(රංජිත් රාජපක්ෂ)
 
කොවිඩ් 19 වයිරසය පැතිර යාමත් සමග විදෙස් ගතව සිට මෑතකදි මෙරටට පැමිණ වතුකරයේ රැඳී සිටින පුද්ගලයින් 76 දෙනෙකු ස්වයං නිරොධානයකට යොමු කර ඇත.
 
හැටන් , බගවන්තලාව , නොර්වුඩ් , මස්කෙලිය , නල්ලතන්නිය , ගිනිගත්හේන , දිඹුල පතන , නොටන්බ්‍රිජ් , වටවල යන පොලිස් බල ප්‍රදේශවල එම පුද්ගලයින් 76 දෙනා ස්වයං නිරෝධානයට යොමු කර ඇත.
 
එම පුද්ගලයන් ස්වයං නිරොධානයේ යෙදෙනවාද යන්න මහජන සෞඛ්‍යය පරීක්ෂකවරු අද(21) ඔවුන් පදිංචි නිවාසවලට ගොස් අධීක්ෂණය කළහ.
 
හැටන් ප්‍රදේශයේ නවාතැන්පලවල්වලට පැමිණ සිටි හොංකොන් ජාතිකයන් දෙදෙනෙකුද මහජන සෞඛ්‍යය පරීක්ෂකවරුන්ගේ අධීක්ෂණයට ලක් කෙරුණු අතර එම විදේශියන් දෙදෙනා 18 දින දිවයිනට පැමිණි ඇති බවට අනාවරණය විය.
 
එම විදේශිකයන් දෙදෙනාට දින 14 යන තෙක් ස්වයං නිරොධානයකට යොමු වන ලෙසට මහජන සෞඛ්‍යය පරීක්ෂකවරු උපදෙස් දුන්හ.
 
හැටන් මහෙස්ත්‍රාත් අධිකරණ බල  ප්‍රදේශයට අයත් එම පොලිස් ස්ථාන නවයේම පදිංචි 76 දෙනාට ස්වයං නිරෝධානයේ යෙදෙනෙ ලෙස හැටන් මහෙස්ත්‍රාත් අධිකරණය මගින් ඊයේ(20) දින නියෝගයක්ද නිකුත් කර ඇත.
ඇදිරි නිතිය ප්‍රකාශයට පත් කිමත් සමග කොළඹ ප්‍රදේශයේ රැකියාවල නිරතව සිටි විශාල පිරිසක් (20) දින වතුකරයේ ඔහුන් පදිංචි නිවාස වලට පැමිණි අතර , වතුකරයේ කොවිඩ් 19 වෛරසය පැතිර යාමේ දැඩි අවධානම තවදුරටත් පවතින බව මහජන සෞඛ්‍යය පරික්ෂකවරු පෙන්වා දුන්හ.