(මනෝප්රිය ගුණසේකර)
ලිට්රෝ ගෑස් සමාගමට අයත් රුපියල් කෝටි 50කට අධික මුදලක් හම්බන්තොට හයර් ඉන්ටර්නැෂනල් හෝටල් ව්යාපෘතියට යෙදවීම මගින් රජයට රුපියල් කෝටි 50කට අධික අලාභයක් සිදු කළ බවට හිටපු ජනාධිපති කාර්ය මණ්ඩල ප්රධානී ගාමිණී සෙනරත් මහතා ඇතුළු විත්තිකරුවන් සිව් දෙනෙකුට එරෙහිව පවරා ඇති නඩුව ලබන 23 වැනිදා යළි කැඳවීමට විශේෂ ත්රිපුද්ගල විනිසුරු මඩුල්ල අද (15) නියම කළේය.
මෙම නඩුව කැඳවනු ලැබූ අවස්ථාවේදී විත්තිකරුවන් වෙනුවෙන් පෙනී සිටි ජනාධිපති නීතිඥ ගාමිණී මාරපණ මහතා කරුණු ඉදිරිපත් කරමින් මෙම නඩුවට අදාළ ලේඛන බොහෝමයක් තමන්ට මෙතෙක් නොලැබීම නිසා නඩුව පවත්වාගෙන යෑමෙන් විත්ති පාර්ශ්වයට අගතියක් සිදුවන බවට අධිකරණයට දැනුම් දුනේය.
අනතුරුව ඉදිරිපත් කළ කරුණු සැලකිල්ලට ගත් විනිසුරු මඩුල්ල ඒ අවශ්ය ලේඛන මොනවාදැයි මෝසමක් මාර්ගයෙන් අධිකරණ රෙජිස්ටාර්වරයාට ඉදිරිපත් කිරීමට නියම කළේය.
එම මෝසම සඳහන් ලේඛන අපරාධ කොට්ඨාසය මාර්ගයෙන් ලබාගැනීමට ක්රියාකරන බව දැනුම්දුන් විනිසුරු මඩුල්ල ඒ අනුව මෙම නඩුව ලබන 23 වැනිදා කැඳවීමට නියම කළේය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ගාමිණි සෙනරත්ට එරෙහි මුල්ය වංචා නඩුව කල් යයි
somapala Monday, 15 October 2018 08:02 AM
නඩු කල් දාන විදිය මේ උසාවියෙත් පටන් අරන් වගෙයි. ආණ්ඩුව මාරු වෙනකන් කරාවි.
sirimal Monday, 15 October 2018 08:02 AM
මේ හොටල් ව්යාපෘතිය අවලංගු කිරීම හේතුවෙන් රජයට විශාල පාඩුවක් සිදුවී ඇති බවත් වාර්තාවෙනවා නේද? මේකත් අර ලෙඩා මැරුණට මොකද බඩ හොඳට සුද්ධ වුණු ජාතියේ වැඩක් වගෙයි පෙනෙන්නේ...
Sanka Monday, 15 October 2018 10:11 AM
මහජනතාව මත අසීමිතව බදු පනවලා තවත් මේ විශේෂ අධිකරණ නඩත්තුවට කෝටි ගනන් මහජන වුදල් වියදම් කරලා මේ යන විදියට කිසිම ප්රතිපලයක් නැහැ.
Saman Monday, 15 October 2018 01:05 PM
රන්ජන් කියපු දේ තමයි නියම ඇත්ත... මේ නඩු කල් දාන්න ලෝයර්ලා හේතු හොයාගන්නවා. ලඟදී එකක් කල් ගියේ අගවිනිසුරුගේ පාටියට යන්න තියෙනවා කියලා...