(උණවටුන ඞී. ජී. සුගතපාල)
රාති‍්‍ර කාලයේ නිවසකට රිංගා එම නිවසේ කාන්තාව සමග සිටි වෙළෙඳ නියෝජිතයකු නිවෙස් හිමියාගේ පහර කෑමට ලක්ව කරාපිටිය රෝහලට ඇතුළත් කිරීමේ සිද්ධියක් පෝද්දල ප‍්‍රදේශයෙන් වාර්තාවේ.


පොලිසියට ලැබී ඇති පැමිණිල්ල අනුව සිද්ධිය මෙසේය.
මෙම නිවසේ හිටියෙ පෙදරේරුවෙකි. ඔහු නුවර ප‍්‍රදේශයේ රැුකියාව කළ අතර නිවසේ සිටියේ දියණිය පුතා සහ බිරියය. සැමියා උපයන මුදල පවුලේ නඩත්තුවට ප‍්‍රමාණවත් නොවූ නිසා බිරිය නිවස ඉදිරිපිට වෙළෙඳසලක් පටන් ගත්තාය.


එයට සැමියාගේද අකමැත්තක් නොවීය. ටික දිනක් යනවිට වෙළෙඳසලට බඩු ගෙනෙන වෙළෙඳ නියෝජිතයකු සමග අනියම් සම්බන්ධයක් ඇතිකරගත් ඇය එය රහසක් ලෙස තබා ගැනීමට උත්සාහ කළාය. එහෙත් වෙළෙඳ නියෝජිතයාගේ නිතර නිතර පැමිණීම ගමේ අයට නම් රහසක් නොවීය. සැමියාගේ කනටද මේ ආරංචිය ගියේය.


පසුගිය දිනක රාති‍්‍ර දහයයි තිහට පමණ කිසිවකුට නොදන්වා නිවසට ආ ඔහු දොරවසා තිබූ නිසා දොරට තට්ටු කළේය. දොර විවෘත නොවීය. හදිසි අවස්ථාවකදී නිවසට ඇතුළුවන අයුරු දැනසිටි ඔහු ඒ අනුව නිවසට ඇතුළු විය.


සැකය නිවැරැුදිය. වෙළෙඳ නියෝජිතයා තම බිරියගේ සායක් ඇඳගෙන පැන යාමට උත්සාහ ගත් නමුත් එයට ඉඩක් නොලැබිණ. ඔහු කෑගැසූ හඬට ගමේ මිනිස්සුද නිවෙසට රොක්වූහ. වෙළෙඳ නියෝජිතයා කොටුවිය.


පසුව පොලිසිය පැමිණ සායට උඩින් සරමක්ද අන්දවා හොර මනමාලයා කරාපිටිය රෝහලට ඇතුළත් කරනු ලැබුවේ ඒ වනවිට ඔහු තුවාල ලබා සිටි නිසාය.