(වන්නි රොමේෂ් මධුෂංඛ)

මෙවර පලාත් පාලන මැතිවරණය වෙනුවෙන් යාපනය දිස්ත්‍රික්කයේ පලාත්පාලන ආයතන 05 ක් වෙනුවෙන් ඡන්ද දායකයින් සිය ඡන්දය ප්‍රකාශ කිරීමට නියමිත බවට මන්නාරම් දිස්ත්‍රික් තේරීම් භාර නිලධාරී එම්.වයි.එස්. දේශප්‍රිය මහතා කියා සිටියේය.

මන්නාරම දිස්ත්‍රික්කය වෙනුවෙන් නගර  සභාවක් හා ප්‍රාදේශීය සභා 04 ක් වෙනුවෙන් ඡන්දය ප්‍රකාශ කෙරෙන අතරම මෙවර පළාත් පාලන ආයතන මැතිවරණය වෙනුවෙන් මන්නාරම් දිස්ත්‍රීක්කයේ ඡන්ද දායකයින් 86094 දෙනෙකු සුදුසුකම් ලබා ඇත.

මේ අනුව යාපනය දිස්ත්‍රික්කයේ මන්නාරම් නගරසභාවල මන්නාරම් ප්‍රාදේශීය සභාවල නානාට්ටාන් ප්‍රදේශීය සභාවල මුසලී ප්‍රාදේශීය සභාවල මාන්තෙයි ඉටහිර ප්‍රාදේශීය සභාව යන පළාත්පාලන ආයතන 5ක් වෙනුවෙන් මැතිවරණ කොට්ඨාශ 47 කදී ඡන්ද මධ්‍යස්ථාන 94 ක් පිහිටුවා තිබූ අතර තේරීපත්වන අපෙක්ෂකයින් ගණන 54 ක්  බවට මන්නාරම් දිස්ත්‍රීක් තේරීම්භාර නිලධාරීවරයා වැඩි දුරටත් කියා සිටියේය.

මන්නාරම් දිස්ත්‍රික්කයේ ඡන්ද මධ්‍යස්ථාන වෙතට මැතිවරණ නීරීක්ෂණ කණ්ඩායම්ද පැමිණි අතර ඔවුන් කියා සිටියේ මේ වනතුරු මන්නාරම් දිස්ත්‍රික්කයේ සැලකිය යුතු ප්‍රචණ්ඩක්‍රියාවක් වාර්ථා වී නොමැති බවටයි.

එමෙන්ම මන්නාරමේ සියළුම ඡන්ද මධ්‍යස්ථාන වෙතට පූරණ පොලිස් ආරක්ෂාවක්ද සපයා තිබුණි.