(මොහොමඩ් ආසික්)
කොවිඩ් -19 වයිරය ආසාදිත වී මිය යන මුස්ලිම් ජාතිකයින්ගේ මෘත දේහ ආදාහනය කිරීමට විරෝධය දක්වමින් අකුරණ ප්රදේශයේ සමාජ සේවා සහ තරුණ සංවිධාන පහක් එක්ව අද (01) සවස අකුරණ නගරයේදී නිහඬ විරෝධතාවයක් පැවැත්වූහ.
අධික වැසි සහිත කාලගුණ තත්වය හමුවේ පවා අකුරණ නගරයට එක්ව සිටි විශාල පිරිසක් සෞඛ්ය නීති අනුව ඒ 09 මාර්ගයේ රැඳී සිටිමින් විරෝධතාවයට එක්ව සිටියහ.
මෙම විරෝධතාවයට එක්ව සිටි පිරිස් සඳහන් කළේ, ලෝක සෞඛ්ය සංවිධානය ආදාහනය මෙන්ම භූමදානයද නිර්දේශ කර ඇති බැවින් මුස්ලිම් ජනතාවගේ ආගමික අයිතියක් වන භූමදානය සඳහා අවසර ලබා දෙන ලෙස රජයෙන් ඉල්ලා සිටින බවයි. විරෝධතාවය පැයකට ආසන්න කාලයක් පැවැත්විණ.
COMMENTS
Reply To:
Sisira - cb chds hcdsh cdshcsdchdhd
හොඳ වෙලාවට පුතාණෝ පැරදුණේ..
රටවල් 194න් එකකට යන්නකෝ..
ජපානයේ නීතිය සියළුම වර්ගයේ මිනිසුන් මැරුණු කළ ආදාහනය කළ යුතුමය. ඒක ජපන් ජාතිකයාද? වෙළඳාම පිණිස රැඳි සිටින පාකිස්ථාන්ද, බංග්ලාදේශ්ද? ඉරාන්, ඉරාක, ඊජිප්තුද, ලංකා මුස්ලිම් වරයෙක්ද? බෞද්ධද? ක්රිස්තියානිද? හින්දුද? මුස්ලිම්ද? ආගම්, ජාතිභේද නැත. නීතිය නම් කාටත් එකයි. ඒ නිසා කාටත් එක නීතියක් සෑදීම ආණ්ඩුවක වගවීමකි වගකීමකි. මේ නීති කිසිම අයුරකින්වත් වෙනස් නොවිය යුතුය. නීතිය නැමිය නොහැකි විය යුතුයි. නැමීමට ගිහින් ප්රශ්න පිට ප්රශ්න ඇති වෙයි. ජපානයේ වතුර ඉතාමත් පිරිසිදු යයි ඔවුන් උදම් අනන්නේ මේ හේතුව නිසා විය යුතුයි...
අපට වඩා පහළින් පිහිටා ඇති නවසීලන්තයේද භූමදානය කරති. රටවල් 194 කම භූමදානය කරන්නට අවසර දී ඇත. ජලයෙන් වයිරසය බෝ වෙනවා කියා කිසිදු රටකින් වාර්තා වී නැත.
මළ සිරුරු ආදාහනය මඟින් ඔවුන්ගේ ආත්මයට යම් අගතියක් වන බවට සහ භූමදානය මඟින් සුගතියකට යන බවට විද්යාත්මකව තහවුරු කරන තෙක්, රටේ අනාගතය ගැන සිතා අවධානයකට රට ලක් කර ගැනීමෙන් තොරව දැනට ක්රියාත්මක නීතියට අනුව කොවිඩ් මළ සිරුරු ආදාහනය කළ යුතුයි. සිරුර ආදාහනය මගින් ආත්මයට යම් අගතියක් වන බවට විද්යාත්මකව තහවුරු වුවහොත් එදින සිට ළඟම නෑදැයින්ගේ ඉල්ලීම අනුව භූමදානයට හෝ අවශ්ය පරිදි අවසන් කටයුතු කිරීමට අවසර ලබා දිය යුතුයි...