දකුණේ ප‍්‍රසිද්ධ නගරයකි. එහි ඇති කී‍්‍රඩා පිටිය ආසන්නයේ දෙවොලකි. මේ දෙවොලේ ප‍්‍රධානියා වන්නේද බවලතෙකි. ඇයගේ පුතා මත්කුඩුවලට ඇබ්බැහිව කටයුතු කරන බව ඇය පමණක් නොව දෙවොලෙන් ශාන්ති ලබාගැනීමට පැමිණෙන බොහෝ දෙනා ද දනිති. දෙවොලේ වැඩ අරඹන්නට පෙර බවලතිය විසින් විශාල ප‍්‍රමාණයේ පුජා වට්ටියක් දෙවියන් ඉදිරියේ  තැබීම සාමාන්‍ය සිරිතකි. මෙදින ද සුපුරුදු පරිදි පුජාවට්ටිය දෙවියන් ඉදිරියේ තැබූ බවලතිය වෙනත් වැඩකට එතැනින් ඉවත්ව ගියාය. ඒ අතරතුර දේවාලය තුළට රිංගා ගත්තේ ඇගේ පුතනුවන්ය. ඔහු ආවේ දේවාලයේ ඒ වනවිට එකතු  වූ මුදලින් කීයක් හෝ රැගෙන මත්කුඩු බීමට මුදල් සොයාගන්නටය. නමුත් එදින ඒ වනවිටත් දේවාලයට මුදල් එකතු වී නොතිබුණි. බවලතියගේ පුතාට කළ හැකි දෙයක් නොවුයෙන් පුජාවට්ටියේ තිබු ඉස්තරම් පලතුරු ටික සොරාගෙන පලා ගියේය.  සිය වැඩය නිමකොට දේවාලය වෙත ආ  බවලතිය  පුජා වට්ටියේ අඩුවක් ඇතැයි දැක ඒ දෙසෙ විමසිලිමත් විය. එවිට ඈ දුටුවේ විශාල වියදමක් දරා ගෙනවිත් තිබු ඉස්තරම් පලතුරු ටික කිසිවකු සොරගෙන ගොස් ඇති බවයි. ඇය දෙවියන් ඉදිරියේ පරලවිය. පූජා වට්ටියෙන්  පලතුරු සොරාගත් සොරාට දඬුවම් දෙන ලෙස ඉල්ලා මහහඬින් දෙවියන්ට කන්නලව් කළාය. කී‍්‍රඩාපිටියේ සිටි කිසිවකු මේ අතර දුවවිත් බවලතියට කීවේ පලි ගහන්න එපා පලතුරු ටික  හොරා ගත්තේ ඔහේගේ පුතායි.  බවලතිය පරලවීම නවතා දෙවියන් ඉදිරියේ වැඳ වැටුණේ අනේ දෙවියනේ මං පලි ගහපු ඒවා ඉල්ලා අස්කර ගන්න අවසර දෙන්න කියමිනි.