(මනෝප්‍රිය ගුණසේකර)

මාධ්‍ය සාකච්ඡාවකදී ජාතීන් අතර අසමගිය ඇති වන ආකාරයට ප්‍රකාශයක් කළ බවට චෝදනා ලැබ සිටි බස්නාහිර හිටපු ආණ්ඩුකාර අසාද් සාලි මහතා සියලු චෝදනාවලින් නිදොස් කර නිදහස් කිරීමට කොළඹ මහාධිකරණ විනිසුරු අමල් රණරාජා මහතා නියම කළේය.

විත්තිකරුට එරෙහි චෝදනා පැමිණිල්ල විසින් සාධාරණ සැකයකින් තොරව ඔප්පු කර නොමැති බව විනිසුරුවරයා කියා සිටියේය.

හිටපු ආණ්ඩුකාර අසාද් සාලි මහතාට එරෙහිව පැමිණිලි කළ  පාර්ලිමේන්තු මන්ත්‍රීවරුන් වන මොහොමඩ් මුසම්මිල්, නිමල් පියතිස්ස සහ ගාමිණි ජයනන්ද වලේබොඩ යන අයට මහාධිකරණය හමුවේ පෙනී සිටින්නැයි මහාධිකරණ විනිසුරුවරයා නියෝග කළේය.

අසාද් සාලි මහතා නිදොස් කොට නිදහස් කිරිමෙන් පසුව ඔහු වෙනුවෙන් පෙනී සිටි ජනාධිපති නීතිඥ මෛත්‍රි ගුණරත්න මහතා තම සේවාදායකයාට එරෙහිව ද්වේශසහගත පැමිණිල්ලක් ඉදිරිපත් කර ඇති බවත් ඒ වෙනුවෙන්  වන්දි අයකර දෙන නියෝගයක් නිකුත් කරන ලෙස ඉල්ලා සිටියේය.

මාර්තු අට වැනි පැවැති මාධ්‍ය සාකච්ඡාවකදී විත්තිකරු විසින් කළ ප්‍රකාශය සම්බන්ධයෙන් සැකකරු මාස නවයකට ආසන්න කාලයක් රිමාන්ඩ් බාරයේ සිටියේය.

( ඡායාරුපය ශාන්ත රත්නායක )