවට  හානියක් නොවන අයුරින්  ඉහත ඉඩම්  ප‍්‍රමාණය නිදහස් කළ බවද හමුදාව සඳහන් කරයි.

2018.නොවැම්බර් මස  25 වැනි දින  දක්වා කාලය තුළ  මෙම ඉඩම් නිදහස් කර ඇති බවත් මේවා පුද්ගලික හා රජයේ ඉඩම් බවද උසස් හමුදා නිලධාරියෙක් කියා සිටියේය.

2009 වසරේ සිට හමුදාව  යාපනය දිස්ති‍්‍රකයෙන්  ඉඩම් අක්කර 25202.88 ක ප‍්‍රමාණයක් ද,   කිලිනොච්චි   25948.49 ක ප‍්‍රමාණයෙක් ද,  මුලිතිව් හි 11911.18 ක ප‍්‍රමාණයක් ද,  මන්නාරමෙන් 2302.30 ක ප‍්‍රමාණයක් ද, වව්නියාවෙන් 7331.47  ප‍්‍රමාණයක් ද,  ති‍්‍රකුණාමලයෙන් 1859.65 ක ප‍්‍රමාණයක් ද, මඩකලපුවෙන් 1592.29 ක ප‍්‍රමාණයක් ද, අම්පාරෙන් 8375.58 ක ප‍්‍රමාණයක් යුද හමුදාව විසින්  පරිහරණය කර තිබුණි.

ඒ අතරින් නිදහස් කළ ඉඩම් අතර යාපනය දිස්ති‍්‍රකයෙන්  අක්කර  22496.09 ප‍්‍රමාණයක් ,  කිලිනොච්චි    වලින් 24396.29 ක ප‍්‍රමාණයක් ද, මුලතිව්  වලින් 7126.69 ක ප‍්‍රමාණයක් ද, මන්නාරමින් 885.74 ක ප‍්‍රමාණයක් ද , වව්නියාවෙන් 6250.24 ක ප‍්‍රමාණයක් ද, ති‍්‍රකුණාමලයෙන් 98.18 ක ප‍්‍රමාණයක් ද, මඩකලපුවෙන් 1040.54 ක ප‍්‍රමාණයක් ද, අම්පාරෙන්  7460.82 ක ප‍්‍රමාණයක් ද වන බව එම උසස් හමුදා නිලධාරියා කියා සිටියේය.

ජාතික ආරක්ෂාවට තර්ජනයක් නොවන අයුරින්  නිදහස් කළ තවත් ඉඩම් අක්කර 263.55 ක ප‍්‍රමානයක් 2018.12.31 වැනි දින ට පෙර  යාපනය ආරක්ෂක සේනා මූලස්ථානය  විසින් නිදහස් කිරීමට නියමිත ඇති බවද හමුදා ආරංචි මාර්ග වැඩිදුරටත් කියා සිටියි.