(හසිත රංග ගුණතිලක)

රජයේ අනුමත පෞද්ගලික පාසල් 40 ක ප්‍රමාණය 400ක් දක්වා ඉහළ දැමීමට අධ්‍යාපන අමාත්‍යවරයා කැබිනට් පත්‍රිකාවක් සම්මත කරගෙන ඇතැයි කොළඹ දිස්ත්‍රික් පාර්ලිමේන්තු මන්ත්‍රී බන්දුල ගුණවර්ධන මහතා අද (12) කොළඹදී පැවැසීය.

එක්සත් ජාතික පෙරමුණ ආණ්ඩුව විසින් ජනාධිපතිවරයාගේ ඇසට වැලි ගසා නිදහස් අධ්‍යාපනය පෞද්ගලීකරණය කිරීමේ මෙම කැබිනට් පත්‍රිකාව සම්මත කරගෙන ඇති බවට මන්ත්‍රීවරයා කීවේය.

පුංචි බොරැල්ල වජිරාශ්‍රම විහාරස්ථාන රැස්වීම් ශාලාවේදී අද (12) පැවැති ප්‍රවෘත්ති සාකච්ඡාවකදී බන්දුල ගුණවර්ධන මහතා මේ බව පැවැසීය.