අල් කයිඩා නායක ඔසාමා බින් ලාඩන්ගේ පුත් හම්සා බින් ලාඩන් ඇමරිකාව විසින් සිදුකළ මෙහෙයුමකදී ඝාතනය කළ බව ජනපති ඩොනල්ඩ් ට්‍රම්ප් මහතා පවසයි.

බුද්ධි අංශ තොරුතුරු උපුටා දක්වමින් ගුවන් ප්‍රහාරයකදී ඔහු මියගොස් ඇති බව මාධ්‍ය මීට මාසයකට පමණ පෙර වාර්තා කර තිබිණි.

හම්සා ජාත්‍යන්තර ත්‍රස්තවාදියකු ලෙස නම්කරනු ලැබුයේ මීට අවුරුදු දෙකකට පෙරදීය.

වයස අවුරුදු 30ක් පමණ වන මොහු විසින් ඇමරිකාව ඇතුළු රටවල් කිහිපයකට ප්‍රහාර එල්ල කරන බවට දුරකථන ඇමතුම් ලබාදී තිබූ බව ද වාර්තා වේ. 

"අල් කයිඩා සංවිධානයේ ඉහළ නිලයක් දැරූ හම්සා බින් ලාඩන් පකිස්ථාන‍/ඇෆ්ගන්ස්ථාන කලාපයේ දී ඇමරිකාව විසින් සිදුකළ ත්‍රස්තවාදී මෙහෙයුමකදී මියගියා" යැයි ට්‍රම්ප් මහතා පවසා ඇත.

කෙසේවුවද මෙම මෙහෙයුම සිදුකළ කාලවකවානුව නිවේදනයේ සඳහන් කර නොමැත.

(බීබීසි ඇසුරිණි - 085)