ඉන්දිකා රාමනායක

කොරෝනා වයිරසය ආසාදිතයකු  ඇසුරැ කළ බව කියන පුද්ගලයකු  ධීවර කටයුතු සදහා ගොස් ඇති බවට ලැබුණු තොරතුරක් මත  ඔහු සමග  ධිවර කටයුතු සදහා ගොස් සිටි ති‍්‍රකුණාමලය ප‍්‍රදේශයේ ධීවරයින් 10 දෙනකු  අද (29) අලූයම මුහුදේ සිට ගොඩබිම වෙත ගෙන්වාගෙන  නාවික හමුදා  ති‍්‍රකුණාමලය විදුර  නාවික හමුදා කදවුර තුළ දින 14 ක නිරෝධායනයට යොමුකළ බව නාවික හමුදාව පවසයි.

මෙම ධීවරයා කොරෝනා වයිරසය ආසාදනය වු පුද්ගලයකු ඇසුරු කර පසුව පිරිසක් සමග ධීවර කටයුතු  වලට ගොස් ඇති බවට නාවික හමුදාව වෙත ලැබුණු තොරතුරක්  මත  මොවුන් ගොඩබිම වෙත ගෙන්වා ගත් බව නාවික හමුදා මාධ්‍ය මාධ්‍ය ප‍්‍රකාශක ලූතිනන් කමාන්ඩර්  ඉසුරු සුරියබණ්ඩාර මහතා පැවසීය.

මෙම පුද්ගලයා සමග බෝට්ටුවේ ගමන් ගත් සිව් දෙනා හා ඔවුන් සමග ඇසුරු කළ  තවත් ධීවර යාත‍්‍රා තුනක පිරිස මෙලෙස ගොඩබිම වෙත ගෙන්වාගෙන නිරෝධායනය වෙත යොමු කළ බවද ඒ මහතා කියා සිටියේය.

මෙම  ධිවරයින් පිරිස  මීට දින කිහිපයකට පෙර  ධීවර කටයුතු සදහා ගොස් ඇති බවත් බවද නාවික හමුදාව කියයි.

ගොඩබිම වෙත රැගෙන ආ බව මෙම පිරිස නාවික හමුදාව විසින්   පරීක්ෂණ යට ලක්කර   ඇති  අතර පසුව නිරෝධායනය සදහා යොමු කළ බවද නාවික හමුදා මාධ්‍ය ප‍්‍රකාශවරයා කියා සිටියේය.

මෙම පිරිස ගමන් ගත් බෝට්ටු 3 ද   නාවික හමුදාව විසින් විසබීජහරණයට ලක් කළ බවද නාවික හමුදා මාධ්‍ය ප‍්‍රකාශකවරයා කියා සිටියේය.