කහ ගන්නේ 100 දෙන්නේ 6000

(පුෂ්පකුමාර මල්ලවආරච්චි)

අමු කහ කිලෝවක මිල රුපියල් සියය දක්වා අඩුව ඇතත් කහකුඩු කිලෝවක මිල රුපියල් හය දහසක් බව පාරිභෝගිකයෝ මෙන්ම කහ වගාකරුවෝද මැසිවිලි නඟති.

අමු කහ කිලෝවක් රුපියල් 250.00 හා 300.00 වන මිලට පසුගිය දිනවල අලෙවිවෙමින් පැවති අතර මේ වනවිට එම මුදල රුපියල් 100.00 දක්වා පහල බැස ඇතැයි කහ වගාකරුවෝ සදහන් කරති.

කහ වගාවට ප්‍රසිද්ධ ගම්පහ දිසාවේ ගම්මානයක ව්‍යාපාරිකයෙන් කිලෝව රුපියල් සියය බැගින් ඕනෑ තරම් මිලදී ගන්නා බව කියන වගා කරුවෝ එම ව්‍යාපාරිකයා කහ කුඩු කිලෝවක් රුපියල් හය දහසක මුදලට අලෙවි කරමින් අධික ලාභයක් ලබන බවද පෙන්වා දෙති. මෙම ව්‍යාපාරිකයා ස්වයං රැකියා ආධාර යටතේ රජයේ අනුග්‍රහයෙන් ලබාගත් උපකරණ යොදා ගනිමින් මේ ආකාරයේ කටයුතු කිරීම ගැනද කහ වගාකරුවෝ තම විරෝධය පල කරති.

තම අස්වැන්න කූට ව්‍යාපාරිකයන්ට ලබා ගැනීමට ඇති අවස්ථාව අහුරමින් රජය මැදිහත්ව අමුකහ මිලදී ගැනීමට පියවර ගන්නේ නම් මහත් සෙතක් ව බවත් එමගින් සාධාරණ මුදලකට පාරිභෝගිකයන්ට කහ කුඩු ලබා දීමේ අවස්ථාව සැලසිට හැකිවනු ඇති බවත් ඔවුහු පෙන්වා දෙති.

කහ කුඩු සදහා පැවති මිල පාලනය ඉවත් කිරීම ප්‍රයෝජනයට ගනිමින් මෙවැනි ව්‍යාපාරිකයන් කරගෙන යන කූට ජාවාරම් නතර කරන්නට වගකිවයුතු බලධාරීන් වහා පියවර ගත යුතු බවද කහ වගාකරුවෝ කියති.

අදහස් (6)

කහ ගන්නේ 100 දෙන්නේ 6000

Ras Friday, 24 December 2021 07:20 AM

කහකුඩු කිලෝ 1 ක් හදන්න අමු කහ කිලෝ 10-15 ත් අතර ගණනක් ඕනෑ. පවතින ජල ප්‍රමාණය අනුව ඒක වෙනස් වෙනවා. ශ්‍රමය වගේ දේවල් සැලකුවාම 100 ට ගත්තත්, අන්තිමට කිලෝ එකක නිෂ්පාදන වියදම 3000ක් විතර වෙන්න පුළුවන්...

: 0 2

de silva Friday, 24 December 2021 08:47 AM

සර්ගේ සෞභාග්‍යය... තමයි.

: 2 2

Bamunuarachchi Friday, 24 December 2021 05:04 PM

කහ ගන්නේ දෙන්නේ කීයටද කියන එක නොවෙයි ප්‍රශ්නය. දැන් කහ ඉන්දියාවෙන් ගෙන්වන්න ඕනේ නැහැ නේද? අන්න එ්කයි වටින්නේ...

: 7 1

BamunuarachchiSaturday, 25 December 2021 05:00 PM

හම්බයින් කහ ප්‍රතිඅපනයනය කරන්න ගිහිල්ලා ඒ කහ වගාවත් කාලා දාවි කියා සිතෙනවා...

: 1 1

සිහින නෙත් Saturday, 25 December 2021 10:16 AM

මමත් කහ ගොවියෙක්. මම හෙක්ටයාර් එකක් වගා කරා .ලොකු වියදමක් කරන්න සිදු උනා . ඉතින් අපිට දැන් මේවා විකුණලා ගන්න මුදල් මදි වියදමවත් පියවා ගන්න. අනේ පුළුවන් නම් රජයෙන් පාලන මිලක් ඉල්ලන්න .අඩුම රු 500 වත්. නැතිනම් ලොකු අසාදාරනයක් වෙනවා කහ ගොවියන්ට. ස්තුතියි

: 0 3

Sarath Saturday, 25 December 2021 06:41 PM

ලංකාවේ ඉන්නේ කළුකඩකාර හොරු ටිකක්.. හැම ව්‍යපාරිකයෙක්ම කරන්නේ ගසා කෑම්.. කහ විතරක් නොවේ හැමදේම ලංකාවේ මෙහෙම තමයි. හැම මිනිහෙක්ම අසීමිත ලාබ ලබලා එක රැයින් පෝසත් වෙන්න බලන්නේ.. මේ අය රටට බදු ගෙවන්නෙත් නෑ.. අදායම් බදු දෙපාර්තමේන්තුව ඔවුන්ගේ රාජකාරිය හරියට කරනවා නම් මේ කළුකඩකාරයින් මෙල්ල කරන්න පුළුවන්...

: 0 1