ගිම්හාන නිවාඩුව වෙනුවෙන් හෝටල් විවෘත කරන බව පෝලන්ත රජයේ ප්‍රකාශක පියෝටර් මුලර් අද (29) පැවැසීය.

එරට රාජ්‍ය ගුවන් විදුලියට අදහස් දක්වමින් හෙතෙම ඒ බව කීය. පෝලන්තයේ කොරෝනා වයිරස අවදානම තවමත් පහව ගොස් නැති අතර දිනපතා වාර්තා වන ආසාදිතයන්ගේ ගණන ද වැඩිවෙමින් තිබේ.

පෝලන්තයේ සාම්ප්‍රදායික ගිම්හාන නිවාඩුව ඇරඹෙන්නේ ජූලි සහ අගෝස්තු මාසවලදීය.

කොරෝනා වයිරසයෙන් පසු ව්‍යාපාර ඇතුළු රටේ ඇතැම් කටයුතු නැවත ආරම්භ කිරීමට පෝලන්ත ආණ්ඩුව තීරණය කර ඇත. ඒ සම්බන්ධයෙන් වන තීරණ බදාදා දැනුම් දීමට නියමිතව ඇත.

මේ අතර කොරෝනා වයිරසය හේතුවෙන් වසා දැමුණු පෝලන්තයේ පාසල් මැයි 24 වැනිදා ආරම්භ කිරීමට රජය තීරණය කර ඇත.


අල්ජසීරා

055