IMG-LOGO

2024 ජුලි මස 12 වන සිකුරාදා


පඬු කරඳ ගසේ ඉරණම කැබිනට් මණ්ඩලය අතේ

(විනීතා එම් ගමගේ)
 
මධ්‍යම අධිවේගී මාර්ගය ඉදිකෙරෙන පෙදෙසේ ගම්පහ දාරළුව ආසන්න පෙදෙසක දී හමුවූ කෲඩියා සිලනිකා
(පඬු කරඳ) ශාඛය පිළිබඳව කල්තියා අනාවරණය වී තිබුණත් අධිවේගි මාර්ගය ඉදිකිරීමේ දී කළ පරිසර අධ්‍යයනයේ දී මෙම ශාඛය පිළිබඳව අවධානයක් යොමු නොකිරීමෙන් පෙනී යන්නේ එම වාර්තාව නිසිලෙස සිදුකර නොමැතිවීම යැයි පරිසර අමාත්‍ය මහින්ද අමරවීර මහතා ප්‍රකාශ කළේය.
 
අමාත්‍යවරයා මේ අදහස් පළ කළේ කෲඩියා සිලනිකා ශාඛය පිළිබඳව පරිසරවේදීන් පරිසර විද්‍යාඥයන් හා උද්භිද විද්‍යාඥයන් පිරිසක් සමග පරිසර අමාත්‍යංශයේ අද (11) පැවති හමුවක දීය.
 
මේ ශාඛය සම්බන්ධව ලබන සඳුදා පැවැත්වෙන කැබිනට් මණ්ඩලයට කරුණු වාර්තා කිරීම සඳහා එම පිරිසගේ අදහස් විමසීම සඳහා මෙම හමුව පැවැත්විණි. පැමිණ සිටි සියලු දෙනාගේ අදහස් සැළකිල්ලට ගෙන වාර්තාවක් සකසා කැබිනට් මණ්ඩලයට ඉදිරිපත් කරන බවත් අනතුරුව කැබිනට් මණ්ඩලයේ තිරණය අනුව ක්‍රියා කරන බවද අමාත්‍යවරයා සඳහන් කළේය.
 
එබැවින් ඒ සම්බන්ධව විමර්ශනයක් සිදුකරන ලෙස අදාල අංශ වෙත උපදෙස් දෙන බව කී අමාත්‍යවරයා ඊට වගකිව යුත්තන්ට එරෙහිව විනයානුකූලව පියවර ගන්නා බව ද පැවැසීය.
 
කෙසේ වෙතත් දාරළුවේ පිහිටි ශාඛය පිළිබඳ අවසන් තීරණය කැබිනට් මණ්ඩලය විසින් ගන්නා තුරු ඒ සම්බන්ධව  කිසිවක් සිදු නොකරන ලෙස ද අමාත්‍යවරයා මාර්ග සංවර්ධන අධිකාරිය වෙත උපදෙස් දුන් බව ද හෙතෙම සඳහන් කළේය.
 
දැනට නවීන තාක්ෂණය යොදවා මෙම ශාඛ්‍ය ආරක්ෂිතව ගලවා ඊට උචිත පරිසර පද්ධතියක් තුළ රෝපණය කිරීමට හැකියා ඇතත් එම කටයුත්ත සිදුකළ යුත්තේ විශේෂඥ අදහස විමසීමෙන් පසුව බව ද අමාත්‍යවරයා සඳහන් කළේය.



අදහස් (12)

පඬු කරඳ ගසේ ඉරණම කැබිනට් මණ්ඩලය අතේ

parisarawediya Thursday, 11 February 2021 02:13 PM

අමරවීර ගියතැන කොස්සක්. ජාතියට තවත් පිළිලයක් විය යුතු නැත. පාර්ලිමේන්තුවෙන් නෙරපා හැරීමට කාලය එළඹ ඇත.

:       7       36

kimThursday, 11 February 2021 03:01 PM

කොරෝනා එන්නත පැණිය සමග මුසුවී විකාරයෙන් කටයුතු කරයි.

:       0       3

KBFriday, 12 February 2021 12:22 AM

මධ්‍යම අධිවේගී මාර්ගය ඉදිකෙරෙන පෙදෙසේ ගම්පහ දාරළුව ආසන්න තිබෙන්නා වූ වසර ගණනාවක් පැරණි මෙම කෲඩියා සිලනිකා (පඬු කරඳ) ශාඛයට රාත්‍රී කාලයේ දේවතාඑලි පැමිණෙන බව දන ගන්නට තිබේ. කඩුවෙල පාලම 80 දශකයේ මුල් කාලයේ ඉදිකිරීමට සැලසුම් සකස් කරන ලදී. එම පාලම ඉදිකිරීමට නම් වසර සියගණනක් පැරණි අතිවිශාල මාර ගසක් කැපීමට සැලසුම් කළ ඉංජිනේරුවරුන් විසින් තීරණයක් ගනු ලැබිණි. නමුත් මෙම ගස කැපීමට තීන්දු වුවත් කිසිවකු එදා අද මෙන් විරෝධයක් නොදැක්වීය. මෙම අතිවිශාල මාර ගසට රාත්‍රී කාලයේ ආලෝක පැමිණෙන බව ප්‍රකට විය. ගස කැපීමට අවසානයේ තීන්දු වී අදාල පුද්ගලයන් හට එය බරවිනි. නමුත් දින ගණනක් පසුවිණි.. නමුත් ගස කැපීමට කිසිවකු පැමිණියේ නැත. මෙම ගස කැපීමට කොන්ත්‍රාත්තුව ලබාගත් පුද්ගලයන් හට ගස කැපීමට නියමිත දිනට පෙර දින රාත්‍රියේදී මෙම ගසට රාත්‍රියේදී පැමිණෙන දේවතා ප්‍රහාරයකට ලක්ව ඔවුන් බියවී හොල්මන් වී ඇතිබවකි. අවසානයේ ගස නොකපා පාලම ඉදිකරන ලදී.. මෙය සත්‍ය කතාවක් බව කඩුවෙලට පැමිණෙන ඕනෑම කෙනෙකුට දැනගත හැකියි. එම නිසා වසර ගණනාවක් පැරණි මෙම කෲඩියා සිලනිකා ශාකයට හානියක් කළහොත් මහින්දලා සුලබව සිටින කැබිනට් මණ්ඩලයද හොල්මන් වනු නොඅනුමානයි..

:       0       1

විජිත් Thursday, 11 February 2021 02:51 PM

මහින්ද අමරවීර, අපි දන්නවා ඔබලාට අවශ්‍ය අර කොහෙවත් ඉඳලා ඇවිත් ඔබලාට ඡන්දෙදී කළු සල්ලි පොම්ප කරපු මුතුරාජවෙල ගහලයාට පිදේනිය දෙන්නයි. කරඳ ගසේ ඉරණම කැබිනට් මණ්ඩලය අතේ වගේම තමයි කැබිනට් මණ්ඩලය ඇතුළු දියවන්නාවේ ඉන්න සියලුම පරිසර ද්‍රෝහීන්ගේ ඉරණමත් රටේ මහජනතාවගේ අතේ බව අමතක කරන්න එපා. රටේ මිනිස්සුන්ව රැවට්ටුවා දැන් ඇති. අමතක කරන්න එපා ඔබලා අපේ සේවකයින්....!!! රටට සේවය කරන්න තාවකාලිකව රටේ මිනිසුන් පත්කළ, රටේ මිනිසුන්ගේ බදු සල්ලිවලින් පඩි ගන්න, සේවකයින් පමණයි ඔබලා. අපි කියන දේ ඔබලා කරනවා මිස ඔබලා කියන දෙයට අපි "ඔව්" කියන්න බැඳිලා නැහැ. රට සාර්ථකව කරගෙන යන්න බැරිනම් කරුණාකරලා පව් නොදී කට්ටියම ගෙදර යන්න. එ්ත් ගෙදර ගිහින් මොනවා කරන්නද..? ඉස්සර වගේ කුකුල් හොරකමේ, හොර පොල් කඩන්න යන්න ලැජ්ජයි නේද...? හැබැයි ඔය ගස ඔතැනින් හොලවන්න අපි ඉඩදෙන්නේ නැහැ...!!!

:       5       47

කැලැ ජෝන් Thursday, 11 February 2021 02:53 PM

බදුර්දීන්ගෙන් වනාන්තර බේරාගන්න කියලා බලයට ආව කට්ටියගෙන් ඉතුරු වනාන්තර ටික බේරගන්නයි දැන් අපට වෙලා තියෙන්නේ...

:       0       0

Ruhunu Thursday, 11 February 2021 02:58 PM

ඒක හරි.., විශේෂඥයින්ගෙන් අදහස් විමසලා තීරණ ගන්න එක හොඳයි. නැතිනම් සමහර දෙකේ පන්තියට ගිය පාර්ලිමේන්තුවේ ඉන්න අය ඕවාට ගන්නේ කැකිල්ලේ තීන්දු..

:       0       2

බද්රානි Thursday, 11 February 2021 03:06 PM

මෙච්චර දේවල් විනාශ වෙන රටේ "පඬු කරඳ" ගහක් පමණක් ඉතුරු කරගෙන කන්නද? අරහේ මුතුරාජවෙල ගොඩ කරනවා, අක්කර ගණන් කැලෑ කපනවා, පෞරාණික ස්ථාන ඩෝසර් කරනවා. ඉතින් ඒ මොනවා වුණත් අපට කන්න නැති වුණත්, රටේ ජාතික ආරක්ෂාව තියනවනේ දැන්? අනික බුද්ධ ශාසනෙත් නියමෙට ආරක්ෂා වෙනවනේ. වඳ කොත්තු, වඳ දොස්තරලාත් දැන් නැති නිසා ජනගහනයත් වැඩිවෙලා. ලෝකයේ සීඝ්‍රයෙන්ම සංවර්ධනය වන රටේ ජීවත් වෙන අපට ඔය ගස් වලින් ඇති පලේ කුමක්ද?

:       0       3

මෝ Thursday, 11 February 2021 04:03 PM

කොන්දක් නැති ඇමතිවරු. අගමැතිතුමනි, මුස්ලිම් මෘතශරීර භූමදානය කරන්න ඉඩ දෙනවා කිව්වා වගේ මේ ශාකය විනාශ කරන්නේ නෑ.. පාර වෙනස් කරනවා කියලා ප්‍රකාශයක් පාර්ලිමේන්තුවේදී කරන්නකෝ. ඔබතුමා විතරයි තීරණයක් ගන්න පුලුවන් කෙනෙකුට ඉන්නේ...

:       6       26

shanthaThursday, 11 February 2021 05:26 PM

ඩබල් ගේම් කාරයොනේ. දැන් වලපයයි ගොඩ පයයි තියාගෙන ඉන්නේ. කවුරුත් ගණන් ගන්නේ නැහැ.

:       0       1

ShanthaFriday, 12 February 2021 09:42 AM

පාර වෙනස් කිරීමට ආණ්ඩුව එකඟවිය හැක... එකඟවීමෙන් හානිය සිදුවන්නේ කාටද? පළමුව නැවත ඉඩම් අත්පත් කර ගැනීමට සිදුවේ. ඒ සඳහා වන්දි ගෙවිමටත් තවත් පුද්ගලයන් කිපදෙනෙකුට ඉඩම් අහිමිවිමත් සිදුවේ. අතිරේකව වැයවන වියදම් දැරීමට සිදුවන්නේ අපටමයි.

:       4       1

Rata Perata Friday, 12 February 2021 07:36 AM

මිනිසුන්, දැන්වත් පියවි සිහියට එන්න. අපේ රට අනතුරේ. මේ නඩය තව මාස 06 කින් රට නැතිම කරලා දානවා..

:       0       5

BamunuarachchiSunday, 14 February 2021 03:23 PM

අඩේ අප්පා මෙයා 2015- 2020 දක්වා නිදියගෙන ඉඳලා දැනුයි ඇහැරිලා තිබෙන්නේ.. නරක නැහැ. දැන් අවදිවෙලා කාටද බාර දෙන්නේ..? සජබ ගොයියන්ටද, ජේවීපී ගොයියන්ටද? ඒ ගොල්ලෝ යූටියුබ් එකේ කතා කරනවා ප්‍රජාතන්ත්‍රවාදය ගැන මහා ඉහළින්.. හැබැයි ලාංඡනය දෑකැත්තයි, මිටියයි.. හිනායනවා නේද මේවාට...?

:       1       0

ඔබේ අදහස් එවන්න

එසැණ පුවත්

ආර්ථික වර්ධනයේ පළමු ’’හැන්ද’’ ඇත්තේ ගුරුවරුන් අතේ
2024 ජුලි මස 12 2 0

රටක ආර්ථික වර්ධනයේ ප්‍රධානතම කොටස අධ්‍යාපනය බැවින් ගුරුවරුන් අනාගත පරපුර විනාශ නොවන ආකාරයෙන් කටයුතු කළ යුතු බව එක්සත් ජාතික පක්ෂ සභාපති පාර්ලිමේන්


ඉසෙඩ් ලකුණට රස්සා
2024 ජුලි මස 12 310 0

අපොස උසස් පෙළ විභාගයේදී සිසුන් ගන්නා ඉසෙඩ් කෝ ලකුණු මත රැකියා පුරප්පාඩු පිරවීමට කටයුතු කළ යුතු යැයි සඳහන් පෞද්ගලික මන්ත්‍රී යෝජනාවක් මාතර දිස්ත්‍


සුරාබදු ලොක්කන් තෝරද්දී අක්‍රමිකතා රැසක්?
2024 ජුලි මස 12 169 0

සුරාබදු දෙපාර්තමේන්තුවේ ඉහල තනතුරුවලට නිලධාරින් තෝරා ගැනීම සඳහා පවත්වා තිබෙන විභාගයක් නීතියට පටහැනි යැයිද එය අක්‍රමිකතා රැසකින් සමන්විත යැයිද ර


ඉන්දියාවේ ජනගහනය 2060 වසරේදී බිලියන 1.7 ක්
2024 ජුලි මස 12 256 0

ඉන්දියාවේ ජනගහනය 2060 වසරේදී බිලියන 1.7 ක් දක්වා ඉහළ යනු ඇති බවත් පසුව 2100 වසර වන විට එම ජනගහනය සියයට 12 කින් අඩුවනු ඇති බවත් පුරෝකථනය කර තිබෙන බව එක්සත් ජාතීන්ග


රෑ අට වෙද්දි බයිඩන් නිදා ගන්නවා
2024 ජුලි මස 12 743 0

ඇමෙරිකා ජනාධිපති ජෝ බයිඩන් රාත්‍රී 8 වනවිට නින්දට යනවා යැයි ප්‍රතිමවාදී රිපබ්ලිකන්වරුන් චෝදනා කර ඇති අතර එම චෝදනා සම්බන්ධයෙන් බයිඩන් වොෂින්ටන් අගනුව


කුලියට ඉන්න අයටත් දුන්න අයටත් සම අයිතිය
2024 ජුලි මස 12 1010 0

කුලී නිවැසියන්ගේ සහ ගෙවල් හිමියන්ගේ අයිතිවාසිකම් සමාන ලෙස ආරක්ෂා කිරීම අරමුණු කර ගෙන නව නීතිය පාර්ලිමේන්තුව ඉදිරිපත් කිරීමට කැබිනට් අනුමැතිය ලැබී ඇ


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 886 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1771 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3730 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site