IMG-LOGO

2025 ජුලි මස 19 වන සෙනසුරාදා


සම අයිතිවාසිකම් වරප්‍රසාදය කාන්තාවට සිහිනයක් පමණද ?

 

 

කාන්තාවට සම අයිතිවාසිකම් වරප්‍රසාදය 2030 වසර වෙන විට පූර්ණව හිමිකර දීමට එක්සත් ජාතීන්ගේ සංවිධානයට අයත් රටවල් විසින් 2015 වසරේදී ගන්නා ලද සාමූහික තීරණය නියමිත කාලය තුළ ඉලක්කය කරා ළඟා නොවෙන බව ඒ පිළිබඳව මෑතකදී කරන ලද අධ්‍යයනයකින් හෙළිවී ඇත. ජගත් කාන්තා ජනගහණයෙන් 95% ක් නියෝජනය වෙන පරිදි රටවල් 129ක සහභාගීත්වයෙන්, බිල් ගේට්ස් පදනම විසින් පවත්වාගෙන යනු ලබන EQUAL MEASURES ආයතනය විසින් මෙම අධ්‍යයනය කර ඇත.   


කාන්තාවගේ දේශපාලන සහ සමාජ නිදහස, දෛනික ජීවිතය, සෞඛ්‍ය තත්ත්වය, පවුලේ වගකීම, ඇඳුම් පැළඳුම්, පානීය ජල පහසුකම්, සමබර ආහාර වේල, අන්තර්ජාල පහසුකම් ආදී බොහෝ කාරණා සම අයිතිවාසිකම් තක්සේරුවේදී සැලකිල්ලට ගෙන ඇත. මේ අනුව එකේ සිට සියය දක්වා වූ ලකුණු ක්‍රමයක් යටතේ කාන්තාවට සම අයිතිවාසිකම් ලබාදී ඇති රටවල් වර්ගීකරණය කර, ලයිස්තුගත කර ඇත. ආසියාවේ මැදපෙරදිග සහ අප්‍රිකාවේ කාන්තා සම අයිතිවාසිකම් පිළිබඳව මොරදෙන බටහිර සහ අනෙකුත් බලගතු රටවල් කීපයක්, මෙම වර්ගීකරණ ලයිස්තුවේ පළමු දහය අතරටවත් නොපැමිණ තිබීම කෙරෙහි විශේෂ අවධානය යොමුකළ යුතුව ඇත. 


කාන්තා සම අයිතිවාසිකම් වරප්‍රසාදය දඩමීමා කරගෙන ආසියාවේ මැදපෙරදිග සහ අප්‍රිකාවේ සංස්කෘතික සංහාරයක යෙදී සිටින ඇමෙරිකාවට මෙම වර්ගීකරණ ලයිස්තුවේ හිමිව ඇත්තේ විසිඅට වැනි ස්ථානයයි. එංගලන්තය ඇත්තේ දාහත් වැනි ස්ථානයේය. ලයිස්තුවේ අවසන් ස්ථානයට (129) පැමිණ සිටින්නේ චාඩ් රාජ්‍යයයි. 


කාන්තා සම අයිතිවාසිකම් වරප්‍රසාදය අඩුවෙන්ම භුක්ති විඳිනු ලබන රටවල් ලෙස පසුපෙළ ලයිස්තුගතව ඇති රටවල් විසිඑකක්ම, වර්ගීකරණ අධ්‍යයනයේදී ලකුණු පනහට අඩුවෙන් ලබාගත් රටවල්ය. 


කාන්තා සම අයිතිවාසිකම් වරප්‍රසාදය වැඩියෙන්ම මුදාහැර ඇති රට ලෙස මෙම ලයිස්තුවේ මුලින්ම සිටින්නේ ඩෙන්මාර්කයයි. ඩෙන්මාර්කය ලබා ඇති මුළු ලකුණු සංඛ්‍යාව 89.3කි. එහෙත් අධ්‍යාපනය සම්බන්ධයෙන් ඩෙන්මාර්ක කාන්තාව ලබා ඇති අයිතිවාසිකම් ජෝර්ජියානු ලිට්වේනියානු සහ කසකස්තාන් කාන්තාව ලබා ඇති වරප්‍රසාදයන්ට වඩා අඩුය. ඩෙන්මාර්ක පාර්ලිමේන්තුවේ කාන්තා නියෝජනය රුවන්ඩා සහ සෙනගල් පාර්ලිමේන්තුවල කාන්තා නියෝජනයට වඩා අඩු අගයක් ගනී. 


ලොව පුරා විසිර සිටින මිලියන එක්දහස් හාරසීයක් වෙන කාන්තා පිරිසකට සම අයිතිවාසිකම් වරප්‍රසාදය තවමත් සිහිනයක් පමණි. 


චාපි කෝසලා. 
මියුනිච්, ජර්මනිය.



අදහස් (0)

සම අයිතිවාසිකම් වරප්‍රසාදය කාන්තාවට සිහිනයක් පමණද ?

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site