(නිමන්ති රණසිංහ)

පතාල නායක මොහොමඩ් ඉම්රාන් නොහොත්  කංජිපානි ඉම්රාන් නැමැත්තා වැඩිදුර ප්‍රශ්න කිරීම් සඳහා  කොළඹ අපරාධ කොට්ඨාසයට බාර දීමට නියමිත බව පොලිස් ආරංචි මාර්ග පවසයි.

අද  උදෑසන  ඩුබායි සිට ලංකාවට පැමිණි ඔහු  අපරාධ පරීක්ෂණ දෙපාර්තමේන්තුව මගින් අත්අඩංගුවට ගත් අතර මේ වන විට  පැය 10 කට අධික කාලයක්   අපරාධ පරීක්ෂණ දෙපාර්තමේන්තුව මගින් ප්‍රකාශ සටහන් කරනිමින් සිටී.

කංජිපානි ඉම්රාන් සමඟ අත්අඩංගුවට ගත්  සෙසු තිදෙනා වන  මාතර පදිංචි ජංගා නොහොත්  අනුෂ්ක කෞෂාල්, රොටුඹ පදිංචි  මිල සම්පත් සේපාල, කොළඹ 13 පදිංචි  ඇන්ඩසන් ප්‍රර්නෑන්ඩස්  නැමැත්තන්ගෙන් මේ වන විට ප්‍රශ්න කිරීම් සිදු කරයි.

කටුනායක ගුවන්තොටුපොලෙහි අපරාධ පරීක්ෂණ  දෙපාර්තමේන්තු කාර්යාලට ගොස් කොළඹ අපරාධ කොට්ඨාස නිලධාරීන් මේ වන විට ප්‍රශ්න කිරීම් සිදු  කරන බව පොලිස් ආරංචි මාර්ග පවසයි.

ජංගා නොහොත්  අනුෂ්ක කෞෂාල් නැමැත්තා  මාතර කොට්ඨාස පොලීස් ඒකකයට බාර දීමට නියමිත අතර  ඔහුට විරුද්ධ මාතර අධිකරණයේ නඩු  කිහිපයක් ඇති බවද පොලීසිය පවසයි. කංජිපානී ඉම්රාන් නැමැත්තාට ඝාතන ධ මෙන්ම විවිධ අපරාධ සම්බන්ධයෙන්  මාලිගාවත්ත පොලීසියේද පැමිණිලි හා අධිකරණයේ නඩු කිහිපයක් පවතින බවද පොලීස් ආරංචි මාර්ග පවසයි.

ඇන්ඩර්සන් නැමැත්තාද  විවිධ ජාවාරම්  හා සම්බන්ධ අයකු බවට  තොරතුරු ලැබී ඇති බවත් ඒ සම්බන්ධයෙන් අපරාධ පරීක්ෂණ දෙපාර්තමේන්තුව මේ වන විට තොරතුරු එක්රස් කරන බවද දැනගන්නට තිබේ.

මාකඳුරේ මධුෂ් නැමැති  පාතාල නායකයාගේ ඩුබායිහි පැවැති සාදයකදී මොවුන් ඩුබායි පොලිස් අත්අඩංගුවට ගැනුන අතර  එරටින් පිටුවහල් කර අද ලංකාවට පැමිණි පසු අත්අඩංගුවට ගැනුනි.