ලබන වසරේ රුසියාවේ පැවැත්වීමට නියමිත ලෝක පාපන්දු කුසලාන තරගාවලිය සඳහා සුදුසුකම් ලැබීමේ අවසන් මහා තරගය ජය පරාජයකින් තොරව නිමා කිරීම හේතුවෙන් ඉතාලිය මීළඟ ලෝක පාපන්දු ශූරතා තරගාවලිය සඳහා සුදුසුකම් නොලැබීය. 2018 පාපන්දු ලෝක ශූරතාව සඳහා සුදුසුකම් ලැබීමට නොවැම්බර් 13 වැනිදා මිලානෝහි සැන් සීරෝ ගෘහස්ථ ක්රීඩාංගනයේදී ස්වීඩනයට එරෙහිව පැවති අවසන් මහා තරගයේදී ජය ලබා ගැනීමට ඉතාලිය අපොහොසත් විය. මෙම තරග ප්රතිඵලය ඉතාලිය ලෝක පාපන්දු ශූරතාව 2018 තරගාවලියෙන් ඉවත් කරවීය.
ලබන වසරේ රුසියාවේ පැවැත්වෙන ලෝක පාපන්දු කුසලාන සඳහා වන තරග මාලාවට සුදුසුකම් ලැබීම සඳහා ඉතාලිය මෙතෙක් මුහුණ දුන් තරග පනස් හතෙන් තරග දහඅටක්ම ජය පරාජයකින් තොරව අවසන් කිරීම ඉතාලියේ අවාසියට හේතු විය. මේ අනුව වසර හැටකට පසුව ඉතාලිය මෙවර ලෝක පාපන්දු ශූරතාව සඳහා 2018 වසරේ රුසියාවේ පැවැත්වෙන තරගවලට සහභාගි වෙන්නේ නැත.
ඉතාලියේ ජාතික ක්රීඩාව ලෙස පිළිගැනෙන්නේ පාපන්දු ක්රීඩාවය. ලෝක පාපන්දු කුසලාන අවසන් තරග වෙනුවෙන් ඉතාලි පාපන්දු කණ්ඩායම් දහඅටවරක් සහභාගි වී ඇති අතර 1934, 1938, 1982 හා 2006 වසරවලදී ලෝක පාපන්දු කුසලාන හිමිකර ගැනීමට ඉතාලිය සමත් විය. 2018 රුසියාවේ පැවැත්වෙන පාපන්දු ලෝක කුසලාන අවසන් තරග සඳහා ඉතාලිය නුසුදුස්සකු වීම, මෙතෙක් පාපන්දු ක්රීඩාවේ ඉතාලිය විසින් ගොඩනගා ගන්නා ලද ප්රතිරූපය දෙදරා වැටීමක් ලෙස පාපන්දු නිරීක්ෂකයෝ කියති.
මීළඟ පාපන්දු ලෝක කුසලාන තරගාවලිය සඳහා සුදුසුකම් ලැබීමට නොවැම්බර් මස 13 වැනිදා මිලානෝහිදී පාපන්දු ලෝලයන් හැත්තෑතුන්දහසක් ඉදිරිපිට ස්වීඩනයට එරෙහිව තරග වැදුණු ඉතාලි පාපන්දු කණ්ඩායම තරගයේ මුල සිටම දුර්වලතා පෙන්නුම් කළහ. ජාතික පාපන්දු පුහුණුකරු විසින් මෙම තරගයේදී යොදාගන්නා ලද උපාය මාර්ග දුර්වල බව ද, ඉතාලිය පාපන්දු ලෝක ශූරතා අවසන් තරගාවලිය සඳහා නුසුදුස්සන් වීම ජාතික ලජ්ජාවක් බව ද ඉතාලි පාපන්දු ලෝලීහු කියති.
අර්ජන්ටිනාව, බ්රසීලය මෙන්ම ජර්මනිය, ප්රංශය හා ඉතාලිය ද ලෝක පාපන්දු කුසලාන අවසන් තරගවලදී ප්රතිවාදියාට තර්ජනයක් වූ කණ්ඩායම්ය. තරගාවලිය අවසන් වෙන තුරුම ජයග්රාහකයා විය හැක්කේ කවුරුන්දැයි සිතා ගැනීමට අපහසු වෙන අන්දමින් තියුණු තරගයක් දීමට සෑම විටම මෙම කණ්ඩායම් සමත් විය. වසර හැටකට පසුව මෙවර ලෝක පාපන්දු කුසලාන අවසන් තරගාවලියේදී ඉතාලිය පේ්රක්ෂකයකු පමණක් වෙනු ඇත. ලෝක පාපන්දු කුසලාන තරගාවලිය සඳහා සුදුස්සන් තෝරා ගැනීමේ වටයෙන්ම ඉතාලිය ඉවත්වීම ප්රතිවාදී කණ්ඩායම්වලට මහත් සැනසුමක් ගෙනදෙනු නොඅනුමානය.
ඉතාලිය අවසන් වරට 2006 දී පාපන්දු ලෝක ශූරතාව හිමිකරගත් මොහොත ඡායාරූපයෙන් දැක්වේ.
ගැස්කොන් ලාසරස්
රෝමය, ඉතාලිය.
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිව් වරක් ලෝක ශූරතාවය දිනූ ඉතාලිය වසර 68 කට පසුව 2018 පාපන්දු තරගාවලියෙන් ඉවතට