නිදහස් උත්සවයේ පෙළපාළිය අඩු කරන්න පියවර

(නාලක සංජීව දහනායක)

72 නිදහස් දින සැමරුම් උත්සවයේ පෙළපාළියට සහභාගී වන පිරිස මෙවර 30% කින් අඩු කිරීමට රජය තීරණය කර ඇත.

එමෙන්ම ජාතික නිදහස් දින උත්සවයේ තේමාවට සරිලන සංස්කෘතික අංග පමණක් යොදා ගැනීම කෙරෙහි ද රජයේ අවධානය යොමුව තිබේ.

සුරක්‍ෂිත දේශයක් - සෞභාග්‍යමත් රටක් තේමාව ඔස්සේ නිදහස් දිස සැමරුම පැවැත්වීමට ද ඒ සඳහා පත්කළ අමාත්‍ය මණ්ඩල අනුකමිටුව තීරණය කර ඇත.

එමෙන්ම මහජනතාවට බාධා නොවන අයුරින් උත්සව භූමිය ආශ‍්‍රිත ප‍්‍රදේශයේ ආරක්‍ෂාව තහවුරු කිරීම, රථවාහන හැසිරවීම, මෙන්ම පෙර පුහුණුවීම් කටයුතු සිදුකිරීම කෙරෙහි සියලූම දෙනාගේ අවධානය යොමුවිය යුතු බවද අග‍්‍රාමාත්‍යවරයා අදාළ අංශවලට උපදෙස් දී ඇත.

එමෙන්ම ජාතික දිනයදා සෑම නිවසකම ජාතික ධජය එසවීමටත්, රටපුරා සෑම නිවසකම එකම මොහොතකදී ප‍්‍රයෝජනවත් පැළයක් රෝපණය කිරීමටත් පියවර ගන්නා ලෙසද අග‍්‍රාමාත්‍යවරයා එහිදී දැනුම් දී තිබේ.

තම ජීවිතය නොතකා අනෙක් අයගේ ජීවිත බේරාගත් අයගේ එකතුවක් වන වීර පොදුජන පදනම ද ජාතික දින පෙළපාළියට එක්වීමට අවසර ඉල්ලා තිබූ අතර එම ඉල්ලීමට අවසර දීමට ද රජය තීරණය කර ඇත.

අදහස් (7)

නිදහස් උත්සවයේ පෙළපාළිය අඩු කරන්න පියවර

banda Sunday, 05 January 2020 10:15 AM

පෙළපාලි වල අනුන්ගෙන් මිලදී ගත් පරණ අවි ආයුධ පෙන්වන එකත් නවත්වන්න..

: 252 150

DilanSunday, 05 January 2020 10:57 AM

එහෙම නම් නිදහස් දින පෙළපාලි වලදී ආයුධ පෙන්නන්න පුළුවන් ආයුධ නිෂ්පාදනය කරන රටවල් කීපයට විතරයි.

: 46 364

BamunuarachchiMonday, 06 January 2020 11:44 AM

බණ්ඩාගේ මැටි කතා නේද ?

: 1 0

BamunuarachchiMonday, 06 January 2020 11:50 AM

මට මතක් වෙන්නේ යමන් බණ්ඩෝ වෙසක් බලන්න කියපු සින්දුව අදහසුත් ඒ සින්දුවටම ගැලපෙනවා.

: 1 0

මෝ Sunday, 05 January 2020 11:21 AM

නියම අදහසක් බණ්ඩෝ... මෙදාපාර ඉඳලා කැති, පිහි, මන්නා, දෑකැති, කඩු, කිනිසි, පොරොව, කෙටේරි සහ ගල්කටස් තුවක්කු දීලා ත්‍රිවිධ හමුදාව පෙළපාලියේ යවමු.

: 1 68

hemantha Monday, 06 January 2020 08:10 AM

අපරාදේ ලැප්ටොප් ඩාන්ස් එක මේ පාරත් බලන්නයි හිටියේ! යහපාලනේ කට්ටිය එන්නේ නැතිවෙයි එයාලා හඳුන්වා දුන් ඩාන්ස් එක නැතිව.

: 1 0

BamunuarachchiMonday, 06 January 2020 11:47 AM

ඇයි ආජතපර ලායිළා, බීජි තපර ලායිළා සින්දුව? අනේ මෙහෙමත් ගොන් රැලක්.

: 1 0