(ජේ.කේ.එල්.චාමින්ද)

ඩ්‍රෝන කැමරාවක් මගින්  දෙවට වෙරළ තීරය විඩියෝ කරමින් සිටි රුසියානු ජාතිකයකු අද (9) අත්අඩංගුවට ගත්බව ගාල්ල වරාය පොලිසිය පවසයි.

මෙකී රුසියානු ජාතිකයා 32 හැවිරිදි වියේ පසුවන අයෙකි. මොහු ඩ්‍රෝනා කැමරාවකින් දෙවට වෙරළ තීරයේ  විඩියෝ ගත කරමින්  සිටින  බවට පොලිසියට ලැබුණු තොරතුරකට අනුව රුසියානු ජාතිකයා අත්අඩංගුවට ගෙන ඇත.

මෙකී රුසියානු ජාතිකයා අප්‍රේල් 28 වැනිදා මෙරටට පැමිණ ඇති බව පොලිසිය පවසයි.

ඔහු මෙම මස 11 වැනි දා මෙරටින් පිටත්ව  යාමට නියමිතව ඇති බව පරික්ෂණ වලදී අනාවරණය වී තිබේ.

මොහු  එරට  ටෙලිකොමියුනිකේෂන් ආයතනයක සේවය කරන්නෙකි. මොහු  විඩියෝ දර්ශන ලබාගෙන  ප්‍රචාරක කටයුතු සඳහා ඒවා යොදා ගන්නා බව පොලිසිය පවසයි.

  (ඡායාරූප - රවී ලියනගේ)