2025 නොවැම්බර් මස 06 වන බ්‍රහස්පතින්දා
(ක.ග කරුණාරත්න)
මොරගහකන්ද ජලාශයේ ජල සම්පත ප්‍රයෝජනයට ගනිමින් පරාක්‍රම සමුද්‍රය යටතේ මෙතෙක් වගා කළ කන්න දෙක වෙනුවට මින් ඉදිරියට කන්න තුනක් වගා කිරීම සඳහා ජලය ලබාදීමට හැකියාව තිබෙන බව ජනාධිපති මෛත්‍රීපාල සිරිසේන මහතා අද (29) පොළොන්නරුවේදී ප්‍රකාශ කළේය.
ඒ භාග්‍ය මේ ප්‍රදේශයේ ජනතාවට ලැබී තිබෙන්නේ පරාක්‍රම සමුද්‍රය මෙන් හය ගුණයක් විශාල මොරගහකන්ද ජලාශයේ ජල සම්පත තුළින් බවද ජනාධිපතිවරයා කීය.
ගොවි ජනතාව සූදානම් නම් ඔවුන් ඊට එකඟ නම්, ගොවි සංවිධාන එයට එකඟ නම්, කන්න දෙකක් වගා කරන එක කන්න තුනක් කරන්න කම්මැලිකම් නැතිව මහන්සි වෙන්නට කැමතිනම් ඉංජිනේරුවරුන් හරහා දන්වන්න අවුරුද්දේ කන්න තුනක් වතුර දෙන්න සූදානම් යැයිද ජනාධිපතිවරයා කීවේය.
පොළොන්නරුව, නවනගරය, හතරේ ඇල සීවලී ආදර්ශ කණිෂ්ඨ විද්‍යාලයේ තෙමහල් පන්ති කාමර ගොඩනැගිල්ල පිබිදෙමු පොලොන්නරුව සංවර්ධන වැඩසටහන යටතේ ඉදිකර සිසු අයිතියට පැවරීමෙන් පසුව පැවති උත්සවයකදී ජනාධිපතිවරයා මේ බව කීය.
එහිදී තවදුරටත් අදහස් දැක්වූ ජනාධිපති මෛත්‍රීපාල සිරිසේන මහතා.
‘‘මම හිතනවා පොළොන්නරුව දිස්ත්‍රික්කයේ බොහෝ විට අවුරුදු පතා මුහුණ දුන්න පානීය ජල ප්‍රශ්නය සහ කෘෂිකර්මාන්තයේ ජල ප්‍රශ්නය අවසන් කියලා. මොරගහකන්ද ගැන අවුරුදු 70 ක් විතර මේ රටේ කතා කළා මොරගහකන්ද - කළුගඟ ජලාශයේ ජලය වලින් අද මේ දිස්ත්‍රික්කයේ ජලාශ සියල්ලම පිරිලා තිබෙනවා.
අපිට පරාක්‍රම සමුද්‍රය වගේ හය ගුණයක් ලොකු මහා ජලාශයක් හදන්න පුළුවන්කම ලැබුණේ මේ රටේ විශේෂයෙන්ම දේශීය ඉංජිනේරුවන් නිසයි. මාතෘ භූමියෙන් ජාතික ආර්ථිකය ශක්තිමත් කරලා ඒ සශ්‍රීකත්වය තුළ ජනතාවගේ ජීවන තත්වය උසස් කිරීම වගේම රටක් විදිහට ආර්ථික වශයෙන් හිස ඔසවන්නටයි මේ මහා ජලාශ හැදුවේ.‘‘යැයි ජනාධිපතිවරයා පැවැසීය.
2025 නොවැම්බර් මස 04
209
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2077
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1592
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
‘‘මොරගහකන්ද ජලාශයෙන් කන්න තුනක් වගා කරන්න ජලය දෙන්න පුළුවන්‘‘
දිමුත් Friday, 29 March 2019 12:56 PM
විදුලිය ජනනය කරන්න වතුර නැද්ද?
Dinesh Kumara Friday, 29 March 2019 01:20 PM
ඉතා හොඳවැඩක් ජනාධිපතිතුමනි...
චමින්ද Saturday, 30 March 2019 12:32 AM
ජනාධිපතිතුමනි, බලාගෙන මේ රටේ ඉහළම තනතුරු දරන්නන් යැයි කියාගන්නා හැමදේටම වර්ජන කරන සංගමේ අය ඉංජිනේරුවරු අගයකලාම වර්ජන කරන්න පුළුවන්..
Sriyal Saturday, 30 March 2019 12:59 AM
කන්න කීයක් වැඩකරත් කෝ අස්වැන්න සාධාරණ මිලකට විකිණීමට වෙළඳ පොළ මිලදී ගැනීම කරන්නේ කුණු කොල්ලයට. ගොවීන්ට හොඳ මිලක් ලැබෙනවිට ඔවුන් වගා කරයි.
Sisili Bisili Saturday, 30 March 2019 03:00 AM
ඒ කන්න තුන වගාකළාම වතුර ඉවර වෙයිද දන්නේ නෑ. මම කිව්වේ කන්න තුනක් වගා කරන්න කියලා විතරයිනේ කියයි. මෙයා එහෙම කෙනානේ.
senarath Saturday, 30 March 2019 03:30 AM
ගොවීන්ට කරන කෙනෙහිලිකම් නිසා ගොවිතැන් කරන මිනිස්සු අඩුවෙලා තියෙන්නේ... කන්න 3 කෙසේවෙතත් 2ක් කරන්නවත් ගොවීන් ආරක්ෂාකර ගන්න වැඩපිළිවෙලක් දැන්ම හදන්න.
kumarage Saturday, 30 March 2019 04:45 AM
කන්න තුන කොහොම වෙතත්, හූරන් කන්න තමයි දැන් රටේ ජනතාවට සිද්ද වෙලා තියෙන්නේ... මෙයාගේ බයිලාවලට රැවටෙන්න එපා..
Chanak Los angeles Saturday, 30 March 2019 06:15 AM
කන්න තුනම වගා කරවලා මොහුගේ සහෝදර මාෆියා සහල් සමාගම මගින් මිල බස්සවා එම අස්වැන්න කුණුකොල්ලයට ගන්න ගහන සැලැස්මක්.. අහුවෙන්න එපා .
Sumith Saturday, 30 March 2019 10:45 AM
ගොවියන් නගාසිටුවීමට කටයුතු කරන්න. අද එළවළු, කුළුබඩු කුණු කොල්ලයට ගිහින්. ගොවි විශ්‍රාම වැටුප මාසෙටම 1200යි. ගොවියා අසරණයි.
banda Saturday, 30 March 2019 01:34 PM
ඔබතුමා ආපු දවසේ ඉඳලාම රටට විහිලු සපයනවා.
Kelum Sunday, 31 March 2019 01:29 AM
ලොස් ඇන්ජලී.... දැන් ඇයි මෙතුමට මඩ ගහන්නේ.... දවසක් ඔයාම කිව්වා නේද?ජනාධිපතිතුමනි ඔබයි ශක්තියේ මිනිසා කියලා..
සුධර්මා ලොස් ඇංජලිස්Monday, 01 April 2019 12:18 AM
මටත් මතකයි කැළුම් පුතේ ඔය චානක ලොස් ඇංජලිස් එහෙම කියනවා. එයා කැපුවත් කොළ ජාතියේ යූ එන් පී කාරයෙක් බව අපි දන්නවා........
Asiri Sunday, 31 March 2019 08:46 AM
අනුරාධපුරේ පැත්තට බොන්න වතුරත් නැහැ. මොරගහකන්ද පුරවන්න බෝවත්තෙන් වතුර යවන නිසා....
rocky Sunday, 31 March 2019 01:49 PM
ජලාශය තව ටිකක් ලොකු කරලා කන්න 6ක් විතර ගොවිතැන් කරමුකෝ...
Rupawathie Monday, 01 April 2019 01:20 PM
පාලකයිනි, කරුණාකරලා අපේ විල්පත්තුව විනාශ කරන එක නවත්වන්න බැරිද? අපේ රටට ආදරය කරන පාලකයෙක් කවදද බිහිවෙන්නේ?...