(නිමන්ති රණසිංහ සහ සුජිත් හේවාජුලිගේ)

තලංගම තලාහේන ප‍්‍රදේශයේ තරුණ ව්‍යාපාරිකයකු පැහැරගෙන ගොස්  ඝාතනය කර මාතලේ රත්තොට කැළයකදී පුලූස්සා දමා තිබියදී සොයාගත් බව  පොලීස් මූලස්ථානය පවසයි.

මෙම ව්‍යාපාරිකයා වැල්ලවාය ඇතිලිවැව ප‍්‍රදේශයේ සහ කොළඹ මාළඹේ ප‍්‍රදේශයේ පදිංචි රාජපක්ෂ මුදියන්සේලාගේ චන්දන තිලක් රාජපක්ෂ (46) නමැත්තෙක ලෙස සැකකරන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

ඔහු තලංගම තලාහේන ප‍්‍රදේශයේ ගොඩනැගිලි ඉදිකිරීම් සමාගමක් පවත්වාගෙන ගොස් ඇති බවට මූලික පරික්ෂණවලින් අනාරවණය වී ඇතැයි ද පොලිස් මාධ්‍ය ප‍්‍රකාශක වරයා කියයි.

මෙම ව්‍යාපාරිකයාගේ මෝටර් රථය අනුරාධපුර ප‍්‍රදේශයේ අත්හැර දමා තිබියදී පොලීසිය  සොයාගනු ලැබූ බවත් එම මෝටර් රථය තුළ තිබී තවත් ලිපිගොනු කිහිපයක් ද සොයා ගත් බව පොලීසිය පවසයි.

එම ව්‍යාපාරිකයාගේ මවට සහ පියාට මාතලේ මහ රෝහලට පැමිණෙන ලෙසට දැනුම් දී ඇති බවත් එහිදී ඔවුන්ගේ ලේ සාම්පල් ලබාගෙන ඒවා සහ මරණකරුගේ ලේ සාම්පල් සසදා ඞී එන් ඒ වාර්තාවක් කැදවීමට නියමිතව ඇති බවත් නියෝජ්‍ය පොලිස්පතිවරයා සදහන් කළේය.