‘බය නැතිව ඡන්දය දෙන්න එන්න’

මිනිසුන්ගේ මිනී මතින් හෝ ඡන්දය තියමු.

චන්ද පොලේ රාජකාරී කිරීමට නියමිත රජයේ නිලධාරීන්, පොලිස් නිලධාරීන් සහ පක්ෂ නියෝජිතයන් සියල්ලෝම කලින් කොරෝන පරීක්ෂණ වලට ලක් කරලා නෙගටිව් කියලාත් හඳුනා ගෙන තියෙනවද?

ස්වයං නිරෝධනයට ලක් වෙන පුද්ගලයන්ට ඡන්ද පොලට එන්න අවසර දීලා තියෙනවා කියලා ප්‍රවෘත්තියක් දැක්ක. ඒක හරිද?

අනිත් එක, නිරෝගී ඡන්දදායකයන් පිරිසකට විතරක් ඡන්දය දාන්න හැකි කාලයක ඡන්දය පවත්තලා, කොවිඩ්-19 නිසා රෝගී වූ හෝ රෝගයට නිරාවරණය වෙයි කියලා ඡන්ද පොලට එන්න බය මිනිස්සුන්ගේ ඡන්ද අයිතිය අහිමි කිරීම ඒ මිනිස්සුන්ගේ අයිතිවාසිකම් කඩ කිරීමක් නේද?

තව මෙහෙමත් අහන්න කිව්වා. "බය නැතුව ඡන්ද පොළට එන්න" කියලා කියන මැකෝව ඉහලින්ම විශ්වාස කරලා ඡන්ද පොළට ආපු නිසා පස්සේ එතනින් කොවිඩ්-19 හැදුනොත්, විශ්වාසය කඩ කිරීම ගැන මැකෝට විරුද්ධව නඩුවක් දාලා, කෝටි කීයක විතර වන්දියක් ගන්න පුලුවන්ද කියලා.?

තව, ඒ ලෙවල් කරන ළමයෙක් මැකෝ මාමාගෙන් අහන්න කිව්වා අම්මලා ඡන්දෙ දාන්න ගිහිල්ලා කොරෝනා හදාගෙන ආවොත් ඒ නිසා ඇති විය හැකි මානසික ආතතිය හේතුවෙන් තමන්ට පාඩම් කරන්න බැරි වුනොත් හෝ එහෙම නැත්නම් තමන්ටත් රෝගය වැළඳුනොත්, මානුෂික හේතු මත ඒ ලෙවල් ලියන්න වෙනත් විකල්ප දින දෙන්න කියලා අධ්‍යාපන ඇමතිට නියෝගයක් නිකුත් කරන්න පුලුවන්ද කියලා.?

අපිට කොරෝනා හැදුනොත්, ඔයා අපිට බෙහෙත් දෙනවද?