2025 ජුලි මස 09 වන බදාදා
2025 ජුලි මස 09 වන බදාදා
(අංජුල මහික වීරරත්න)
ඉන්දියාව හා ශ්රී ලංකාව අතර 2017 වසරේ අත්සන් තැබුණු අවබෝධතා ගිවිසුමට අනුකූලව ඉන්දු – ශ්රී ලංකා හවුල් සංවර්ධන ව්‍යාපෘති ක්‍රියාත්මක කිරීම සම්බන්ධයෙන් දැඩි පමාවක් දක්නට ලැබීම තමන්ගේ කණස්සල්ලට හා කණගාටුවට හේතු වී ඇති බව පැවසූ ඉන්දීය අග්‍රාමාත්‍ය ශ්රී නරේන්ද්‍ර මෝදි මහතා ඒ ව්‍යාපෘති කඩිනමින් ක්‍රියාත්මක කරලීමට පියවර ගන්නා ලෙස ශ්රී ලංකා අග්‍රාමාත්‍ය රනිල් වික්‍රමසිංහ මහතාගෙන් ඉල්ලා සිටියේය.
ඉන්දීය අග්‍රාමාත්‍යවරයා එම ඉල්ලීම කළේ නවදිල්ලි නුවර හයිද්‍රබාද් මන්දිරයේ දී ශ්රී ලංකා අග්‍රාමාත්‍යවරයා ප්‍රධාන ශ්රී ලංකා දූත පිරිස හමුවූ අවස්ථාවේදී ය.
මෝදි මහතා විසින් ශ්රී ලංකා දූත පිරිස වෙත දිවා භෝජන සංග්‍රහයක් ද පිරිනමන ලදී.
රාජ්‍ය තාන්ත්‍රික කාර්යයන් සම්බන්ධව තමා වැඩිම කාලයක් වැය කර ඇත්තේ ශ්රී ලංකාව වෙනුවෙන් බවත්, ඒසේ වී තිබියදීත් ඉන්දියාව විසින් සිදු කරන සත්කාර්යයන් සඳහා ශ්රී ලංකා රජයෙන් ලැබෙන ප්‍රතිචාර සම්බන්ධව තමා කණගාටුවන බවත් පැවසූ මෝදි මහතා තමා පිළිබඳව හෝ ඉන්දීය රජය පිළිබඳව කිසියම් සැකයක් හෝ ගැටළුවක් ඇත්නම් නොපැකිලව සාකච්ඡා කරන ලෙස ද ඉල්ලා සිටියේය.
මෝදි මහතා හෝ ඉන්දීය රජය පිළිබඳව කිසිදු සැකයක් හෝ ගැටළුවක් තමා තුළ හෝ ශ්රී ලංකිකයන් තුළ නොමැති බව අවධාරණය කළ වික්‍රමසිංහ මහතා එවැනි වැරදි වැටහීමක් ඇතිවීමට කිසියම්ම හෝ හේතුවක් මුල් විණි නම් ඒ පිළිබඳ කණගාටුව පළ කරන බව පැවසීය.
2025 ජුලි මස 04
188
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
694
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1095
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඉන්දියාව-ලංකාව අතර හවුල් සංවර්ධන ව්‍යාපෘතිය කඩිනමින් ක්‍රියාත්මක කරන්නැයි ඉන්දියාවෙන් ඉල්ලීමක්
සතයපාල Sunday, 21 October 2018 06:11 AM
එකෙක් රටෙන් භාගයක් චීනයට උකස් කෙරුවා අනිකා දැන් ඉතිරි භාගය ඉන්දියාවට උකස් කරන්නයි හදන්නේ.ඔය කවුරුවත් අපිට ආදරයට මේ රටට එන්නේ නැහැ. එන්න එන්න අපි ලෝකයට ණය කාරයෝ වෙනවා.ස්ව ශක්තියෙන් මේරට නගා හිටුවන්න හැකි නායකයෙක් දැන් මේ රටට අවශයි.
Jothi Sunday, 21 October 2018 08:58 AM
තුන්වන බලවේගයත් දෙලොවක අතරමන්වෙලා. ජනතාව අද අසරණ වෙලා.
Kumar (Gulf) Sunday, 21 October 2018 09:29 AM
ඔව් පුළුවන්තරම් ඉක්ක්මනට ඔය ඉන්දියාවට දුන්නු පොරොන්දු ටික ඉටුකරලා රට විකුණලා ඉවරකරන්න......
විමුක්තී Sunday, 21 October 2018 12:56 PM
තුන්වෙනි බලවේගය අතරමං වෙලා නැහැ. ජනාතාව විසින් ඔවුන් අමතක කර ඇත.
Hafeel Sunday, 21 October 2018 01:45 PM
අගමැතිට කිසිඳු සැකයක් හෝ ගැටළුවක් නොමැති නමුත් එයා කොහොමද කියන්නේ ලාංකිකයන් තුළ නොමැති බව... 1987දී පළාත් සභාව අපිට බලයෙන් පටවපු එක අපිට දරාගන්න බැරි විශාල මුදල් නාස්තියක්. අපේ දේශපාලකයින්ට මේක ගානක් නැත. මේ පළාත් සභාව ඔවුන්ට පාර්ලිමේන්තුවට යන්න පෙර පාසල් වගේ තියං ඉන්නවා.