IMG-LOGO

2025 මැයි මස 13 වන අඟහරුවාදා


පාපැදි සොරකම

ජවිපෙ  ආරම්භක සාමාජිකයකුගේ මතක  සටහන්

08 වැනි කොටස

අම්බලන්ගොඩ ගුස්තික්‍ඳ්ක්‍ඳවඩු පියසිරි ගුණරත්න ජනතා විමුක්ති පෙරමුණේ ආරම්භක සාමාජිකයෙකි. ඒ ඉපැරණි මතකය සිහිපත් කරමින් ඔහු “මගේ මතක සටහන්” (ජනතා විමුක්ති පෙරමුණ සහ අප්‍රේල් කැරැල්ල) නමින් කෘතියක් පසුගියදා එළිදැක්විණි. මේ ඒ කෘතියෙන් උපුටාගත් කොටසකි.

පසුව මම ඔවුන් සමග සාකච්ඡා කර ඔවුන්ට පන්ති පැවැත්වූයෙමි. අනතුරුව ඔවුහුද ව්‍යාපාරයේ වැඩ කිරීමට පටන් ගත්තෝය. ප්‍රේමදාස හා ඥානරත්න සහෝදරයන් විසින් සූදානම් කළ සහෝදරයින්ට ද මම පන්ති පැවැත්වූයෙමි. මේ දිනවලම ගුරු විදුහලෙන් පිටවූ ගරුසිංහ සහෝදරයා මැදි විදුහලට මාරුවී පැමිණියේය. ගරුසිංහ සහෝදරයා දැඩි කැපවීමෙන් කටයුතු කිරීමට පටන් ගැනීමත් සමග අප ව්‍යාපාරයේ කටයුතු දියුණු විය.


අප ව්‍යාපාරයට බොහෝ ආදරය කළ නාවික හමුදාවේ අපගේ තිලකරත්න සහෝදරයා විසින් මට හඳුන්වා දුන් නාවික හමුදාවේ සහෝදරයින් දෙදෙනෙකු විසින් සූදානම් කළ සාකච්ඡා කිහිපයක්ම මම පැවැත්වූයෙමි. එසේම කුමාරසිංහ ජයසේකර, හුංගම සැම්සන් යන සහෝදරවරුන් සංවිධානය කළ පිරිස්වලටද මම පංති පැවැත්වූවෙමි. මේ කුමාරසිංහ සහෝදරයා, ගරුසිංහ සහෝදරයා සමග 1971 න් පසුව වනගතව සැලකිය යුතු කලක් රජයට එරෙහිව සටන් කළ කණ්ඩායමේ සාමාජිකයෙක්ව සිටියේය.


මේ කාලයේදීම බඬේ අමාරුවක් හැදී මට අනුරාධපුර රෝහලේ නැවතී ප්‍රතිකාර ගැනීමට සිදුවිය. මීට ඉහත මා කොළඹ සේවය කරද්දී ද මා මෙසේ අසනීප වී කොළඹ මහ රෝහලෙන් ප්‍රතිකාර ගෙන තිබුණි. කොළඹදී මා හට ලබාදී තිබූ රෝග විනිශ්චය කාඞ්පත මම අනුරාධපුර රෝහලට ලබා දුන්නෙමි. මා හට ඇත්තේ තයිරොයිඞ් සම්බන්ධ රෝගයක් බවත්, ඒ සඳහා ශල්‍යකර්මයක් කළ යුතු බවත් එවිට වෛද්‍යවරු නිගමනය කළහ. ඉන්පසු මට මාසයක් පමණ රෝහලේ නතර වී සිටීමට සිදුවිය. මාගේ නැන්දණිය (අම්මා) ගේ ලොකු දුව වන සේපාලිකා ගුණසේකර හෙදියක් ලෙස අනුරාධපුර රෝහලේ සේවය කළ බැවින් සියලු පහසුකම් මට ලැබුණි.


මේ කාලයේ අනුරාධපුර ව්‍යාපාරයේ කටයුතු කළේ සිරිල් දහනායක සහෝදරයාය. මේ වන විට මාරසිංහ, රණතුංග, ලෙස්ලි, තඹුත්තේගම කරු යන සහෝදරවරු හා කරුණාරත්න, ගුණපාල යන සහෝදරයින් අතර ප්‍රශ්නයක් ඇතිවී තිබුණි. මා මහ රෝහලේ සිටින බව දැනගෙන සිටියේ දහනායක, ජයසිංහ හා මාරසිංහ යන සහෝදරයින් පමණකි. මා මෙහි සිටින බව වෙනත් කිසිවෙකුට නොදන්වන ලෙස අප දන්වා තිබුණි. සහෝදරවරුන් අතර ඇතිවී තිබූ ප්‍රශ්නය මා හට දැනුම් දුන්නේ ජයසිංහ සහෝදරයාය. මේ නිසා මම රෝහලේ සිටිද්දීම සවස 5.00 පමණ සූක්ෂම ලෙස රෝහලෙන් පිටවී ජයසිංහ සහෝදරයා සමග ගොස් ජයසිංහ සහෝදරයා මගින් දහනායක සහෝදරයා ගෙන්වා ගෙන මේ ගැන සාකච්ඡා කළෙමි. පසුව මම මේ දෙගොල්ලන්ම වෙන වෙනම රැස් කරවා සාකච්ඡා කළෙමි. එමගින් ඔවුන් සමගි කිරීමට හැකි විය.


පොළොන්නරුව සහෝදරයින්ට වැඩ කිරීම සඳහා පාපැදි දෙකක් එවන ලෙස දන්වා ඇති බව දිනක් ජයසිංහ සහෝදරයා කීවේය. මා මාරසිංහ සහෝදරයා කැඳවා මෙහෙන් පාපැදි දෙකක් සොරාගෙන යාමටත්, පොළොන්නරුවේ සහෝදරයින්ට දන්වා එහෙන් පාපැදි දෙකක් සොරාගෙන එය අනුරාධපුරයට පැදගෙන ඒමටත් කීවෙමි. මෙය එකම දිනකට යොදාගෙන මගදී පාපැදි මාරුකරගෙන යාමටත් කටයුතු කරන ලෙස මම දහනායක සහෝදරයාට උපදෙස් දුන්නෙමි. ඒ අනුව පළාත් දෙකටම වැඩ කිරීම සඳහා පාපැදි ලැබුණි.
සුවය ලබා අනුරාධපුර රෝහලෙන් ටිකට් කැපීමෙන් පසු නැවත ත්‍රිකුණාමලයට ගියෙමි. ඒ අතරවාරයේ ගරුසිංහ සහෝදරයා ව්‍යාපාරයේ කටයුතු ඉතා සාර්ථක ලෙස කරගෙන ගොස් තිබුණි. මේ දිනවලම මඞ්කෝහි වරාය සහෝදරයින් කිහිපදෙනෙකු සඳහා සූදානම් කර තිබූ සාකච්ඡාවකට මම සහභාගී වූයෙමි. නාවික හා යුද හමුදාවේ සහෝදරයින් සඳහා වන සාකච්ඡා පන්ති පැවැත්වීමට සහභාගි වූයේ මා පමණකි.


මෙම කාලයේ ගරුසිංහ සහෝදරයාගේ අදහස් අනුව අතින් දෙමළ බසින් පෝස්ටරයක් සාදා එය ත්‍රිකුණාමලය නගරයේ ඇලවීමු. දෙමළ බසින් මෙය ලියන ලද්දේ ත්‍රිකුණාමලයේ දී මුලින්ම මා හමුවූ සහෝදරයින්ගෙන් කෙනෙකු වන ධීවර කාර්මිකයෙකු වූ ඥානරත්න සහෝදරයා විසිනි. ඔහුට දෙමළ භාෂාව කථා කිරීමට හා ලිවීමටද හැකියාව තිබිණි. මෙම පෝස්ටරයේ ලියන ලද්දේ “ජාතිවාදය අතහැර සමාජවාදය තෝරා ගන්නා ලෙස දෙමළ තරුණයින්ගෙන් ඉල්ලා සිටිමු” යන්නයි. මෙම පෝස්ටරය අලවා සතියක් පමණ ගිය විට එයට පිළිතුරු පෝස්ටරයක් ගසා තිබිණ. ඥානරත්න සහෝදරයා මේ බව අපට දන්වා පසුව එම පෝස්ටරයක් ද ගලවාගෙන විත් තිබිණ. එහි සිංහල අදහස වූයේ “උඩින් වැටුණා වගේ මිලදී ගත්තා වගේ එහෙන් මෙහෙන් එන සිංහල සමාජවාදීන් අප විසින් පිළිගන්නේ නැත” යන්නයි.


මේ කාලයේදී අනුරාධපුර ජයසිංහ සහෝදරයා හරහා නොම්බර 12 පතරොම් මිලදී ගැනීමට අපට හැකි විය. මේ සඳහා මුදල් එකතු කළේ ගරුසිංහ සහෝදරයා හා ප්‍රේමදාස සහෝදරයාය. මෙම පතරොම් ප්‍රේමදාස සහෝදරයා බාරයේ තිබිණි.


මේ වන විට 1970 මහා මැතිවරණය එළඹෙමින් තිබුණි. එම මැතිවරණයේදී අප කටයුතු කළේ කිසිම පක්ෂයකට සහයෝගයක් නොදී සිටීමටය. සමගි පෙරමුණ ජයගන්නා බවට අපට විශ්වාසයක් තිබුණි. නමුත් එජාප රජය භාර නොදී මොන ක්‍රමයකින් හෝ දිගටම සිය පාලනය පවත්වා ගෙන යාමට ඉඩ ඇති බවට බරපතළ සැකයක් අපට ඇතිවී තිබුණි.
1970 මැතිවරණයට ආසන්නයේදී විජේවීර සහෝදරයා හම්බන්තොටදී (ජුල්ගමුවේදී විය යුතුයි) අත්අඩංගුවට පත්විය. එසේ වුවත් සනත්, කරු, අතුල ඇතුළු පිරිස සමග එක්ව ව්‍යාපාරය අඩපණ නොවී පවත්වාගෙන යාමට අපට හැකියාව ලැබුණි. විජේවීර සහෝදරයාගේ නඩුව විභාග වූයේ නුවරඑළියේ උසාවියේය. රටේ සෑම තැනකින්ම පූර්ණකාලීන සහෝදර සහෝදරියෝ නඩු දිනයට උසාවියට පැමිණියෝය. මැතිවරණයෙන් පසු ජුනි මස දිනක විජේවීර සහෝදරයා නිදහස් කරන ලදී. එනමුත් එම කාලයේදීම අත්අඩංගුවට ගෙන තිබූ නුවරඑළියේ සිරිවර්ධන නොහොත් ගට සිරා නිදහස් කළේ නැත. නිදහස් වූ විජේවීර සහෝදරයා නානුඔය දුම්රියපොළේදී පැමිණ සිටි සහෝදරවරුන් අමතා උද්යෝගිමත් කථාවක් පවත්වා ලක්ෂ්මන් මාදුවගේ, අනුර, සුනන්ද ඇතුළු පිරිසක් සමග බණ්ඩාරවෙල බලා පිටත්ව ගියේය.

 

 


සකස් කළේ : 
ප්‍රසන්න සංජීව තෙන්නකෝන්
ඡායාරූප : අන්තර්ජාලයෙනි.



අදහස් (0)

පාපැදි සොරකම

ඔබේ අදහස් එවන්න

 

 
 

Diyatha News

රට රත් කළ ඇඟ බද්ද
2020 මාර්තු මස 28 12500 3

අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්‍ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි


ජේ.ආර්.ගෙන් ඇන්.ඇම්.ට චරිත සහතිකයක්
2020 මාර්තු මස 14 6920 1

මිත්‍රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල


ප්‍රභාකරන්​ගේ පළමු උණ්ඩයට බිලිවූ යාපා පටුනේ පළමු පුරවැසියා
2020 මාර්තු මස 14 14640 1

දෙමළ ඊළාම් විමුක්ති කොටි සංවිධානය (LTTE) විමුක්තිය උද‌ාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි


බත් දුන් පියා නූලෙන් දිවි ගලවා ගත් හැටි
2020 මාර්තු මස 14 15112 4

ලංකාවේ දෙවැනි අගමැති ඔහුය. ඔහුගේ පියා ලංකාවේ ප්‍රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත


ජෝන්ට ඇටවූ මර උගුල්
2020 මාර්තු මස 14 2899 0

කුල භේදය සම්බන්ධයෙන් උගුරට හොරා බෙහෙත් බීමේ ප්‍රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය


මැතිසබය ගෙදර යැවීමේ පුරාණයෙන්
2020 මාර්තු මස 14 486 0

පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්‍ෂ මහතා ජයග්‍රහණය ලැබීමෙන් පසුව මහින්ද රාජපක්‍ෂ මහතා අගමැති ධුරයට පත්කර රජයක් පිහිට


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 1255 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1524 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 399 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site