දැව ජාවාරම්කරුවෝ සෙබළුන් දෙදෙනකු අනතුරට ලක්කර පළා යති

(රොමේෂ් මධුෂංඛ සහ බිමල් ශ්‍යාමන් ජයසිංහ )

වව්නියාව ඕමන්ත යුදහමුදා මාර්ග බාධකයකදී අණනොතකා ධාවනය වූ කැබ් රථයක් යුදහමුදා සෙබලුන් දෙදෙනෙකුද අනතුරට ලක් කර පලා ගොස් ඇති බවට ඕමන්ත පොලීසිය පවසයි.

ඒ-9 ප්‍රධාන මාර්ගයේ ඕමන්ත ප්‍රදේශයේ පිහිටා ඇති යුදහමුදා මාර්ග බාධකයකදී ඊයේ සවස යුද හමුදා සෙබලුන් විසින් සැකකටයුතු කැබ් රථයක් නැවත්වීමට ගත් උත්සහයකදී යුදහමුදා සෙබලුන් දෙදෙනාද අනතුරට ලක්කොට පලා ගොස් ඇත.

පසුව යුද හමුදා සෙබලුන් විසින් කැබ් රථය පසුපස ලුහුබැඳීමෙන් අනතුරුව කැබ් රථයද මාර්ගයෙන් ඉවතට පැන අනතුරකට ලක්වී තිබියදී සොයාගෙන ඇතිඅතර සැකකරුවන් පලාගොස් ඇතැයිද පොලීසිය පැවසීය.

එහිදී කැබ් රථයේ ගැටීම හේතුවෙන් රාජකාරියේ නිරත යුදහමුදා සෙබලුන් දෙදෙනෙකු තුවාල ලබා වව්නියාව රෝහලට ඇතුළත් කිරීමට පියවර ගෙන ඇත.

කැබ් රථය පරික්ෂා කිරීමේදී කැබ් රථයේ බුරුත දැව තොගයක් පටවා තිබි ඇති අතර අදාල දැව තොගය බලපත්‍ර නොමැතිව ප්‍රවාහනය කිරීම හේතුවෙන් මෙලෙස නොනවත්වා ධාවනය කොට ඇතැයි පොලීසිය සැකපළ කරයි.

සැකකරුවන් අත්අඩංගුවට ගැනීම සඳහා ඕමන්ත පොලීසිය මේ වන විට පුලුල් පරික්ෂණයක් අරඹා ඇත.

අදහස් (4)

දැව ජාවාරම්කරුවෝ සෙබළුන් දෙදෙනකු අනතුරට ලක්කර පළා යති

rathgama Sunday, 18 April 2021 07:38 AM

දියුණු රටවල නම් පොලිස් කණ්ඩායම් 03ක්, මාර්ග බාධක ස්ථාන 3ක් පිහිටුවලා තමයි මෙවැනි මාර්ග බාධක පරීක්ෂණ ක්‍රියාත්මක කරන්නේ.. ඇයි අපේ නිලධාරීන්ට මෙවැනි උපායශීලී පරීක්ෂණ පවත්වන්න බැරි?

: 0 25

සේනක~ඉතාලිය Sunday, 18 April 2021 11:01 AM

අණනොතකා රිය ධාවනය කරනවා නම් බරපතල වරදක්නේ... හමුදාව ආයුධ සන්නද්ධව නම් ඉන්නේ ඇයි වෙඩි තිබ්බේ නැත්තේ? එහෙම සැරයක් දෙසැරයක් වුණානම් ඔය මගමරුවන් ඔච්චර සෙල්ලම් දාන්නේ නැහැ. එහෙනම් ඔය සෙබළුන් දෙන්න තුවාල ලබන්නේ නැහැ. පහුගිය දවස්වල වෙච්ච දෙවල් බැලුවාම ආරක්ෂක අමාත්‍යාංශයේ නිලධාරීන්ව කීදෙනෙක් යටකරගෙන ගිහිල්ලා ඝාතනය කළාද?. මේ වැනි දෙවල් තවත් ඉස්සරහට නොකරන්න වගබලාගත යුතුයි. නැත්නම් මේ මගමරුවන් දේශපාලන කාලකන්නින් එක්ක කරගෙන යන වැඩ නිසා මහමග ඉන්න ආරක්ෂක සෙබළුන් තවත් ඝාතනය වෙයි...

: 0 36

rathgamaSunday, 18 April 2021 11:25 AM

මෙව්වා කරන්නේ දේශපාලකයෝ සහ ඔවුන්ගේ ඇම්බැට්ටයෝ. ඒක නිසා පලායාමේදී වෙඩිතැබීම සීමාකරලයි තියෙන්නේ..

: 0 17

prabha Sunday, 18 April 2021 12:58 PM

වෙඩි තිබ්බොත් වෙන්නේ මානව හිමිකම් කඩකළා කියලා හිරේ ලගින්නයි.

: 0 6