අමාත්‍යංශ කැබ් එකෙන් දඩයමේ ගිය තුනක් මාට්ටු

(හිරාන් ප්‍රියංකර සහ ජයරත්න වික්‍රමාරච්චි)

දේශීය වෙදකම් ප්‍රවර්ධන,ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍යංශයට අයත් කැබ් රථයකින් ගිනි අවි හා තියුණු ආයුද රැගෙන තම්බෝව අභය භූමියේ දකුණු මායිමේ නරිඔය ආසන්නයේ දඩයමේ යමින් සිටි තිදෙනකු අද අලුයම අත්අඩංගුවට ගත් බව කරුවලගස්වැව වනජීවි කාර්යාලය කියයි.

මෙසේ අත් අඩංගුවට ගෙන තිබුනේ පුද්ගලික සමාගමක අධ්‍යක්ෂවරයකු හා කිරිබත්ගොඩ හා කරුවලගස්වැව පදිංචිකරුවන් තිදෙනෙකු බව වනජීවි නිළධාරින් පවසයි.

මෙම සැකකරුවන් දඩයමේ යාමට භාවිතා තිබු කැබ් රථය දේශීය වෛද්‍ය අමාත්‍යංශයට අයත් බවට මේ වන විට අනාවර්ණය කරගෙන ඇති බව වනජීවි නිළධාරිහු පවසති.

වනජීවි නිලධාරීන්ට ලැබුණු තොරතුරක් මත අදාල සැකකරුවන් තබ්බෝව අභය භුමියේ නරිඔය ආසන්නයේදි අද අලුයම අත් අඩංගුවට ගත් බව කියයි.

අත් අඩංගුවට ගත් සැකකරුවන් සන්තකයේ තිබි බලපත්‍ර සහිත 9 එම් .එම් .පිස්තෝලයක් හා එයට යොදන පතෝරම් 9ක් හා පතොරම් බහාලුම් දෙකක් ( පුචස් ) සමග බලපත්‍ර නොමැති බෝර 12 ගිනි අවියක් හා පතොරම් 4 ක් හිස්කොපු තුනක් සමග දඩයමට යොදා ගැනුන විදුලි පන්දමක් තියුණු පිහියක් තිත් මුව ලෝම් ග්‍රෑම් 100 කට ආසන්න ප්‍රමානයක් හා ගැකට්ටුවක් ඇතුළු දෑ අත් අඩංගුවට ගත් බව වනජීවි නිළධාරිහු සඳහන් කරති.

මේ සමග අත් අඩංගුවට ගත් සැකකරුවන් අතර සිටි කරුවලගස්වැව පදිංචි සැකකරුගේ නිවසේ තිබි වියළි මස් ග්‍රෑම් 100 කට අධික ප්‍රමානයක් සොයා ගත් බව වන ජීවි නිළධාරින් පවසයි.

අදහස් (11)

අමාත්‍යංශ කැබ් එකෙන් දඩයමේ ගිය තුනක් මාට්ටු

pakeer Friday, 23 July 2021 01:33 AM

සතෙකුටවත් ඉන්න දෙන්නේ නැති කාලකණ්ණි ... ඔය කියන ඩිරෙක්ටර්ව නිරුවතින් කැලේ යවලා... වෙඩි තියන්න ඕනේ කකුල් දෙකට...

: 2 65

nimal Friday, 23 July 2021 02:07 AM

දේශීය වෙදකම් ප්‍රවර්ධන, ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍යංශයට අයත් කැබ් රථයකින් ඔවුන්ගේ ආරක්ෂාවට ගිනි අවි හා තියුණු ආයුධ රැගෙන තම්බෝව අභය භූමියේ දකුණු මායිමේ නරිඔය ආසන්නයේ ඔවුන් ගියේ දඩයමේ නොව බෙහෙත් පැල (කොළ, පොතු, මල්, මුල්) සෙවීමට බව පැහැදිලිව පෙනේ. රජයේ වාහන යොදවමින් රජයේ සේවකයන් කළ මෙම ක්‍රියාවට දඬුවම අවම වසර 10කි. මෙය පළමු අවස්ථාව නම් මාස 3ක් සිරදඬුවම් මීට පෙරත් කර තිබේ නම් 10 වසරක්... වනයේ ජීවත්වන වන සිවුපාවුන් පරිසරය විනාශ කිරීමට දඬුවම මරණ දඬුවමට සමාන විය යුතු නොවේද?

: 0 21

Vithana Friday, 23 July 2021 05:15 AM

ඊළඟට අපිට යන්න වෙන්නේ වැදි යුගයට තමයි. මේ බඩු මිලේ හැටියට කැලේ වැදිලා දඩයම් කරගෙන තමයි කන්න වෙන්නේ. නැත්නම් බල්ලෝ, ගැරඬි වගේ චීන කෑම හොයන් කන්න වෙනවා. එතනට තමයි මේ රට අරගෙන යන්නේ මේ ආණ්ඩුව...

: 5 46

Raveendra Friday, 23 July 2021 07:01 AM

දවස අරඹන විටම දුටුවේ අවජාතක කලකන්නින්ගේ අධම ක්‍රියාවක් පිළිබද විස්තරයක්ය."මෙසේ අත්අඩංගුවට ගෙන තිබුනේ පුද්ගලික සමාගමක අධ්‍යක්ෂවරයකු හා කිරිබත්ගොඩ හා කරුවලගස්වැව පදිංචිකරුවන් තිදෙනෙකු බව වනජීවි නිලධාරින් පවසයි" ඇයි මේ "එකෙකුටවත්" නමක් ගමක් නැද්ද? ඇයි මේ කාලකන්නින්ගේ මූසල මුහුණු පල නොකරන්නේ? ඇයි මේ කැබ්රථයේ අංකය වසා තිබෙන්නේ? මළපොතේ අකුරක්වත් ඉගෙනනොගත් අපට මේවා ගැටලුය. නීතිවිරෝධී, සමාජ විරෝධී වැඩ කිරීමට හැකි නම් "නම් ගම් ප්‍රසිද්ධ කිරීමේ ඇති වැරැද්ද කුමක්ද" ? මේ අයට කැබ් රථය පාවිච්චි කිරීමට හැකි නම් එහි අංකය ප්‍රසිද්ධ කිරීමේ ඇති වැරැද්ද කුමක්ද? කරුණාකර මේ පිළිබඳව දන්නා කෙනෙකු සිටී නම් නූගත් අපව දැනුවත් කරන මෙන් ඉල්ලා සිටින්නෙමු....

: 1 73

ranjith Friday, 23 July 2021 07:08 AM

මේ අයට විලි ලැජ්ජාවක් නැති හැටි...

: 5 20

Rohana Friday, 23 July 2021 07:34 AM

දේශීය වෙදකමට අවශ්‍ය ඖෂධ නිෂ්පාදනයට සතුන්ගේ මාංශත් ගන්නවද?

: 11 43

C.K.Lankaputhra Friday, 23 July 2021 07:51 AM

සුලු කේස් එකක්නේ, යටගැහෙන කේසස් ගැන බලනකොට.... මේ රටේ මිනී මැරුම් වුණත් සමාව දිය හැකි වැරදිනේ... නීති කිපයක් එක රටක තියන එකම රට මේකයි.

: 1 32

ලුම්බිණි Friday, 23 July 2021 09:00 AM

අදාළ ඇමතිතුමා මේ ගැන ඉක්මනින්ම කටයුතු කරාවි. කලබල වෙන්න එපා.

: 11 16

Jagath Santha ........Arachchi kittuwa Friday, 23 July 2021 09:58 AM

මේ වාහනයේ අංකය නැද්ද? මේ අයගේ නම් නැද්ද?

: 20 32

සිසිල් සුදේශ් Friday, 23 July 2021 10:04 AM

ඇමතිගේ ගෝලයෙක් වෙන්න ඇති.

: 3 90

RaveendraFriday, 23 July 2021 05:18 PM

"ඇමැතිගේ" නොව මොන මළපෙරේතයාගේ පක්කලියන් වුණත් අපට අදාළ නැත. මෙම "කාලකන්නින්ට" උපරිම දඬුවම් ලැබේවා... මෙම අදහස් ඇමතියෙක් මෙම තුප්පහි වැඩේට "සම්බන්ධ නම්" ඒකාට මෙන්ම මෙම අයගේ අඹුදරුවන්ට කිසිඳු වෙනසකින් තොරව කියවීමට හැකි වේවා...!!!

: 29 54

ඔබේ අදහස් එවන්න

මහ පුවරුව

රත්නපුර ලැයිස්තුවෙන් දමිතාගේ නම හැලෙයි

2024 ඔක්තෝබර් මස 11 7062 24

තමන් මෙවර රතනපුර දිස්ත්‍රික්කයෙන් මහ මැතිවරණයට තරඟ කරන බව දමිතා අබේරත්න මහත්මිය පැවසුවත් ඇගේ නම රත්නපුර දිස්ත්‍රික්කයට බාරදුන් සමගි ජන බලවේගයේ මහ මැ

හිටපු මැති ඇමැති විස්සක් ඡන්දෙට පස්ස ගහති

2024 ඔක්තෝබර් මස 11 5717 22

හිටපු කැබිනට් අමාත්‍යවරුන් රාජ්‍ය අමාත්‍යවරුන් සහ හිටපු මන්ත්‍රීවරුන් ඇතුළු 20 ක පමණ පිරිසක් ඉදිරි මහ මැතිවරණයට ඉදිරිපත් නොවීමට තීරණය කර ඇත.

වායුගෝලය කැලඹිලා:මුහුදත් රළු වෙලා

2024 ඔක්තෝබර් මස 11 2198 0

දිවයින ආශ්‍රිත වායුගෝලයේ වර්ධනය වන කලඹිලි ස්භාවයක් හේතුවෙන් දැනට පවතින වැසි තත්වය තවදුරටත් බලා පොරොත්තුවන බව කාලගුණ විද්‍යා දෙපාර්තමේන්තුව කියයි.

පොහොර වංචාකරුවන් වහා අල්ලනු

2024 ඔක්තෝබර් මස 10 2290 1

ගොවි ජනතාව සඳහා ආනයනය කළ පොහොර හොර රහසේ කර්මාන්තකරුවන්ට ලබා දී රුපියල් කෝටි ගණනින් මුදල් වංචාකර රජයට පාඩු කළේ යැයි කියන මෙරට පොහොර සමාගම් පහක හා තැ‍රැ

විමලුත් මහ ඡන්දෙට නෑ

2024 ඔක්තෝබර් මස 10 3736 33

ඉදිරි මහ මැතිවරණයට හිටපු පාර්ලිමේන්තු මන්ත්‍රී විමල් වීරවංශ මහතා නායකත්වය දරණ ජාතික නිදහස් පෙරමුණ ඉදිරිපත් නොවීමට තීරණය කර ඇත.

කණ්ඩලම වැව් රක්ෂිතයේ සුන්දරම වන වියන වනසයි

2024 ඔක්තෝබර් මස 10 2691 12

ශ්‍රී ලංකා මහවැලි අධිකාරිය මගින් පාලනය කරන කණ්ඩලම ජලාශයේ වම් ඉවුරේ ඉතා රමණීය අසිරිමත් විශාල වන ලැහැබ සහ අක්කර දෙකක පමණ තුරුලතා වියන, ඉදිකරමින් පවතින