( ඔගස්ටින් ප්‍රනාන්දු)  

ආරච්චිකට්ටුව ප්‍රාදේශීය සභාවේ ශ්‍රී ලංකා පොදු ජන පෙරමුණු මන්ත්‍රි කුරු ගමගේ ජගත් සමන්ත පෙරේරා ඇප මත මුදා හැරීමට හලාවත දිසා විනිසුරු හා මහේස්ත්‍රාත් අනුර ඉන්ද්‍රජිත් බුද්ධදාස මහතා අද ( 24 ) නියෝග කළේය. 

ඉස්සන් ඇති කිරිමේ පොකුණක් සකස් කිරිම සදහා රැම්සා තෙත් බිම් කලාපයට අයත් ආනවිලුන්දාව කුරුළු අභය භුමිය තුළ ඩෝසර් යන්ත්‍රයක් යොදා බිම සකස් කිරිමේ සිද්ධිය සම්බන්ධයෙන්  මොහු රක්ෂිත බන්ධණාගාරගත කර තිබිණි.

ඔහු මුදා  හැරුණේ  රුපියල් ලක්ෂ දහය බැගින් සහතික ඇප දෙකක්   බැගින් වු සහතික ඇප මතය.  සැකකාර මන්ත්‍රිවරයා රජයේ රාජ්‍ය ඇමතිවරයෙකු වන කුරුගමගේ සනත් නිශාන්ත පෙරේරා ගේ වැඩිමල් සහෝදරයා වේ. 

 මෙම සැකකරු බන්ධනාගාර ගත කර සිටිය අතර අද ( 24 දා ) මෙම නඩු විභාගය සදහා අධිකරණය හමුවට ඉදිරිපත් කළේ නැත. ඒ සම්බන්ධයෙන් විමසු අවස්ථාවේ දි කොරෝනා  වසංගතය නිසා අත්‍යාවශ්‍ය සැකකරුවන් හැර සෙසු සැකකරුවන් අධිකරණය හමුවට ඉදිපත්  නොකරන බව බන්ධනාගාර දෙපාර්තමේන්තුවේ ප්‍රකාශකයෙකු කීය .