IMG-LOGO

2024 මැයි මස 30 වන බ්‍රහස්පතින්දා


තනියට ආ තරුණයාට වහවැටී පෙම්වතා එපාවෙලා

(කෑගල්ල අධිකරණ - චමින්ද වැවතැන්න)
කොළඹ ඇඟලුම් කම්හලක සේවය කරමින් සිටියදී මුහුණු පොතෙන් හඳුනාගෙන ගෙනා මනාලියට කොවිඩ් 19 එන්නත ලබා දී නිවසට ගන්නා තුරු වයෝවෘද්ධ කාන්තාවකගේ නිවසක දින කිහිපයක් තාවකාලිකව නතර කර සිටියදී වෙනත් තරුණයෙකු සමග පෙම් සම්බන්ධතාවක් ගොඩ නගා ගැනීම සම්බන්ධයෙන් කනස්සල්ලට පත් තරුණයෙක් පිළිබඳ පුවතක් කෑගල්ල දේවාලේගම ප්‍රදේශයෙන් වාර්තා වෙයි.


වාර්තා වන අන්දමට සිද්ධිය මෙසේය.


කෑගල්ල දේවාලේගම ප්‍රදේශයේ 26 හැවිරිදි තරුණයෙක් සිටියි. මෙම තරුණයා කලක සිට කෑගල්ල නගරයේ පෞද්ගලික ආයතනයක සේවය කරන්නේය. මෙම තරුණයා මුහුණු පොතෙන් කොළඹ ඇඟලුම් ආයතනයක සේවය කරන අවිවාහක 21 හැවිරිදි තරුණියක් හඳුනා ගත්තේය.


තමන්ට මව්පියන් සහෝදර සහෝදරියන් නොසලකා හැරිය අවස්ථාවේ දී අසල්වැසි හිතවතියක් මාර්ගයෙන් කොළඹ ඇඟලුම් කම්හලකට මීට මාස අටකට පමණ ඉහතදී පැමිණි බව දිනක් තරුණිය කෑගල්ලේ තරුණයාට දුරකථනයෙන් තොරතුරු විමසා සිටින අවස්ථාවේ දී පැවසුවාය. 


ඇගේ ජීවිත කතාව ඇසූ තරුණයා ඇයට අනුකම්පා කර ඉදිරියේ දී විවාහ කර ගන්නා බවට පොරොන්දුවී පරිස්සමෙන් ඇඟලුම් ආයතනයේ රැකියාව කරගෙන ජීවත් වෙන ලෙසට උපදෙස් දුන්නේය.


පෙමින් වේලී සිටි තරුණියත් තරුණයාත් මීට දින කිහිපයකට ඉහතදී තරුණියගේ ඇඟලුම් ආයතනයේ කොරෝනා ආසාදිතයන් කිහිප දෙනෙක් හමුවීමත් සමග තරුණිය සිටියේ ගාල්ලේ මහ ගෙදර බලා යාමටය.


තරුණයා ඒ අදහස් වෙනස් කර   ‘අපි දෙන්නා දැන් විවාහ වෙමු’ යැයි තරුණියට පැවසුවේය. ගාල්ලේ මව්පියන් ළඟට යළි නොගොස්  තමන්ගේ නිවසට පැමිණෙන ලෙසට තරුණයා තරුණියට දුරකතනයෙන් දැනුම් දුන්නේය.


තරුණයාගේ දැඩි ඉල්ලීම පරිදි තරුණිය කොළඹ සිට කෑගල්ල දේවාලේගම නගරයට පැමිණියාය. තරුණිය පිළිගත් තරුණයා ඊට පසුව අසල ඇති බස් නැවතුමට එක්කරගෙන ගියාය. දේවාලේගම නගරයේ සිට මීටර් 300 400 ක් ඈතින් පිහිටි නිවසේ සිටින මවට තරුණයා දුරකථන ඇමතුමක් ගෙන පෙම්වතියගේ තොරතුරු පළමු වරට අම්මාට කීවේය. පසුව අම්මත් නිවසේ සිටින බාල සහොදරයාත් කලබලයට පත් වී දැඩි කොරෝනා වසංගතය පවතින අවදියේ දී තරුණිය නි​ෙවස පැත්තටවත් රැගෙන නොඑන ලෙස දැන්වීය. 


තරුණියට කොරෝනා එන්නත දී ඇද්දැයි දුරකථනයෙන්ම බාල සහෝදරයා වැඩිමල් සහෝදරයාගෙන්  විමසීමක් කළේය. එන්නත් කරගෙන නොමැති බව තරුණයා මවටත් බාල සහෝදරයාටත් කීවේය.


කලබලයට පත්වූ බාල සහෝදරයා ඇඟලුම් ආයතනයක සිටියා නම් අනිවාර්යයෙන්ම කොරෝනා ඇති බවත් අම්මා ද අසනීපයෙන් පසුවන හෙයින් වහාම එන්නත් කරගෙන පමණක් නි​ෙවසට රැගෙන එන ලෙසට වැඩිමල් සහෝදරයාට බාල සහෝදරයා දුරකථනයෙන් පවසා ඇති බව වාර්තා වෙයි.  


තරුණයා තරුණිය දින කිහිපයකට නතර කිරීමට නිවසක් සොයමින් සිටින අවස්ථාවේ දී එකවර රඹුක්කන පදිංචි හිතවත් කාන්තාවක් පිළිබඳ සිහිපත් වූයේ අහම්බෙනි.


පසුව තරුණයා රඹුක්කන කාන්තාවට සිද්ධිය සම්බන්ධයෙන් පැවැසුවේය. පසුව ඇගේ කැමැත්ත ප්‍රකාශ කිරීමෙන් පසුව ත්‍රිරෝද රථයකින් යලි දේවාලේගම සිට තරුණිය රැගෙන ගොස් දින කිහිපයකට කාන්තාවගේ නිවසේ නතර කළේය. තරුණියගේ කෑම බීම සම්බන්ධයෙන් තරුණයා රුපියල් 5,000 ක මුදලක් කාන්තාවගේ අත තැබීමට ගිය අවස්ථාවේ දී ඇය මුදල් ප්‍රතික්ෂේප කර කෑම ටිකක් දෙන එක මහ ලොකු දෙයක් යැයි පවසා හැකි අයුරින් කෑම ටිකක් දෙන බවට තරුණයාට පොරොන්දු වුවාය.


සතුටු සිතින් නිවසට පැමිණි තරුණයා දිනකට තුන් හතර වරක් ඇගේ දුක සැප සොයමින් එන්නත් කරදීම සම්බන්ධයෙන් සොයා බලන්නට විය. නියමිත දිනට එන්නත් කරන බවට තොරතුරු සොයා ගෙන සිටි තරුණයා එදිනට පෙම්වතිය රැගෙන පැමිණ එන්නත් කිරීමෙන් පසුව නි​ෙවසට රැගෙන එන්නට සිතාගෙන සිටියේය.


රඹුක්කන නි​ෙවසේ නතර කළ තරුණිය සතියක් පමණ කල්ගත වූ පසුව ඇගෙන් පෙරට වඩා ආදරයේ වෙනසක් තරුණයාට දැනුණි. කීප අවස්ථාවකදීම දැනුන වෙනස පිළිබඳ තරුණියගෙන් විමසා සිටියත් ඇය කිසිවක් ප්‍රකාශ නොකළාය. පසුව තරුණයා ඉකුත්දා සිය යතුරුපැදියෙන් රඹුක්කන නිවසට ගිය අවස්ථාවේ දී ප්‍රකාශ කර ඇත්තේ නි​ෙවසේ සිටින කාන්තාවගේ තනි නොතනියට 25 හැවිරිදි මුණුපුරකු සෑම දිනකම රාත්‍රියට එන බවත් ඔහුගේ බලවත් ඉල්ලීම පරිදි තමා අනාථ වූ බවත් කදුළු සලමින් පැවසුවාය. පසුව තරුණයා දැඩි සිත් වේදනාවකින් ඕනෑ දෙයක් කර ගන්න යැයි තරුණියට පවසා ආපසු තම නි​ෙවසට පැමිණ ඇති බව වාර්තා වෙයි.

 



අදහස් (0)

තනියට ආ තරුණයාට වහවැටී පෙම්වතා එපාවෙලා

ඔබේ අදහස් එවන්න

දෙයියෝ සාක්කි

කවි පද හරහට ගිහින් කුඩ මිටෙන් ගුටිකාලා
2024 මැයි මස 29 491 0

වෙසක් සතියේ ප්‍රදර්ශනය කළ තොරණක කවි ගායනා කළ කවියකුට එම තොරණ සංවිධාන කටයුතු කළ කාන්තාවක විසින් සිදුකළ පහරදීමක් සම්බන්ධ පුවතක් දකුණු පළාතේ පොලිසියකින


කකුල් පණ නැති යාචකයා පිම්මේ දුවලා
2024 මැයි මස 28 817 0

දෙපා පණ නැති යාචකයකුට සිය නිවස වෙත යාමට ඇති අන්තිම බස් රථය දැක දෙපා පණ ආ පුවතක් රත්නපුර දිස්ත්‍රික්කයේ එක්තරා ගමකින් අසන්නට ලැබුණි.


භාවනා මුවාවෙන් සූර් වී රස්සාවටත් තට්ටු වෙලා
2024 මැයි මස 27 821 0

නගරයේ ප්‍රසිද්ධ ස්ථානයක පැවැත්වෙන විශේෂ භාවනා වැඩසටහනකට යනවා යැයි රාජකාරී දිනක කාර්යාලයෙන් බැහැරව ගොස් මිතුරන් පිරිසක් සමග ප්‍රසිද්ධ ස්ථානයක තබාගෙ


කොටු පැනිල්ලෙන් පුත්‍රයාගේ කෙරුවාව හෙළිවෙලා
2024 මැයි මස 22 3048 6

යුක්තියේ මෙහෙයුමෙන් දහහත් හැවිරිදි සිය පුත්‍රයාගේ තරම මවුපියන්ට දැනගන්නට හැකි වූ අපූරු කතාවක් අම්බලන්ගොඩ පොලිසියෙන් අසන්නට ලැබේ. එදා මධ්‍යම රාත්‍ර


කසිප්පු පෙව්වැයි ගනුන්ගෙන් අම්බානට ගුටි කාලා
2024 මැයි මස 21 1319 0

මළ ගෙදරක් ආසන්නයේ ගලක් උඩ සිට ගමේ පිරිමින්ට කසිප්පු අලෙවි කළැයි කාන්තාවන් පිරිසක් එකතු වී පුද්ගලයකුට පහරදී ගල පල්ලට තල්ලු‍ කර ඇතැයි කියන සිද්ධියක් සම


තරු හෝටලේ සාදයට ගමේ බඩු දී හතර අතේ වැටිලා
2024 මැයි මස 20 1428 1

අත දිගහැර වියදම් කොට මෙරට ප්‍රමුඛ පෙළේ හෝටලයක පැවැත්වූ සිය වැඩිමල් දරුවාගේ මංගල උත්සවයට පැමිණි හිතවතුන්ට විදේශීය රටක නිෂ්පාදනය කරන ලද උසස් තත්වයේ මත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1026 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2600 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2218 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site