2021 දෙසැම්බර් මස 09 වන බ්රහස්පතින්දා
(බිමල් ශ්‍යාමන් ජයසිංහ)
පාස්කු ඉරිදා සිදු වූ ප්‍රහාරයට වගකිව යුතු ත්‍රස්තයන් නවාතැන් ගෙන සිටි ආරක්ෂිත නිවාස 17 පිළිබඳ තොරතුරු අපරාධ පරීක්ෂණ දෙපාර්තමේන්තුවේ නිලධාරීන් මේ වන විට සොයාගෙන ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවැසීය.
කටුවාපිටිය, සරක්කමුල්ල, ශාන්ත අන්තෝනි පාර, කොළඹ, ටෙම්පල් පාර ගල්කිස්ස, වනාතවිල්ලුව, එඩේරමුල්ල, මයුර පෙදෙස කොළඹ 3, සයිදන්මරු, කලගෙඩිහේන, මල්වාන, කොච්චිකඩේ, දලුවකොටුව, වාලච්චේන, හෙට්ටිපොල, කටුපොත, නින්දූර් හා සමන්තුරේ ප්‍රදේශවලින් එම නිවාස සොයා ගත් බව පොලිස් අධිකාරීවරයා කීය.
