මිනිසුන් සහිත යානයක් අඟහරු ග්‍රහලොව වෙත යැවීමේදී ගමනට ගතවන දීර්ඝ කාලය තුළ මොළයේ සෛල වලට හානි සිදුවීමේ අවදානමක් පවතින බව විද්‍යාඥයෝ නවතම අධ්‍යයනයකින් පෙන්වා දෙති. එසේම ග්‍රහලෝක වලින් නිකුත් වන කිරණ වලට නිරාවරණය වීම නිසා සහ අභ්‍යවකාශ යානය තුළ ඇති විවිධ උපකරණ වලින් නිකුත් වන විකිරණ නිසා  ඩිමෙන්ෂියා වැනි තත්වයන්ද ඇති විය හැකි බව ඔවුන්ගේ මතයයි.

මේ පිළිබඳ සොයාගෙන ඇත්තේ නිව්යෝර්ක් හි නාසා අභ්‍යාවකාශ විකිරණ පර්යේෂණාගාරය තුළ කැලිෆෝනියා  පර්යේෂකයන් පිරිසක් විසින් මීයන් යොදාගෙන සිදු කළ පර්යේෂණයකිනි. අනතුරක් සිදුවීම හෝ මරණයට පත්වීම ගැන ඇතිවන බය සමඟ වර්ධනය වන පීඩාකාරී වාතාවරණයද මෙයට හේතුවක් බව ඔවුන් පවසයි.

කැලිෆෝනියා විශ්ව විද්‍යාලයේ විකිරණ විද්‍යා මහාචාර්ය චාල්ස් ලිමොලි පවසන්නේ අවුරුදු දෙක තුනක දීර්ඝ චාරිකාවකට බලාපොරොත්තු තබා සිටින අජටාකාශගාමීන්ට මෙය සුභදායක ආරංචියක් නොවනු ඇති බවයි. 

mars-isolation-experiment_650x400_81472451564 download-(4)-(1) images-(1)-(1)