(නාලක සංජීව දහනායක)

ඉදිරි ජනාධිපතිවරණය සඳහා ශ්‍රී ලංකා පොදුජන පෙරමුණ අපේක්‍ෂකයකු නම් කිරීමට සූදානම්වීමත් සමඟම සියලූම චෞරයන් එකට එක්ව සිටින බව එක්සත් ජනතා නිදහස් සන්ධානයේ මාතර දිස්ත‍්‍රික් පාර්ලිමේන්තු මන්ත‍්‍රී ඩලස් අලහප්පෙරුම මහතා අද (10) පැවැසීය.

කෙසේ වුවත් තම පක්‍ෂය ජනාධිපතිවරණය සදහා හොඳ සූදානමකින් පසුවන බවද ඔහු කීය.

එහිදී මන්ත‍්‍රීවරයා මෙසේ ද පැවැසීය.

තවත් දින 132න් පැවැත්විය යුතු ජනාධිපතිවරණය මඟහැරීමට ආණ්ඩුව විවිධ උපක‍්‍රම භාවිතා කරමින් සිටින බව කී අලහප්පෙරුම මන්ත‍්‍රීවරයා වත්මන් ආණ්ඩුව පසුගිය අවුරුදු හතරහමාර තුළම මැතිවරණ කල්දැමීමට ක‍්‍රියාකළ බවද කීය.

ජනමතය කල්දැමීමට ක‍්‍රියාකළ මෙරට හා ලෝකයේ පාලකයන්ට අත්වූ ඉරණම ඉතිහාසයේ කලූ අකුරින් ලියවී තිබෙන බවත් ඒ කිසිඳු නායකයකුට ඇදක් මත සුවදායක මරණයක් අත්නොවූ බවද අලහප්පෙරුම මන්ත‍්‍රීවරයා කීය.

ශ්‍රී ලංකා පොදුජන පෙරමුණ ඉදිරි ජනාධිපතිවරණයට ඉතාම හොඳින් සූදානම් වන බව කී අලහප්පෙරුම මන්ත‍්‍රීවරයා ලබන 11 වැනිදා පැවැත්වෙන පක්‍ෂ සම්මේලනයේදී විපක්‍ෂනායකවරයා විසින් තම පක්‍ෂයේ අපේක්‍ෂකයා කවුදැයි හෙළිකරනු ඇතැයිද කීය.

කොළඹ-07, ශ්‍රීමත් මාකස් ප‍්‍රනාන්දු මාවතේ පිහිටි විපක්‍ෂනායක කාර්යාලයේ දී අද (10) පැවැති මාධ්‍ය හමුවකට එක්වෙමින් මන්ත‍්‍රීවරයා මේ බව සදහන් කළේය.