කට ඇරගෙන නිදාගන්නා පුද්ගලයන්ගේ දත්වලට සිදුවන බලපෑම ශක්ති ජනක පානයන්ගෙන් දත්වලට ඇතිවන බලපෑමට සමාන බව පර්යේෂකයන් පිරිසක් සොයා ගෙන ඇතැයි ඉන්ඩිපෙන්ඩන්ට් වෙබ් අඩවිය කියයි.

වාචික පුනරුත්ථාපනය සම්බන්ධ සඟරාවක පළවූ පර්යේෂණ ලිපියක සඳහන්ව ඇත්තේ කට ඇරගෙන නිදා ගන්නා පුද්ගලයන්ගේ දත් දිරාපත්වීමේ අවදානම නින්දේදී නාසයෙන් හුස්ම ගන්නා පුද්ගලයන්ට වඩා වැඩි බවයි.

එහි සඳහන්ව ඇත්තේ එමගින් ස්වභාවිකව මුඛයේ ඛේට පටලය නිපදවීම වැළකෙන බවයි.

දත් වසා බැක්ටීරියා ජෛවපටලයක් නිර්මාණය වී අම්ල නිකුත් කරන බවත් එමගින් දත් දිරාපත්වන බවත් ඔවුහු පෙන්වා දෙති. විදුරුමස් රෝගවලටද එය හේතුවිය හැකි බව කියති.

නමුත් කට ඇරගෙන නිදාගන්නා අය වියළි මුඛයක් සහිතව අවදිවන බවද ඊට හේතුව ඛේටය නිපදවීම අවම වීම බවද එහි සඳහන්වේ.