ශ්‍රී ලංකා ඡායාරූප මාධ්‍යවේදීන්ගේ සංගමය ප්‍රථම වරට සංවිධානය කළ ජනමාධ්‍ය ඡායාරූප ප්‍රදර්ශනය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන්  කොළඹ 07 හොර්ටන් පෙදෙසේ ජේ.ඩී.ඒ පෙරේරා කලාගාරයේදී අද (26) පැවැත්විණි.

සේන විදානගමගේ, ශ්‍රී ලාල් ගෝමස්, බන්දු එස්. කොඩිකාර, වෝල්ටර් පෙරේරා, එස්.චිත්‍රානන්ද, ඇල්ෆ්‍රඩ් සිල්වා, යු.එන් පෙරේරා, සරණපාල පමුණුගම යන ජ්‍යෙෂ්ඨ ඡායාරූප මාධ්‍යවේදීයෝ අට දෙනා විශේෂ සම්මානයෙන් පිදුම් ලැබූහ.

ඊට අමතරව වර්තමානයේ ප්‍රදර්ශනයට ලක්කර තිබූ ඡායාරූපයන්ගෙන් ප්‍රථම, දෙවන, තෙවන වශයෙන් සම්මාන ලබාදුන් අතර හොඳම ඡායාරූපයට හිමි සම්මානය සහ මුදල් ත්‍යාගය ලංකාදීප පුවත්පතේ ලහිරු හර්ෂණට හිමිවිය.

මෙම අවස්ථාවට කතානායක කරු ජයසූරිය,විපක්ෂ නායක මහින්ද රාජපක්ෂ,ජනමාධ්‍ය අමාත්‍ය හා ආරක්ෂක රාජ්‍ය අමාත්‍ය රුවන් විජයවර්ධන , අමාත්‍ය සජිත් ප්‍රේමදාස , අමාත්‍ය පාඨලී චම්පික රණවක යන මහත්වරු ඇතුළු පිරිසක් සහභාගී වූහ.

(ඡායාරූප - ඩික්සන් වසන්ත)