IMG-LOGO

2024 ජුලි මස 12 වන සිකුරාදා


‘මිලේනියම් චැලේන්ජ් ගිවිසුමෙන් ඉඩම් ඇමෙරිකාවට පැවරෙන්නේ නෑ’

(ඩයනා උදයංගනී)

අනාගතයේ ජනාවාස ව්‍යාප්ත කළ යුතු ප‍්‍රදේශ ලෙස හඳුනාගෙන ඇති ආර්ථික කොරිඩෝවන් සහ මිලේනියම් චැලේන්ජ් කෝපරේෂන් ගිවිසුම අතර කිසිම සම්බන්ධයක් නැතැයි මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

එම ගිවිසුමෙහි ඉඩම් පැවරීමක් සම්බන්ධයෙන් කිසිඳු සඳහනක් නැතැයි කී ඇමැතිවරයා එය මගින් සිදුකෙරන්නේ මහනුවර නගරයේ දැනට ක‍්‍රියාත්මක සහසර ව්‍යාපෘතිය රට පුරා ව්‍යාප්ත කිරීම, මාර්ග සංවර්ධන අධිකාරිය හරහා රට පුරා මාර්ග පද්ධතියක් සකස් කිරීම, ඉඩම් අමාත්‍යාංශයට ඉඩම් මැන අවසන් කිරීම සඳහා සහයදීම ආදිය පමණක් බව ද ඇමැතිවරයා සඳහන් කළේය.

නිසි අධ්‍යාපනයක් නොලැබූ, තම දරුවන් විදේශයන්හි පදිංචි කරවා සිටින වංචනික දේශපාලකයින් කුමක් කීවත් රටට තිබෙන එකම ඇමෙරිකන් මරඋගුල වන්නේ ඇමෙරිකන් පුරවැසියෙක් වන ගෝඨාභය රාජපක්‍ෂ ජනාධිපති වීමට යාම බව කී අමාත්‍යවරයා කැබිනට් මණ්ඩලයෙන් හෝ නොවිමසා ඇක්සා  ආදී හොර ගිවිසුම් අත්සන් කළේ එම ජනාධිපති අපේක්‍ෂකයා බව ද ප‍්‍රකාශ කළේය.

අමාත්‍ය පාඨලී චම්පික රණවක මහතා මේ බව පැවසුවේ බත්තරමුල්ල, සුහුරුපායේ පිහිටි එම අමාත්‍යාංශ ශ‍්‍රවණාගාරයේ දී අද (1) පැවති මාධ්‍ය හමුවකදී මාධ්‍යවේදියකු නැගූ පැනයකට පිළිතුරු දෙමිනි.

රටේ ආර්ථික කොරිඩෝ හතරක් හඳුනාගෙන ඇත්තේ රටේ අනාගතයේ ඇතිවිය හැකි ඉඩම් හිඟය, ජල හිඟය, අධ්‍යාපන අවශ්‍යතා ආදී කරුණු මත රටේ අනාගතය වෙනුවෙන් බවද ඇමැතිවරයා කීවේය.

එම ජාතික භෞතික සැලසුම සකස් කළේ මෙරට විද්වතුන් වසර ගණනක් මහන්සි වෙමින් බව කී ඇමැතිවරයා එයට ඇමෙරිකාවේ කවුරුත් සම්බන්ධ වී නැතැයි ද පැවසීය.

රටේ ජනාවාස අනාගතයේ දී මේ කොරිඩෝ වෙත ගෙන ආ යුතු බවට යෝජනා වී ඇතැයි කී ඇමැතිවරයා එය මුලින්ම කළේ පරාක‍්‍රමබාහු රජතුමාගේ සමයේ බවත්, රට ත‍්‍රිකුණාමලයෙන් මධ්‍ය ආසියාවට විවෘත කර මෙම කොරිඩෝව ඇතිකළේ එතුමා බවත් සඳහන් කළේය.

 



අදහස් (32)

‘මිලේනියම් චැලේන්ජ් ගිවිසුමෙන් ඉඩම් ඇමෙරිකාවට පැවරෙන්නේ නෑ’

ගල්කටස් Friday, 01 November 2019 09:40 AM

ගිවිසුම පාර්ලිමේන්තුවට ඉදිරිපත් කරන්න ජනතාවට දැනගැනීමට මාධ්‍ය මගින් ප්‍රසිද්ධ කරන්න... ඔයාලගේ බයිලා අපට අහලා එපා වෙලා. හංගන්නේ නැතිව එළියට දාන්න ජනමත වමසුමකට යන්න.. ඔබට විසඳුම ලැබේවි...!!!

:       697       1419

tarzanFriday, 01 November 2019 11:44 AM

ඇමෙරිකාවට වෙන වැඩ නැහැනේ.., ලංකාවේ ප්‍රශ්න ගැන දුක්වෙන්න. ලංකාව වගේ රටක් ඒ අයට මොකට වටිනවද?

:       491       481

Prabha Friday, 01 November 2019 01:33 PM

රට වටින්නේ නැතිව ඇති... වටින්නේ අපේ රට පිහිටා තියෙන තැනයි. මෝඩකම තිබුණට ප්‍රදර්ශනය කරන්න එපා.

:       28       409

Hafeel Friday, 01 November 2019 01:50 PM

සහතික ඇත්ත. ඇමරිකාව, චීනය සහ ඉන්දියාව නිකම් අපිට මුදල් දීලා නැහැ. මේ රටවල් තුනේම අපි පරිස්සම් වෙන එක හොඳයි.

:       0       378

RaveendraFriday, 01 November 2019 10:14 PM

ටාසන් මයා වෙත, ඔබගේ අදහස් වලට ගරු කරන්නෙමු. ඇමෙරිකන්කාරයාට පේන්නේ අවුරුදු 30 ක් 40 කටත් වැඩි ඈත දුර බැවින් අපේ රටේ මිනිසුන් නම් ඒ අයට කිසිදු වටිනාකමක් නැහැ. නමුත් රටේ පිහිටීම මෙන්ම එමගින් අසල්වැසි සියලුම රටවල් අස්ථාවර කිරීමේ වැඩ ක්‍රියාත්ම කිරීමට අපේ රට ඔවුනට ඉතාම වටිනවා. අපේ දේශපාලුවන්ට පේන්නේ තම අතලග දේශපාලන වාසිය පමණි. නමුත් මේ නිවටයන් තීන්දු තීරණ ගන්නේ ඉතාම දුර දිග බලා මෙන්ම මොන පක්ෂය තම රටේ බලයට ආවත් ඒවා ක්‍රියාත්මකවීම කිසිවිට අත්හැර දමන්නේද නැත. එබැවින් මේ ඇමති දැන් හිවලා වසුපැටියකු කිරීමට උපරිම උත්සහ කරන්නේ තම දේශපාලන වාසිය දෙස බලා හැර තම රට ගැන සිතා නොව . කාරුණිකව ලෝකයේ විනාශ උනු සහ විනාශ වෙමින් පවතින රටවල් දෙස හොදින් නිරීක්ෂණය කිරීමට උත්සහ ගන්න එවිට ඔබටත් ඒවා පිටුපස ඉන්නේ කව්රුන්ද යන්න වටහා ගැනුමට එතරම් අපහසු නොවනු ඇත.

:       0       1

desi archchi Friday, 01 November 2019 09:50 AM

පච වලට රටේ මෝඩයෝ අහු වෙනවා.

:       1781       1259

Sena Friday, 01 November 2019 10:20 AM

කොහොම නමුත් ගෝඨා මහත්තයා කියලා නෑනේ ඕක අත්සන් කරන්නේ නෑ කියලා.

:       423       518

samanFriday, 01 November 2019 12:22 PM

චම්පිකගේ පචවලට නේද ඩේසි ආච්චි? ඉස්සර ඒවාට අපි අහුවුණා. එ්ත් දැන් අහුවෙන්නේ නෑ. දේශපාලකයෝ නෙවේ. කාදිනල් තුමත් කියලා තියෙන්නේ මේක අධ්‍යයනය කරන්න කාලයක් දීලා.. ජනතාවගේ අදහස් අරන් මේක කරන්න කියලා. මොකද චම්පික මෙච්චර හදිස්සි..

:       215       599

Missaka Friday, 01 November 2019 09:58 AM

මොකක් හරි ඕකේ තියෙන කරුණු ටික මහජනතාවට පෙන්නුවානම් ඉවරයිනේ. මෙයාලා නිකන් මිනිස්සුන්ව ගොනාට අන්දන්න හදන්නේ මේ රටේ ඉන්න මිනිස්සු බත් කන හරක් කියලා හිතාගෙනද?

:       211       627

Simon Friday, 01 November 2019 10:01 AM

මේ කට්ටිය එක එක ගිවිසුම් ගහන්නේ මේ රට මෙයාලගේ බුදලේ වගේනේ. එහෙම එකක් නෙමෙයි යහපාලන ආණ්ඩුවෙන් මිනිස්සු බලාපොරොත්තු උනේ. තව අවුරුදු 5ක් හිටියොත් රටම විකුණලා දමයි.

:       313       670

nayana Friday, 01 November 2019 10:04 AM

ඇමරිකාව සහ ශ්‍රී ලංකා රජය අතර අත්සන් තැබීමට කැබිනට් මණ්ඩලය විසින් අනුමත කරන ලද විලේනියම් චැලෙන්ජ් කෝපරේෂන් ගිවිසුමට අගරදගුරු අති උතුම් මැල්කම් රංජිත් කාදිනල් හිමිපාණන් දැඩි විරෝධය දක්වයි. මෙවන් ගිවිසුමක් අත්සන් තැබීම කඩිනමින් සිදු නොකළ යුතු බවත් පාර්ලිමේන්තුවේදී වාද විවාද කරගත් පසු ජනමත විචාරණයකින් අනුමැතිය ලබාගන්නා ලෙසත් උන්වහන්සේ ඉල්ලා සිටිති.

:       111       548

Gamarala Friday, 01 November 2019 10:05 AM

ඔය කියන විදිහට කිසිම චැලේන්ජ් එකක් නැහැ?

:       83       113

Suranimala Friday, 01 November 2019 10:09 AM

හොදට අහගන්න.මේ කියන්නේ ඇත්ත. බයියන්ට ඉතින් අර පවුලේ කට්ටිය අත්සන් කළානම් ඕන ගිවිසුමක් හෝ පාවාදීමක් හොදයි.

:       906       1946

කුමාරFriday, 01 November 2019 10:34 AM

ඔයා ටොයියෙක්ද ?

:       393       323

BamunuarachchiSunday, 03 November 2019 02:05 PM

නැහැ මිනිහා කබ්බ වැඩ තමයි කරන්නේ...

:       0       0

Gamarala Friday, 01 November 2019 12:54 PM

කොයි පවුලේ අය වුණත් කරන දේ වැරදිනම් වැරදියි තමයි. ටොයියා හෝ බයියා හෝ වුණත් රට හා අනාගතය ගැන සිතිය යුතුයි. කියන්නේ ඇමෙරිකන් පුරවැසියා කියලා.. ඒ වුණාට හොර ගිවිසුම් ගහන්නේ අමෙරිකාවත් එක්කනේ...

:       0       106

Chithrananda Friday, 01 November 2019 11:42 PM

හැබෑවටම ඉඩම් වික්කේ කවුද කියලා ජනතාව දන්නවා. හැබැයි ඒක රාඡපක්ෂ හාමුලා කරපු නිසා අවුලක් නැහැ. දැන් මට පෙන්වන්න මේ ආණ්ඩුව ඇමෙරිකාවට මේ වෙනකොට කොච්චර ඉඩම් පවරලා තියෙනවද? ඒ කොහෙද කියලා...

:       0       234

ධම්ම Friday, 01 November 2019 10:14 AM

අගමැතිකමට සහ නීතිය හා සාමයට දෙන්නෙක් ඉන්නවා. ඔබට දුන් පොරොන්දුව මොකක්ද?

:       36       171

අතුල Friday, 01 November 2019 10:21 AM

ඉතින් ඕක එච්චරටම රටට හොඳ නම් ඔයාගෙ ජනාධිපති අපේක්ෂකයගේ රට හදන ප්‍රකාශනයේ දැම්මනම් හරිනේ.

:       96       283

අතුල Friday, 01 November 2019 10:29 AM

දේශපාලනයේ මහා කපටි නරියෙක්. එයාගෙ අරමුණ අනාගත ජනාධිපති සිහිනය පමණි. ඒ සඳහා 2025 දී හෝ 2030 එජාප අපේක්ෂකයා වීමේ කපටි අරමුණ විතරයි ඔහුට තියෙන්නේ. ඒ සඳහා ඕනෑම පාවාදීමකට ඔහු සූදානම්.

:       265       742

de silva Friday, 01 November 2019 10:55 AM

ඕක පාර්ලිමේන්තුවට ඉදිරිපත් කරන්න බය මොකද?

:       25       309

Sanath Friday, 01 November 2019 01:27 PM

මිලේනියම් චැලෙන්ජ් කෝපරේෂන් ගිවිසුමට අගරදගුරු අති උතුම් මැල්කම් රංජිත් කාදිනල් හිමිපාණන් දැඩි විරෝධය දක්වයි.

:       142       74

nayana Friday, 01 November 2019 02:24 PM

කාලෙකට ඉස්සෙල්ලා මම ගරුකරපු මනුස්සයෙක්... දැන්නම් දකින්නත් අප්පිරියයි..

:       1236       1341

Udenni Friday, 01 November 2019 02:42 PM

දේශපාලනයේදී මෙලෙස පත්වීමට වැඩි කාලයක් නොගනී...

:       0       17

ආඩම්බර රටවැසියා Friday, 01 November 2019 10:05 PM

නොවැම්බර් 17 වෙනිදා ඉදලා ඉතින් මේක ඇමෙරිකාවේ කොටසක් වගේ තමා. ආයේ ගිවිසුම් මොනවටද? බිරිද, දරුවන් හා උපයපු සබ්බ සකල මනාවම ඇමෙරිකාවේ ඇපයට තිබියදී ගෝඨාභය කොහෙද ඔලුව කෙලින් කරගෙන වැඩක් කරන්නේ? අමෙරිකාවෙන් අහන් නැතිව. දැන් ප්‍රශ්නයක් අහනකොට අයියා දිහා බලන්නේ ජනාධිපති උනාම සියලු අවස්ථාවල කට අරින්න. වැඩක් කරන්න කලින් ඇමෙරිකාව දිහා තමයි බලන්නේ. මොනවා උනත් අපිට ඇමෙරිකන් අර්යාවක් ලැබෙනවනේ. ශ්‍රීලන්කන් එක පරිපලනය කරලා ආසියාවේම ආශ්චර්යවත් ගුවන් සේවය බවට පත්කළා වගේ ලංකාවත් සුකිත මුදිත කරයිනේ. 2020 දි අපි ඇමෙරිකාවේ 51 වන ප්‍රාන්තය. ඇමෙරිකන් කොඩියත් අපි වෙනස් කරනවා තව තරුවක් එක්කරලා.

:       0       0

chandima Friday, 01 November 2019 11:24 PM

ඔය දෙන්නා යන ඉඩම් තියෙන තැන කියන්නකෝ... ඔය විරෝධතා කාරයෝ පෝලිමේ ගිහින් එතැන පදිංචිවෙන්නේ නැතිද බලන්න? ඇමෙරිකන් පාස්පෝට් ගන්න.

:       9       114

මනොජ් ප්‍රසන්ග ප්‍රනාන්දු Saturday, 02 November 2019 02:27 AM

මේක අත්සන් කරනවා නම් මේ දෙන්නාගෙන් කවුරු උන්නත් වැඩේ කරනවා.. ජනතාව විදිහට මේකේ තියන හොඳ හෝ නරක ගැන විමසීමෙන‍් එයට විරුද්ධ වීම හෝ එකඟ වීම කළ යුතුයි..

:       0       0

මකුලාංග Saturday, 02 November 2019 04:10 AM

එතකොට මිනින්දෝරු දෙපාර්තමේන්තුව වහනවද?. තියාගෙන ඉඳලා වැඩක් නෑනේ.

:       0       1

anura Saturday, 02 November 2019 04:15 AM

ඔබලා කරන කුණු වැඩවලට අපේ රටේ කීර්තිමත් රජවරුන්ගේ නම් ඈඳාගෙන අගෞරව කරන්න එපා. එක රැලක් මහසෙන් රජතුමාට අගෞරව කළා. ඉන්පසු නන්දිමිත්‍ර වැනි ඉතිහාසයේ සඳහන් වන වීරවරයින්ට අපහාස කළා. ඔබලා සියල්ල එකතු වී මේ රටේ අසහාය නායෙකු වන ගරු ඩී. ඇස්. සේනානායක මැතිඳුන්ටත් එතුමා ආරම්ඹ කළ දේශපාලන පක්ෂයේත් නමේ ගොම තවරමින් සිටින්නේ.

:       0       39

වීරිවිජේ Saturday, 02 November 2019 06:00 AM

නෑ ඇමරිකාවේ ඉඩම් ලංකාවට දෙනවලු..

:       0       12

RAMOS Saturday, 02 November 2019 11:48 PM

වේදිකාවෙදි ප්‍රශ්නයක් ඇහුවා කියලා මාධ්‍යයවේදියෙකුට නැගිටින්න බැරිවෙන්න ගැහුවේ ඔබතුමාගේ ගෝලයොනේ. මහ ලොකු ප්‍රජාත්‍රන්තවාදය. ලංකාවේ දැන් ඉන්න පරපුර මෝඩයෝ කියල හිතන්න එපා.

:       3       2

mp Sunday, 03 November 2019 04:44 AM

රට කන දේශපාලකයන්. ආවේ ධර්මය රකින්න කියලා දැන් පතල් හාරනවා.

:       0       0

ඔබේ අදහස් එවන්න

දියත

සුසන්තිකාට ජනපතිගෙන් ඇමතුමක්
2024 ජුලි මස 12 199 0

ඔලිම්පික් පදක්කම් ලාභීනී සුසන්තිකා ජයසිංහ මහත්මියගේ මෑණියන්ගේ අභාවය වෙනුවෙන් ජනාධිපති රනිල් වික්‍රමසිංහ මහතා ජයසිංහ මහත්මියට සිය ශෝකය පළ කළේය.


නීතිපති දිවුරුම් දෙයි
2024 ජුලි මස 12 172 0

නීතිපතිවරයා ලෙස කේ.ඒ පාරින්ද රණසිංහ මහතා ජනාධිපති රනිල් වික්‍රමසිංහ මහතා ඉදිරියේ දිවුරුම් දුන්නේය.


ආර්ථික වර්ධනයේ පළමු ’’හැන්ද’’ ඇත්තේ ගුරුවරුන් අතේ
2024 ජුලි මස 12 512 1

රටක ආර්ථික වර්ධනයේ ප්‍රධානතම කොටස අධ්‍යාපනය බැවින් ගුරුවරුන් අනාගත පරපුර විනාශ නොවන ආකාරයෙන් කටයුතු කළ යුතු බව එක්සත් ජාතික පක්ෂ සභාපති පාර්ලිමේන්


ඉසෙඩ් ලකුණට රස්සා
2024 ජුලි මස 12 878 9

රැකියා දීමේදී අපොස උසස් පෙළ විභාගයේ ඉසඩ් අගය යොදා ගැනීමේ යෝජනාව සලකා බැලිය හැකි බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පාර්ලිමේන්තුවේදී


මැණික්
2024 ජුලි මස 12 14 0

කතරගම ඇසළ පෙරහර මංගල්‍යය නැරඹීම සඳහා පැමිණි බැතිමතුන් පිරිසක් සෙල්ල කතරගම පාළම අසල මැණික් ගඟේ දිය නාමින් සිටියදී දියේ ගිලෙමින් සිටි තරුණයින් දෙදෙනෙක


සුරාබදු ලොක්කන් තෝරද්දී අක්‍රමිකතා රැසක්?
2024 ජුලි මස 12 356 0

සුරාබදු දෙපාර්තමේන්තුවේ ඉහල තනතුරුවලට නිලධාරින් තෝරා ගැනීම සඳහා පවත්වා තිබෙන විභාගයක් නීතියට පටහැනි යැයිද එය අක්‍රමිකතා රැසකින් සමන්විත යැයිද ර


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 888 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1772 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3731 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site