IMG-LOGO

2025 ජුලි මස 19 වන සෙනසුරාදා


’ආණ්ඩුවේ ධූර කාලය අවසන් වන තෙක්ම ජනතාව වෙනුවෙන් සියල්ල ඉටු කරනවා’

(නිමල කොඩිතුවක්කු)
 
මැතිවරණ ඉලක්ක කරමින් කටයුතු කරනවා වෙනුවට වත්මන් ආණ්ඩුවේ ධූර කාලය අවසන් වන තෙක්ම රටත් ජනතාවත් වෙනුවෙන් සිදුකළ හැකි සියල්ල ඉටු කරන බව විද්‍යා තාක්ෂණ හා පර්යේෂණ කැබිනට් නොවන අමාත්‍ය සුජීව සේනසිංහ  මහතා කොළඹ දී පැවසීය.                                         

ඇතැම් පිරිස් මැතිවරණ ඉලක්ක කරමින් ක්‍රියා කරමින් සිටියත්  රට වෙනුවෙන් සිදුකළ කිසිවක් නැතැයිද අමාත්‍යවරයා සඳහන් කළේ්ය.                                      

රජයේ ප්‍රවෘත්ති දෙපාර්තමේන්තු ශ්‍රවණාගාරයේ අද (17) පැවති මාධ්‍ය හමුවකදී  ඔහු මේ බව පැවැසීය.                       
එහි දී වැඩිදුරටත් අදහස් දැක්වූ විද්‍යා තාක්ෂණ හා පර්යේෂණ කැබිනට් නොවන අමාත්‍ය සුජීව සේනසිංහ  මහතා මෙසේ ද කීවේය.       

‘‘විද්‍යාව, තාක්ෂණය සහ පර්යේෂණ කියන මේ  අමාත්‍යාංශය  දියුණු රටක නම් ප්‍රධාන අමාත්‍යාංශ තුනෙන් එකක් බවට පත්වෙනවා.  මෙතන තමයි රටේ අනාගතය රැඳී තිබෙන්නේ.                       

අමාත්‍යංශයක් විදියට අපි ජනතාව බලාපොරොත්තු වන ලස්සන රට බිහිකිරීමට කැපවී ක්‍රියා කරනවා. ඒ වෙනුවෙන් අපි මේ වනවිට විශාල පියවර රැසක් ගෙන තිබෙනවා.                                   

පාස්කු ඉරිදා ප්‍රහාරයෙන් රටේ ඉදිරි ගමනට විශාල හානියක් සිදුවුණා. අපි දැන් ඒ ත්‍රස්තවාදය සම්පූර්ණයෙන්ම මර්දනය කරමින් රට යථා තත්වයට පත්කරමින්  තිබෙනවා.  පාස්කු ඉරිදා ප්‍රහාරයෙන් පසු වාර්තා ගත ලෙස ආර්ථික, සංවර්ධන  අංශයෙන් රට ඉදිරියට ගෙනවිත් තිබෙනවා.                                  

නැවතත් වාර්තාගත ලෙස සංචාරකයන් දිවයිනට පැමිණෙමින් සිටිනවා. මෙවැනි ත්‍රස්තවාදි ප්‍රහාරයකින් පසු ඉතා ඉක්මණින්ම නැවත සන තත්වයට පත්වූ එකම රට බවට අද අපේ රට පත්ව තිබෙනවා.

අපේ අමාත්‍යංශය ඇතුළු සියලුම අමාත්‍යංශ ඒ වෙනුවෙන් විශාල වැඩපිළිවෙළක් ක්‍රියා කරගෙන යනවා. එහි ප්‍රතිඵල අද වනවිට අපේ ජනතාවට ලැබෙමින් පවතිනවා.

අපේ රජය කිසි වැඩක් නැහැ කියලා විපක්ෂය ඇතුළු පිරිස් අද චෝදනා කරනවා.  අපි මේ වසර  හතරහමාරක කාලය තුළ විශාල වැඩකොටසක් කරලා තියෙනවා. ඉදිරි කාලයත්  සැලසුම් සහගත වැඩපිළිවෙළක් ක්‍රියාත්මක කිරීමට අපේක්ෂා කරලා තියෙනවා" යැයි ඒ මහතා පැවසීය.                                



අදහස් (0)

’ආණ්ඩුවේ ධූර කාලය අවසන් වන තෙක්ම ජනතාව වෙනුවෙන් සියල්ල ඉටු කරනවා’

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site