(ජයන්ත සමරකෝන්)
 
බූස්ස බන්ධනාගාරයේ විශේෂ ගණයේ රැඳවියන් කිහිපදෙනෙකු ආරම්භ කර ඇති ආහාර වර්ජනයට සම්බන්ධ වූ රැඳවියන් දෙදෙනෙකු තරමක අසාධ්‍ය තත්වයෙන් පසුවන බව බන්ධනාගාර ආරංචි මාර්ග පවසයි.
 
‘චාමර සඳරුවන්’ සහා ‘ගොත අසංක’ යන රැඳවියෝ දෙදෙනා මෙලෙසින් අසාධ්‍ය තත්වයේ පසුවෙති.
 
අසාධ්‍ය තත්වයට පත්වන රැඳවියන්ගේ හෘද ස්පන්දනය පරීක්ෂා කිරීම සඳහා ඊ.සී.ජී. යන්ත්‍රයක් ද රෝහල්ගත කිරීමට අවශ්‍ය වුවහොත් ගිලන් ඇඳක් ද, සූදානම් කර ඇතැයි ද බන්ධනාගාර ආරංචි මාර්ග පවසයි.
 
ඉල්ලීම් 6ක් මුල්කරගනිමින් ඉකුත් 10 වැනිදා සිට බූස්ස බන්ධනාගාරයේ රැඳවියන් 45කු මෙම වර්ජනය ආරම්භ කර තිබූ අතර, එයින් 20දෙනෙකු මේ වනවිට වර්ජනය ප්‍රතික්ෂේප කර ආහාර ලබාගන්නා බවද පැවසේ.