IMG-LOGO watawala

2024 මැයි මස 21 වන අඟහරුවාදා


ශ්‍රී ලාංකික අලුත් අවුරුදු උත්සවය අප්‍රේල් මස 12 වැනිදා ඩුබායි හි සබීල් පාක්හිදී

 

2019 වර්ෂය සිංහල සහ හින්දු අලුත් අවුරුද්දට සමගාමීව ශ්‍රී ලාංකීය අලුත් අවුරුදු උත්සවයක් ඩුබායි හි සබීල් පාක් උද්‍යානයේ (මෙගා බෝල්) හි පැවැත්වීමට සියලු කටයුතු මේ වනවිට ඩුබායි හි ශ්‍රී ලංකා කොන්සල් ජනරාල් කාර්යාලය සූදානම් කර ඇත.   


මෙම සුවිශේෂී උත්සවය සංවිධානය කරනු ලබන්නේ ඩුබායි ශ්‍රී ලංකා කොන්සල් ජනරාල් කාර්යාලය ප්‍රමුඛ ඩුබායිහි වෙසෙන ශ්‍රී ලාංකික ප්‍රජාවයි.   


සියලු දෙනා තුළ ශ්‍රී ලාංකිකත්වය සමග සබැඳුණු සහෝදරත්වය, ශ්‍රී ලාංකික සංස්කෘතිය මෙන්ම අවුුුරුදු උත්සවශ්‍රීයෙන් සමන්විත සන්තුෂ්ටිය ඇති කිරීම අභිමතාර්ථව පවත්වනු ලබන මෙම උත්සවයේ සුවිශේෂීභාවය වෙන්නේ ශ්‍රී ලාංකික සම්ප්‍රදායික අවුරුදු ක්‍රීඩා වන කණා මුට්ටිය බිඳීම, කොට්ටා පොර, අලියාට ඇහැ තැබීම සහ සැඟවුණු අමුත්තා සෙවීම වැනි තරග ඉසව් සඳහා ශ්‍රී ලාංකික නොවන විදේශිකයන්ට ද සහභාගී වීමට අවස්ථාව හිමි වීමයි.   


මෙකී ක්‍රීඩා ඉසව්වලට අමතරව ශ්‍රී ලාංකික සාම්ප්‍රදායික කැවිලි පෙවිලි, නොමිලේ පවත්වනු ලබන වෛද්‍ය සායන, දන්ත වෛද්‍ය සහ ලේ දන්දීමේ කඳවුරු, නොමිලේ ඇස් කණ්ණාඩි බෙදාදීම සහ ශ්‍රී ලංකාවේ දේපළ මිලදී ගැනීම සම්බන්ධයෙන් ලබා දෙන උප​ෙදස් වැනි අංග රැසකින් මෙම උත්සවය විචිත්‍රවත් කෙරෙනු ඇත.   


තවද, මෙම උත්සව භූමියේ ස්ථාපිත කිරීමට නියමිත ශ්‍රී ලංකාව ප්‍රවර්ධනය කෙරෙන සුවිශේෂී සංචාරක කලාපය මගින් ඊට ඇතුළත්වන විදේශිකයන්ට සෙල්ෆි (Selfie) ආකාරයට සිය ඡායාරූප රැගෙන ඒවා සමාජ මාධ්‍ය ජාලාවන්හි පළකොට ශ්‍රී ලංකාවට යෑම සඳහා ගුවන් ටිකට් පත් ඇතුළු අගනා තෑගි බෝග රැසක් දිනා ගැනීමට අවස්ථාවන් ද හිමිවනු ඇත.   


අලුත් අවුරුදු ප්‍රීතිය සියලු ජාතීන් සමග එක්ව බෙදා ගැනීම සංකේතවත් කරමින් ඩුබායිහි ස්ථාපිත සියලු කොන්සල් ජනරාල් කාර්යාලයන්හි කාර්ය මණ්ඩල සාමාජිකයන්ට සහ ඔවුන්ගේ පවුල්වලට පමණක් සුවිශේෂී කඹ ඇදීමේ තරගයක් ඩුබායිහි ශ්‍රී ලංකා කොන්සල් ජනරාල් කාර්යාලය විසින් මෙම උත්සවයට සමගාමීව සංවිධානය කර ඇති අතර එය මෙම උත්සවයේ එක් සුවිශේෂී අංගයක් වනු ඇත.   


තවද, මෙම උත්සවය අවසානයේදී ඊට සහභාගීවන්නන්ට ශ්‍රී ලාංකික සාම්ප්‍රදායික ජන ගායනා මෙන්ම සංස්කෘතික සංදර්ශනයක් සුවිශේෂී ආකාරයෙන් ඉදිරිපත් කිරීම සඳහා සහන් රන්වල ප්‍රමුඛ 18 දෙනකුගෙන් යුක්ත ‘‘රන්වල බළකාය’’ සහ ශ්‍රී ලංකාවේ ජන ගී සම්බන්ධයෙන් සුප්‍රසිද්ධ සමන් ලෙනින් සහ නිලක්ෂි හැලපිටිය ඇතුළු ජන ගී කණ්ඩායම ද වි​ෙශ්ෂයෙන්ම ශ්‍රී ලංකාවේ සිට පැමිණීමට නියමිතය.   


තවද, එක්සත් අරාබි එමීර් රාජ්‍යයේ නායකත්වය විසින් 2019 වර්ෂය Year of Tolerance හෙවත් ‘සහජීවනයේ වර්ෂය’ ලෙස නම් කිරීමට සමගාමීව මෙම උත්සවයේ ප්‍රධාන අංගයක් ලෙස එක්සත් අරාබි එමීර් රාජ්‍යය - ශ්‍රී ලංකා සහජීවන මැරතන් ධාවනය (UAE - Sri Lanka run of Tolerance) පැවැත්වීමට ද මේ වෙනවිට සියලු කටයුතු යොදා අවසන්ය.   


පසුගිය වර්ෂයේ පෙබරවාරි මාසයේදී මෙම සබීල් උද්‍යානය තුළදීම ශ්‍රී ලංකාවේ 70 වැනි නිදහස් සංවත්සරයට සහ ඩුබාහි හි ශ්‍රී ලංකා කොන්සල් ජනරාල් කාර්යාලය ස්ථාපනය කර 25 වසරේ සංවත්සරයට සමගාමීව 2018 ශ්‍රී ලාංකික දිනය පැවැත්වුණු අතර ඊට සහභාගී වූ ශ්‍රී ලාංකිකයන් පිරිස 25,000ක් ඉක්මවීය.   


මෙම වසරේද, පසුගිය වසරේදී මෙන් විවිධ ජාතීන්ට මෙන්ම විවිධ ආගම්වලට ද අයත් ශ්‍රී ලාංකිකයන් රැසක් මෙම උත්සවය විචිත්‍රවත් කරනු ඇත.   


මොබිටෙල් ශ්‍රී ලංකා සමාගම මෙහි ප්‍රධානතම අනුග්‍රාහකයා වන අතර (ප්ලැටිනම් කාණ්ඩයෙන්), ඩුබායි හි පිහිටි ප්‍රමුඛ කාර්ගෝ සමාගමක් වන ෆුයිකෝ සමාගම ද (ගෝල්ඩ් කාණ්ඩයෙන්) මීට අනුග්‍රාහකත්වය සැපයීමට නියමිතය. ඊට අමතරව ඩුබායිහි ස්ථාපිත රක් බැංකුව (RAK Bank), ලංකා බැංකුව, ජාතික ඉතිරි කිරීමේ බැංකුව, ඩුබායි ඩියුටි ෆ්‍රී (Dubai Duty free), ලුලු ගෘෘප් ඉන්ටර්නැෂනල් (Lulu Group International), අල් හාලියා එක්ස්චේන්ජ් සහ අල් අන්සාරි එක්ස්චේන්ජ් මෙහි සම අනුග්‍රාහකත්වය දරනු ලබයි. මීට අමතරව ශ්‍රී ලංකන් ගුවන් සේවය මෙම උත්සවයට නිල ගුවන් ගමන් සහකරු වශයෙන් සම්බන්ධ වෙන අතර ශ්‍රී ලංකා රූපවාහිනී සංස්ථාව මෙහි සුවිශේෂී ඉලෙක්ට්‍රොනික මාධ්‍ය සහකරු වශයෙන් උත්සවය ආවරණය කිරීමට නියමිතය.   

 

 

 


සුරංගි අතුකෝරල   
සාජා සිට.



අදහස් (0)

ශ්‍රී ලාංකික අලුත් අවුරුදු උත්සවය අප්‍රේල් මස 12 වැනිදා ඩුබායි හි සබීල් පාක්හිදී

ඔබේ අදහස් එවන්න

Italy news

ගෝලීය නව බල අරගලයේ යුක්‍රේන සාධකය හා නව අයි.එස්. භූමිකාව
2024 අප්‍රේල් මස 02 149 0

ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්


නව කොරෝනා වෛරසය සයිප්‍රසයත් ආක්‍රමණය කරයි
2020 මාර්තු මස 28 3265 0

කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්‍ය තත්ත්වයට පත් කරමින් ලෝකයේ 150 කට අධික රටවලට ව්‍යාප්ත


කොරෝනා වෛරසය හේතුවෙන් මේ දිනවල ඉතාලියේ සිදුවෙන්නේ කුමක්ද?
2020 මාර්තු මස 28 2774 0

ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්‍රදේශය ඇතුළු උතුරේ ප්


විදේශිකයෝ දාහහතරදාහක් රෝමයට පොල්ල තියලා පැනලා
2020 මාර්තු මස 28 178 0

රෝම නගර සභා සීමාවට අයත් ප්‍රදේශය තුළ නේවාසික විදේශිකයන්ගේ සංඛ්‍යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්‍රතිශතයකි. රෝම නගර සභ


නව කොරෝනා වෛරසය ප්‍රංශ පාර්ලිමේන්තුවත් ආක්‍රමණය කරයි
2020 මාර්තු මස 14 1351 0

මේ වනවිට ලෝකයේ විවිධ රටවල සමහර ප්‍රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්‍රංශ පාර්ලිමේන්තුවද ආක්‍රමණය කොට ඇත්තේය.


කොරෝනා වයිරසය මැදපෙරදිගත් ගිලගනීද?
2020 මාර්තු මස 14 1581 0

මේ ​වෙනවිට ඉතා ශීඝ්‍රයෙන් ව්‍යාප්ත වෙන කොරෝනා වයිරසය මැදපෙරදිග රටවලටත් ව්‍යාප්තවීමේ අවදානමක් පවතින බව විවිධ මාධ්‍ය සහ තොරතුරු සනාථ කරයි. චීනය මූලික


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 839 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2381 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2043 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site